როცა ლოცულობ, ნუ იჩქარებ ფიქრით სხვა საქმეზე გადასვლას, ვინაიდან ლოცვა უნდა იყოს შენი უმთავრესი საქმიანობა
როცა ლოცულობ, ნუ იჩქარებ ფიქრით სხვა საქმეზე გადასვლას, ვინაიდან ლოცვა უნდა იყოს შენი უმთავრესი საქმიანობა
წმინდა იოანე კრონშტადტელი
დარიგებები სამღვდელო პირებს
* როცა ლოცვაზე დგახარ, ნუ იფიქრებ, თითქოს მარტო შენ ლოცულობდე. შენთან ერთად, ერთსა და იმავე ჟამს, მილიონობით კაცს მოუყრია მუხლი შემოქმედის წინაშე.

* ლოცვის დროს გონება ნათლდება.

* არ დაგავიწყდეს, რომ ლოცვით ცოდვები აღიხოცება, ამას გვიჩვენებს სიმსუბუქე გულისა, ლოცვის შემდგომი.

* როცა ლოცვების კითხვისას უფალს დაუწყებ ძებნას, შორს ნუ მოძებნი, ის იქვეა, თვითონ ლოცვის სიტყვებში. მხოლოდ გული მიანდე მას და უფალიც შენს გულში შემოვა. ლოცვის სიტყვებში სუნთქავს ღვთის სული.

* უეჭველად გულით უნდა ვილოცოთ. გული უნდა მივუახლოვოთ ღმერთს, თორემ სხვანაირად გაგიჭირდება ლოცვა. როცა გულით და სიყვარულით ლოცულობ, ყოველთვის სასიამოვნოა და მსუბუქი. ყველა საქმე ადვილად კეთდება, თუ მას გულით და ღვთისადმი სიყვარულით ვაკეთებთ.

* რაც მეტი თავისუფლებაა და, შესაბამისად, სიმშვიდეა ლოცვისას, რწმენა და გულწრფელობა, მით ამაღლებულია ის (ლოცვა) და მოქმედი.

* შენი ლოცვა ყოველთვის წრფელი უნდა იყოს, გულიდან წამოსული. ნურასოდეს ილოცებ სიწრფელის გარეშე, თორემ შენი ლოცვა ამაო იქნება. ამიტომ როცა ლოცვისას შეამჩნევ, რომ სიწრფელე დაგეკარგა, მაშინვე სძლიე თავს, მზაკვარ გულს, ბოროტ სხეულს და გულს სიწრფელე აიძულე.

* ლოცვისთვის გულს ნუ დაზოგავ: ამოიყვანე გული ვნებებისა და ბოროტი მიდრეკილებისგან და ღვთისკენ ასწი, განწმინდე გონიერი ნათლით, თორემ მასში სიბნელე და ყველანაირი ქვეწარმავალი დაიბუდებს. ლოცვისას პირდაპირ ურტყი ცოდვილ გულს, მის განსაკურნებელ ნაკლოვანებებს, გამოწურე ისინი მისგან, ნუ დაზოგავ, დაღვარე ცრემლი და ცრემლებს გამოჰყვებიან ისინი. თუ გულს დაზოგავ და არ შეეხები, ყველანაირი საძაგლობა მასში დარჩება და ლოცვაც სიკეთეს არ მოგანიჭებს.

* სულით და ჭეშმარიტებით (იოანე 4,23) ლოცვა ნიშნავს იმ რწმენით, იმედითა და სიყვარულით ლოცვას, როგორც ლოცულობდნენ წმინდა მამები, რომელთაც დაგვიტოვეს სულიერი საგანძური - თავიანთი ლოცვები, დიდებისმეტყველება და მადლიერება ღვთისადმი.

