ნათლისღების ემბაზში უბრალო წყალი კი არ არის, არამედ ქრისტეთი აღსავსე წყალია.

შეიძლება თუ არა ნათლისღების განმეორება?

ნათლისღების განმეორება არ შეიძლება - თუკი ერთხელ ვერ წარემატე, მაშინ მხოლოდ გულწრფელი სინანულითაა შესაძლებელი საქმის გამოსწორება და ნათლისღების საიდუმლოში მიღებული და შემდგომ შეცოდებათა გამო დაკარგული საღმრთო მადლის დაბრუნება.

უპირველესი საიდუმლოა ნათლისღება, ხოლო უპირველესი სათნოება - რწენა.

მართლმადიდებლურად მონათლულმა ყველა ადამიანმა საიდუმლოდ მიიღო მთელი მადლი, სრულ დარწმუნებულობას კი ყოველი ჩვენგანი იღებს შემდეგ, მცნებათა აღსრულების შესაბამისად.

როგორი იქნება მარადიული ხვედრი ისეთი ადამიანისა, რომელიც მრავალი სიკეთით იყო შემკული, მაგრამ ამქვეყნიდან მოუნათლავი წავიდა?

თუკი ვინმე ამქვეყნიდან მოუნათლავი წავიდა, თუნდაც ყოველი სათნოებით ყოფილიყო შემკული, სხვა ვერანაირ ადგილს ვერ დაიმკვიდრებს, გარდა გეენიის ცეცხლისა.

ცხონების საქმეში სიმდაბლე ისევე აუცილებელია, როგორც ნათლობა. და რაც უფალმა თქვა სიმდაბლის შესახებ, იმავეს ამბობს ნათლობის მიმართაც: "ამენ, ამენ გეტყვი შენ: უკუეთუ ვინმე არა იშუეს წყლისაგან და სულისა, ვერ ხელეწიფების შესლვად სასუფეველსა ღმრთისასა" (ინ. 3 ,5)