წმინდა მოწამე პოტამიენა და მასთან: პლუტარქე, ჰერაკლიდე, ირონი, ირაიდა, მარკელა, ბასილიდე და ორი სერენი (III) – 07 (20) ივნისი
წმინდა მოწამე პოტამიენა და მასთან: პლუტარქე, ჰერაკლიდე, ირონი, ირაიდა, მარკელა, ბასილიდე და ორი სერენი (III) – 07 (20) ივნისი
სეპტიმუს სევერუსის (193-211 წლები) ჟამინდელი დევნისას ალექსანდრიის სკოლა ორიგენეს ჩააბარეს, რომელიც მოწაფეთ მოწამეობისკენ მოუწოდებდა.

პირველი მოწამე პლუტარქე გახლდათ, ძმა ირაკლისა, მოგვიანებით რომ აღსაყდრდა ალექსანდრიის კათედრაზე.

მომდევნო - სერენე გახლდათ, რომელიც ცეცხლით აწამეს, რის შემდგომაც ირადსა და ირონს თავნი წარკვეთეს.

ორიგენეს მოწაფეთაგანი, ირაიდაც ქრისტესთვის ევნო, სიკვდილი ცეცხლით რომ მიიღო.

მათ შორის ყველაზე ცნობილი - უმშვენიერესი და უკეთილშობილესი პოტამიენა გახლავთ, მრავალი წამების დათმენის შემდგომ დედასთან, - მარკელასთან ერთად რომ დაიწვა ცეცხლში.

მსჯავრის აღსრულების ადგილამდე მეომარი, ბასილიდე მიჰყვა, რომელსაც ისე თანაუგრძნო ქალწულს, გზად მისი შეურაცხყოფა არავის დაანება.

პოტამიენამ მადლობა შესწირა ბასილიდეს და აღუთქვა, ოდეს მიიცვლებოდა, მისი სული ჯოჯოხეთიდან გამოეთხოვა.

აი, როგორ მოგვითხრობს ამ მშვენიერი ქალწულის ამბავს სახელგანთქმული "ლავსაიკონი", რომელიც მის წამებას მაქსიმიანეს ეპოქას უკავშირებს:

{"უცხოთა შემფარებელმა პირველხსენებულმა ნეტარმა ისიდორემ ანტონი დიდისგან გაგონილი ერთი ამბავი მაუწყა, რომლის მოთხრობა სათანადოდ მიმაჩნია.

მაქსიმიანე განდგომილის მეფობის ჟამს ცხოვრობდა ერთი მშვენიერი ქალი, სახელად პოტამიენა. ის ერთი ალექსანდრიელი ავხორცი კაცის მონა იყო. ბატონს მშვენიერ ქალთან თავისი პირუტყვული სურვილის აღსრულება ეწადა და თავსაც ევლებოდა.

უჯერო ტრფიალებით ძლეულმა ვერ შეძლო პოტამიენას ცდუნება და განრისხებულმა ქალი ქალაქის მმართველთან დააბეზღა, ქრისტიანი და თქვენი კერპების მგმობელიაო, თან დიდი ქრთამიც წაიღო და მმართველს სთხოვა, რომ ყველა ღონე ეხმარა მისი გულისწადილის აღსასრულებლად. თუ ქალი მას არ დაემორჩილებოდა, ტანჯვით მოეკლა, რადგან ასე დასცინა მის ვნებას.

წმინდანი სამსჯავროზე წარადგინეს, სადაც სხვადასხვა იარაღით აწამეს, თან ლიქნით ცდილობდნენ, რომ დაჰყოლოდა ბატონის სურვილს.

როცა ვერაფერს გახდნენ, განრისხებულმა მსაჯულმა ბრძანა, შეეკრათ ქალი და მოგიზგიზე კუპრით სავსე ქვაბში ჩაეგდოთ. პოტამიენამ მას ხმამაღლა სთხოვა:

- გაფიცებ მეფეს, რომლის წინაშეც ასე ძრწი, რომ არ შემკრან და გახსნილი ჩამაგდონ კუპრში, რათა იხილო, თუ როგორი მოთმინება მომანიჭა ქრისტემ, რომელსაც შენ გმობ!

ჯალათებმა ქალი მოთუხთუხე კუპრში ჩააგდეს. სამი საათი დაჰყო წმინდანმა ამ სატანჯველში, ვიდრე კუპრი მხრებამდე არ მისწვდა და არ შეისვენა.

მრავალი ალექსანდრიელი ქალი და კაცი აღესრულა იმ დროს, რომელთაც საუკუნო განსასვენებელი მოიპოვეს".

მცირე ხნის შემდგომ ბასილიდემ, რომელსაც მეგობრები გარკვეული მიზეზის გამო ფიცს გამოსთხოვდნენ, თქვა, ქრისტიანი ვარ და ფიცი ჩემთვის დაუშვებელიაო.

თავიდან ეგონათ, რომ ბასილიდე ხუმრობდა, მაგრამ ნეტარი თავისას არ იშლიდა და არწმუნებდა, - ქრისტიანი ვარო!

სხვა რაღა დარჩენოდათ, მაშინვე საპყრობილეს უკრეს თავი. ხოლო როდესაც მის მოსანახულებლად და სანუგეშებლად ქრისტიანები მივიდნენ და ამ უეცარი ფერისცვალების მიზეზი ჰკითხეს, უპასუხა:

- პოტამიენას მარტვილობიდან მესამე დღე იყო, ღამით წმინდა ქალწული რომ მეჩვენა, თავზე გვირგვინი დამადგა და მაუწყა, - ღვთისგან მადლი მივიღე და მალე მის დიდებას შევერთვებიო!

ბასილიდე საპყრობილეში ერთი ქრისტიანის ხელით მოინათლა, მომდევნო დღეს კი - ისიც მოწამებრივად აღესრულა - თავი წარკვეთეს.

წმინდა გადმოცემით, იმხანად მრავალს გამოეცხადა ნეტარი ქალწული, რის შემდეგაც არაერთმა მიიღო ღვთისგან მოწამებრივი გვირგვინი.

მეოხ გვეყოს მათი წმინდა ლოცვანი ღვთის წინაშე!

ბეჭდვაელფოსტა
კომენტარი არ გაკეთებულა
სხვა სიახლეები
04.07.2022
და ვითარ გარდაჴდეს ამას შინა წელიწადნი ორმეოცდაათნი, კუალად მოვიდა ჭიჭნაომ, ძე მოჰმადისი. მოაოჴრა და შემუსრა ყოველი შენებული ქართლისა
01.07.2022
წმინდა ეთერიოსი როგორც ქრისტიანი, შეიპყრეს დიოკლეტიანესეული დევნის ჟამს (303-305) და მმართველ ელევისს მიუყვანეს
01.07.2022
წმინდა ვიქტორმა მრავალი განსაცდელი დაითმინა ქრისტეს სიყვარულისთვის და ბოლოს 1934 წელს ფილტვების ანთებით გარდაიცვალა.
30.06.2022
იმპერატორ ვესპასიანეს დროს რომში ერთი სენატორი ცხოვრობდა, სახელად ანდრიანე, კაცი სასტიკი, უმოწყალო, და ყოველგვარი ბოროტების შემოქმედი.
29.06.2022
წმინდა მილანი 1874 წელს დაიბადა ბოსნიაში. 1899 წელს დაამთავრა რელევის სემინარია და იმავე წელს ჯერ, დიაკვნად, ხოლო მალევე მღვდლად აკურთხეს.
29.06.2022
წმინდა ფილონიდო დაიბადა დაახლოებით 250 წელს კუნძულ კვიპროსზე. იგი გახლდათ უძველესი ქალაქის კურიონის ეპისკოპოსი, რომლის ნანგრევებიც ლიმასოლის სიახლოვეს არის აღმოჩენილი.
29.06.2022
ჩაებმებოდნენ ქართველნი ფერხულში და "შავლეგოს" სიმღერას დასძახებდნენ: "შავლეგ, შენი შავი ჩოხა, შავლეგო, შავად გაგიხამებია, შავლეგო"...
29.06.2022
წმინდა მოწამენი მანუელი, საბელი და ისმაილი ღვიძლი ძმები იყვნენ და სპარსეთის სამეფოში ცხოვრობდნენ, მამა წარმართი ჰყავდათ, ხოლო დედა - ქრისტიანი,
29.06.2022
ზოგიერთ ხელნაწერში წმინდა მარკოზი წმინდა მოციქულ ბარნაბას ძმისშვილადაა მოხსენიებული.
29.06.2022
მღვდელმოწამე ტიგრიოს ხუცესი და ევტროპიოს წიგნის მკითხველი წმინდა იოანე ოქროპირის თანამედროვენი და მისი სამღვდელო დასის წევრები იყვნენ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
წმინდა კეთილმსახური მეფეები - არჩილი და ლუარსაბი სხვადასხვა დროში ცხოვრობდნენ, მაგრამ ეკლესიამ მათ მოხსენიების ერთი დღე, 4 ივლისი დაუდგინა

istanbul evden eve nakliyat fabrika taşımacılığı eşya depolama ofis taşıma bostancı nakliyat skdar nakliyat ehirler aras nakliyat ehirler aras nakliyat cretleri ehirler aras nakliyat transfernakliyat.com.tr eya depolama sex shop

restbet restbet tv restbet giriş restbet restbet güncel restbet giriş restbet restbet giriş restizle betpas betpas giriş pasizle betpas betpas giriş pasizle iskambil oyunları rulet nasıl oynanır blackjack nasıl oynanır guvencehd.org heceder.org trke casino 30 tl deneme bonusu tahincioglunakliyat.com.tr aviator oyunu betexper Deneme bonusu veren siteler heceder.org pdf indir casino siteleri casino siteleri deneme bonusu veren siteler deneme bonusu slot siteleri