წმინდა დიდმოწამე ზლატა (ქრისა) მეგლენელი (+1795)
წმინდა დიდმოწამე ზლატა (ქრისა) მეგლენელი (+1795)
წმინდა ზლატა (ბერძნულად ქრისა) XVIII საუკუნის ბოლო მეოთხედში ცხოვრობდა მაკედონიის ჩრდილო-აღმოსავლეთით, მოგლენის ოლქის (მაკედონიური ტრადიციით-მეგლენი) სოფელ სლატინაში. ზლატა ღარიბ ოჯახში დაიბადა, რომელიც ერთგული იყო მამა-პაპათა რწმენისა. მშობლებს მის გარდა კიდევ სამი ქალიშვილი ჰყავდათ. გოგონა ხორციელადაც მშვენიერი იყო და სულიერადაც.

ერთ თურქს ქალიშვილის უჩვეულო სილამაზემ ვნება აღუძრა და ხელსაყრელ შემთხვევას ეძებდა მის ხელში ჩასაგდებად. ერთხელაც, როცა ქალიშვილი მეგობრებთან გარეთ გამოვიდა, შეიპყრო და შინ მიიყვანა. ჯერ სცადა, დაპირებებით მოენადირებინა გოგონას გული, ეუბნებოდა თუ ისლამს მიიღებ, ცოლად შეგირთავ და ფუფუნებაში გაცხოვრებო, თუ არ დამემორჩილები-გაწამებო. მაგრამ ზლატა ვერ შეაშინა, გონებით მაცხოვარს შეწევნისათვის მოუწოდა და თურქს კადნიერად უთხრა: "მე მწამს და ვეთაყვანები ჩემს ქრისტეს და მას ვთვლი ჩემს სასიძოდ, რომელსაც არასოდეს ვუღალატებ, თუნდაც ათასჯერ მაწამოთ და ამკუწოთო". თურქმა რომ დაინახა თვითონ ვერაფერს გახდებოდა, ქალიშვილის დათანხმება თავის ცოლებს მიანდო, რომლებიც ნახევარი წლის განმავლობაში ცდილობდნენ ზლატას დაყოლიებას, მაგრამ მათ ქალიშვილს რწმენა ვერ შეურყიეს. შემდეგ ზლატას მშობლებსა და დებს დაემუქრნენ, დაითანხმეთ ისლამი მიიღოს, თორემ მასაც მოვკლავთ და თქვენც დაგსჯითო. შიშმა აიძულა ისინი, მისულიყვნენ ზლატასთან.

ტირილით შეჰღაღადეს, მხოლოდ გარეგნულად თქვი უარი ქრისტეზე, უფალი მოწყალეა და შეგინდობს ამ იძულებულ ნაბიჯსო. მიუხედავად დედის ცრემლებისა, ზლატა ისევ მტკიცედ იდგა, მშობლებს უსაყვედურა:-რადგანაც ჩემს დაყოლიებას ცდილობთ-განვუდგე ჭეშმარიტ ღმერთს, იესო ქრისტეს, ამიერიდან აღარა ხართ ჩემი მშობლები და ჩემი დები, თქვენი დანახვა აღარ მინდა, თქვენს მაგივრად მყავს მამა უფალი ჩემი იესო ქრისტე, დედა-დედოფალი ჩემი ღვთისმშობელი, ხოლო დები და ძმები წმინდანები არიან.

როცა ურჯულოებმა დაინახეს, რომ ახლობლები ქალიშვილთან ვერაფერს გახდნენ, მაშინ შეგონებას თავი ანებეს და ზლატას წამებას შეუდგნენ. სამი თვის მანძილზე ყოველდღე სცემდნენ. შემდეგ ტყავი ზოლებად ააძრეს და წინ ჩამოუკიდეს-შეეშინდებაო. გოგონას სხეულიდან სისხლი წყაროებად სდიოდა, ირგვლივ მიწა გადაწითლდა. მერე გახურებული შამფურები ყურებში გაუყარეს ისე, რომ დამწვარი ხორცის ორთქლი წმინდანის ცხვირიდან და პირიდან გამოვარდა. მაგრამ ამ დიდმა ტკივილმაც ვერ გატეხა. შეიტყო, რომ იქვე ახლოს მისი მოძღვარი, ათონის სტავრონიკიტას იღუმენი მამა ტიმოთე იმყოფებოდა, ერთ ქრისტიანს მასთან თხოვნა დააბარა, ელოცა მისთვის, რომ ბოლომდე მიეტანა თავისი ჯვარი.