* როცა ლოცულობ, ნუ იჩქარებ ფიქრით სხვა საქმეზე გადასვლას, ვინაიდან ლოცვა უნდა იყოს შენი უმთავრესი საქმიანობა მთელი ცხოვრების მანძილზე, ღირსეულად ლოცვის სწავლა უმნიშვნელოვანესი საქმეა.

* რატომ არ უნდა ლოცვა ბევრ ადამიანს? - სადაც არის საუნჯე შენი... (მათე 6,21) ვერ ისწავლეს ლოცვის დაფასება, გამოცდილებით ვერ შეიგრძნეს მისი სიტკბოება, ან შეიგრძნეს, მაგრამ დაუდევრად მოიქცნენ, არაწმინდა გულს უყვარს ამსოფლიური, სულიერი მისთვის აუტანელია "რაი ზიარებაი არს ნათლისა და ბნელისა" (2 კორ. 6,14).

* როცა ლოცვისას იგრძნობ, რომ შენი გული, შენი ნებისვე საწინააღმდეგოდ, მზაკვარია, აღსავსეა ურწმუნოებით და სიამაყით, ნუ შეშფოთდები და ნუ მიიდრიკები მისი ბოროტებისკენ. ეს ეშმაკის მზაკვრობაა, ასევე, როცა შეამჩნევ შენში შიშსა და შფოთს, ამით ნუ აიმღვრევი. ესეც ბნელეთის სულის მოქმედებაა. იყავი მტკიცე და რაც შეიძლება ღრმად ჩაინერგე სულში სიმდაბლე და სარწმუნოება, მუდმივად უფალს უცქირე და ელოდე მის წყალობას - ის აუცილებლად მოგინახულებს და მტერს განდევნის. შენ ამას იგრძნობ სიმშვიდით და გულის სიტკბოებით.

* როცა ლოცვისას გულში გულისთქმა შემოგივა და შფოთს შემოგიტანს, გაიხსენე მაცხოვრის სიტყვები: "რაისა შეძრწუნებულ ხართ და რაისათვის გულის-სიტყვანი მრავალნი მოვლენან გულთა თქვენთა?" (ლუკა 24,38). იცოდე, რომ არაფერმა არ უნდა შეგაშფოთოს და ამგვარი გულისთქმებიც არ უნდა შეუშვა გულში.

* თუ ლოცვისას შეამჩნევ, რომ მას გული არ იღებს, როგორც ნედლ ხეს ცეცხლი არ ეკარება, მაშინ ყველა ზომა იხმარე, რომ გულში ლოცვა შევიდეს, თორემ ეს ლოცვა სიკეთეს არ მოგაგებს. ცივი და მკვდარი დარჩება ის და მასთან ერთად სულიც. გულის სინედლეს კი მრავალი სასმელ-საჭმელი იწვევს.

* თუ ლოცვისას გული ცივი გაქვს, იფიქრე, ყოველი წუთისთვის, ყოველი წამისთვის, უფალს ცოცხალი რწმენითა და გულითადად რომ ემსახურები, უფლისგანვე მოგეზღვება ათასობით წლის ნეტარებით.

* გულს ლოცვისას ზოგჯერ სძინავს, მხოლოდ გონება მოქმედებს სუსტად, არადა საჭიროა, რომ გულმაც იფხიზლოს. რატომ არის, შინ ლოცვისას ეჭვი ვერ მოგიხელთებს და ენაც არ გიჩერდება, საზოგადო ლოცვისას კი ასეთი რამ ხდება?

* ალბათ შეგინიშნავთ, ზოგჯერ ლოცვისას თითქოს ქვა გიდევთ გულში? ეს უხილავი მტრის მოქმედებაა, რომელიც წმინდა საქმეს წინ აღუდგება, დასძლიეთ ის ლოცვისადმი თქვენი გულმოდგინებით.

* ლოცვამ და სულიერი წიგნების კითხვამ (მაგალითად, წმინდა წერილის) სულის სიტკბოება რომ მოგვიტანოს, ფიქრით და გულით უნდა ჩავუღრმავდეთ ლოცვის შინაარსს, ანდა წაკითხულს. ამ პირობის აღუსრულებლად სიტკბოებას ვერ ვპოვებთ.

* იღვაწე ლოცვასა და გულის განწმენდაში. ღმერთი მოხედავს შენს შრომას და თავის დროზე ღირსეულად დააჯილდოებს. შენ მცირე ხარ, არარაობა და გეჩვენება, რომ არა ხარ ღირსი, ღმერთმა შენზე იფიქროს. ასეთი მცირე და არარაობა იყო თავიდან ყველა წმინდანი, მაგრამ შემდეგ ღვთისადმი გულმოდგინედ სწრაფვის გამო, მათი ღვაწლისა და სულის განწმენდის გამო ღმერთმა განადიდა ისინი. უეჭველია, რომ ღვთისთვის ყველანი თანასწორნი ვართ, ყველას ერთნაირად მოგვხედავს და ყველას ერთნაირი მზერით გვაფასებს.

* წმინდანები ანდა ღირსი მამები ისე კი არ ლოცულობდნენ, როგორც ჩვენ, მათი ლოცვა სიყვარულის ცეცხლი იყო.
ბეჭდვაელფოსტა
კომენტარი არ გაკეთებულა
სხვა სიახლეები
19.04.2018
წმიდა მღვდელმთავარი თეოფანე დაყუდებული ბრძანებს: ანგარებიანი ადამიანი სიტყვას არ იტყვის,
15.04.2018
მიტროპოლიტი ნაომის (შავიანიძე) შთამომავალმა, ქალბატონმა მარინე შავიანიძემ წინაპრის ქადაგებები, მასალები და წერილები, რაც ოჯახის არქივს შემორჩა, ერთად შეკრიბა და წიგნად გამოსცა.
15.03.2018
მართლმადიდებელო ქრისტიანებო! მთელი ძალ-ღონით დაიცავით თქვენთვის ბოძებული მადლი ღმრთისა, გაუფრთხილდით მას, ნუ ეცდებით მის გაზომვას კაცობრივი საზომით
20.01.2018
არქიმანდრიტი ეფრემ არიზონელი:

შვილებო, ''მოიღუაწეთ ღუაწლი იგი კეთილი''.
13.01.2018
სერბი მოძღვარი მამა ფადეი (თადეოზი) ვიტოვნიცელი ოჯახის შესახებ ამბობს:

- ოჯახი, ეს დიდი შეწევნაა კაცისათვის, რამეთუ ყოველი ადამიანი მარტოსულია ამ სამყაროში
05.01.2018
პატარები უნდა მივაჩვიოთ შერიგებას, წყენის დავიწყებას, მეგობრებისადმი და, საერთოდ, ადამიანისადმი ერთგულებას, მადლიერებას
24.11.2017
რუმინეთის პატრიარქი დანიელი მართლმადიდებელი მრევლისთვის საშობაო მარხვის პერიოდისთვის 11 რეკომენდაციას აქვეყნებს:
06.11.2017
მძიმე მდგომარეობაა, როცა ბაგეებზე სიწმინდეა, გულში კი უსჯულოება და ღვარძლი.
06.11.2017
როგორ მოვიქცეთ მაშინ, თუკი რწმენის ცეცხლი ჩაგვიქრა? თუკი ლოცვისა და სინანულის სურვილიც აღარ გვაქვს
21.10.2017
წმ პაისი ათონელი:
ამჟამად ღმერთი დიდ განსაცდელებს უშვებს. უმძიმესი დრო მოდის. ჩვენ დიდი გამოცდა გველის.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
თქვენ იცით, რომ მე ყოვლადწმინდა ღვთისმშობლის შეურაცხყოფისთვის დავწყევლე და შევაჩვენე ჟურნალისტი გიორგი გაბუნია