ურჯულოებს უკვირდათ, ერთ პატარა გოგოს როგორ ვერ მოვერიეთო. ქრისტეს ბატკანი პანტის ხეზე ჩამოჰკიდეს და ასო-ასო აქნეს. წმინდა ზლატა 1795 წლის 18 ოქტომბერს გარდაიცვალა (ზოგ "მარტვილობაში" წმინდა ზლატას გარდაცვალების დღედ 13 ოქტომბერია აღნიშნული, ხოლო 18 ოქტომბერს კი წმინდა ზლატას სასწაული იდღესასწაულება).

ბეჭდვაელფოსტა
კომენტარი არ გაკეთებულა
სხვა სიახლეები
04.06.2020
წმინდა პავლე დაიბადა XVIII საუკუნის ბოლოს ღარიბ ოჯახში პელოპონესში. მეწაღის ხელოვნების სასწავლებლად სხვა ქალაქში წავიდა.
04.06.2020
სერბეთის მთავარი ვლადიმერი ცხოვრობდა და მოღვაწეობდა X-XI საუკუნეების მიჯნაზე. იგი ბრძნულად მართავდა თავის სამფლობელოებს, ილირიასა და დალმაციას. ვლადიმერი ბავშვობიდან გამოირჩეოდა სიმშვიდით, მოკრძალებით, სიბრძნით, კეთილგონიერებით.
04.06.2020
წმინდა მოწამე ვასილისკო წმინდა დიდმოწამე თეოდორე ტირონის ძმისწული იყო. იგი მეოთხე საუკუნეში იმპერატორ მაქსიმიანე გალერიუსის დროს მოწამებრივად აღესრულა ქრისტესთვის.
28.05.2020
ერთი გარდამოცემით, წმინდა ბარბაროსი IV საუკუნეში ცხოვრობდა, იგი რომის არმიის მეომარი იყო. მან უარი განაცხადა კერპებისთვის მსხვერპლი შეეწირა, რისთვისაც ის აწამეს.
28.05.2020
წმინდა დიმიტრი იოანე მრისხანეს ვაჟი იყო. ის 1582 წელს დაიბადა. თეოდორე ივანეს ძის მეფობისას სახელმწიფოს ფაქტიურად მისი ცოლისძმა ბორის გოდუნოვი მართავდა. მან უფლისწული დიმიტრი დედასთან ერთად სამეფო კარიდან ქალაქ უგლიჩში გადაასახლა.
28.05.2020
წმინდა დიმფნა ირლანდიის წარმართი მეფის ასული იყო, რომელიც ქრისტიანმა დედამ ჩუმად მონათლა. ქალიშვილმა მთელი გულით შეიყვარა ქრისტე და უმანკოების აღთქმა დადო.
10.05.2020
ლაზეთი კოლხური წიაღის განუყოფელი ნაწილია. იგი საქართველოს სახელმწიფოებრიობის განმსაზღვრელი ერთ-ერთი მთავარი ძარღვი და ჩვენი კულტურის უძველესი კერაა. წმიდა ანდრია მოციქულმა, ღვთისმშობლის წილხვედრი, ქართველი ერის მოქცევა სწორედ აქედან დაიწყო.
20.02.2020
ნიკომიდიაში აღსრულებული ეს წმინდა მოწამენი ავადსახსენებელი დიოკლეტიანეს (284-305 წლები) ზეობისას ეწამნენ. ისინი ქრისტესთვის წამებულ დიდებულთა: _ ვასის, ევესტის, ევტიქისა და ვასილიდის (ხსენება 20 იანვარს) მსახურნი იყვნენ.
03.01.2020
ძველი სტილით 22 დეკემბერს (ახ. სტ. 4 იანვარს) მართლმადიდებელი ეკლესია იხსენებს დიდმოწამე ანასტასია მკურნალს და ბორკილთდამხსნელს და მოწამეების ქრისოგონეს, თეოდოტიას, ებოდის, ევტიქიანეს და სხვებს.
17.11.2019
ფინიკიის ქალაქ ემესაში ცხოვრობდნენ მდიდარი და დიდებული, მაგრამ უშვილო კლიტოფონი და ლევკიპია. ყოველი სიკეთის პატრონნი იყვნენ, მაგრამ მათ გულს დიდი დარდი ტანჯავდა-შვილი არ ეძლეოდათ...
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები:
მეფე ბაგრატ IV-მ არაერთი წერილი მისწერა ანტიოქიაში, შავ მთაზე, წმინდა გიორგი მთაწმინდელს, მეფესთან ერთად საქართველოს მღვდელმთავარნიც ევედრებოდნენ ღირს მამას სამშობლოში დაბრუნებას. ბაგრატის ბოლო წერილში ჩანდა, რომ ეჭვი ღრღნიდა მეფეს: