წმინდა მღვდელმოწამე ალექსანდრე (+270-275) - 15 მარტი (28 მარტი)
წმინდა მღვდელმოწამე ალექსანდრე (+270-275) - 15 მარტი (28 მარტი)
ავრელიანეს მეფობის დროს დაწყებული ქრისტიანების დევნისას პამფილიას მმართველი ვინმე ანტონი გახლდათ. როცა ის პამფილიას ქალაქ სიდში მივიდა, ბრძანა განსასჯელად მოეყვანათ ამ ქალაქის მღვდელი ალექსანდრე. მმართველმა ქრისტეს მსახურს მრავალი განსაცდელი შეამთხვია. ხოლო მანამდე ჰკითხა:

- ვინ ხარ?

წმინდანმა უპასუხა:

- მე ქრისტიანი მღვდელი ვარ, მწყემსი ქრისტეს ფარისა.

მმართველმა ჰკითხა:

- სად არის ეს ქრისტეს ფარა?

წმინდანმა უპასუხა:

- მთელ სამყაროში მცხოვრები ადამიანები ქრისტე ღმერთმა შექმნა; მისი მორწმუნეები არსებით მისი სამწყსოა. ხოლო ვინც ჩამოშორდა თავის შემოქმედს, ვინც თქვენსავით ადამიანის ხელითქმნულ კერპებს ემსახურება, არ შეიძლება მიეკუთვნოს ის წმინდა ფარას. საშინელი სამსჯავროს დღეს, ისინი თხებთან ერთად მარცხენა მხარეს დადგებიან.

მაშინ მმართველმა უთხრა:

- ორი მიზეზის გამო უნდა გაწამო: ჯერ ერთი იმიტომ, რომ ქრისტეს სხვა მორწმუნეები მაჩვენო, და მეორეც - რათა ჩვენს ღმერთებს მსხვერპლი შესწირო.

შემდეგ კი მმართველმა ანტონმა კვლავ ჰკითხა წმინდა ალექსანდრეს:

- ვინ იყო ქრისტე?

- ქრისტე მაცხოვარია სოფლისა, ცხოვრება და ნათელი, ვისაც მისი სწამს.

მმართველმა უთხრა:

- როგორ შეიძლება სოფლის გადამრჩენელი იყოს ის კაცი, რომელიც ჯვარზე მოკვდა?

- მართლაც, საკვირველი და გასაოცარია, რომ იესო ქრისტე ნებსით ავიდა ჯვარზე და ხორცით მოკვდა, თავისი ღვთაებრიობით დაამსხვრია ჯოჯოხეთის ძალნი, გაათავისუფლა იქ ბორკილდადებული სულნი, მოაკვდინა სიკვდილი და აღდგა მკვდრეთით. არა მარტო თვითონ აღდგა მკვდრეთით, არამედ თავისთან ერთად სხვა მრავალნიც განაცოცხლა: "და საფლავნი აღეხუნეს, და მრავალნი გუამნი შესუენებულთანი წმინდათანი აღდგეს და გამოვიდეს საფლავით მათით და, შემდგომად აღდგომისა მისისა, შევიდეს წმიდასა ქალაქსა და გამოეცხადნეს მრავალთა" (მათე 27,52-53) იერუსალიმში. ქრისტემ თავისთან ერთად მთელი კაცობრიობა აღადგინა მკვდრეთით.

მმართველმა უთხრა:

- რას უგუნურობ, როგორ შეიძლება სხვებს დაეხმაროს ის, ვინც საკუთარი თავი ვერ დაიცვა, როცა მას იუდეველები აწამებდნენ?

წმინდანმა უპასუხა:

- მე კი არა შენ უგუნურებ, სულიერად დაბრმავებული ვერ იგებ ჩვენი ცხონების საიდუმლოს, ის, რაც იესო ქრისტემ მოიმოქმედა.
მაშინ იღუმენმა წმინდა ალექსანდრეს წამება ბრძანა. მას ძარღვებით სცემდნენ, ბორბალზე ჰგლეჯდნენ, მდუღარე ფისითა და ზეთით სავსე ჭურჭელში და ანთებულ ღუმელში აგდებდნენ, მაგრამ იესო ქრისტეს მადლით უვნებელი რჩებოდა. გაახურეს ღუმელი და წმინდა ალექსანდრე შიგ შეაგდეს. ჯალათებმა ორი საკვირველი სახის ჭაბუკი დაინახეს, რომლებიც წმინდა ალექსანდრესთან ადიდებდნენ ღმერთს. ესენი წმინდა ანგელოზები იყვნენ, რომლებიც აგრილებდნენ ღუმლის სიმხურვალეს. ხალხიც გაოცებული უცქერდა, ღუმელში ერთი შეაგდეს და ახლა სამნი როგორ არიანო.

მმართველმა და მისმა მხლებლებმა ეს სასწაული ჯადოქრობად ჩათვალეს. თუმცა მმართველის ერთმა მსახურმა ქრისტე იწამა, დაემხო მიწაზე, და წმინდანს სთხოვა, შენთან ერთად ქრისტესთან ყოფნის ღირსი გამხადეო. ანტონმა მაშინვე მახვილით განგმირა მსახური. როცა წმინდა ალექსანდრე უვნებელი გამოვიდა ღუმლიდან, მაშინ მმართველის ბრძანებით, იგი ჩამოკიდეს და ბასრი რკინით სხეულის რანდვა დაუწყეს და იქამდე აწამებდნენ, ვიდრე მთლიანად წყლულებით არ დაეფარა ტანი. მისი სიმტკიცით გაოცებული ჯალათები ამბობდნენ:

- როგორ დაითმენს ეს კაცი ტკივილს, ძვლები სულ გავუშიშვლეთო?!

ამის მერე მოწამე მეორედ შეაგდეს ცეცხლში, კვლავ არაფერი მოუვიდა. შემდეგ რკინის სადგისებით დაუჩხვლიტეს მთელი სხეული და მთელი შინაგანი გარეთ გამოუყარეს. მხეცებს მიუგდეს შესაჭმელად მაგრამ მათ წმინდანს პირი არ დააკარეს. მთელი ამ წამების მანძილზე წმინდა ალექსანდრე, მხნედ, უდრტვინველად, ხმის ამოუღებლად დაითმენდა ტკივილებს. ბოლოს წმინდა მღვდელმოწამე ალექსანდრეს მახვილით თავი მოჰკვეთეს. უსამართლო მოსამართლე უფალმა დასაჯა და მმართველი ანტონი ეშმაკეული შეიქნა. მას იმავე ღმერთებმა-ეშმაკებმა დაუწყეს ტანჯვა, რომელსაც იგი ემსახურებოდა. ტირილ-ტირილით წაიყვანეს მსახურებმა სახლში, მაგრამ ვერ მიაღწია და გზაში დალია სული.

ვინმე ევსტატემ, პატიოსანმა და მამაცმა ქრისტიანმა, მრავალვნებული სხეული წმინდა ალექსანდრესი აიღო და პატივით დამარხა.


ხატის წყარო

ბეჭდვაელფოსტა
კომენტარი არ გაკეთებულა
სხვა სიახლეები
17.10.2023
ღვთის ეს რჩეული მცირე აზიის ქალაქ ატალიიდან (თანამედროვე ანტალია) გახლდათ, მშობელთა გარდაცვალების შემდგომ მთელი ქონება გლახაკთ დაურიგა,
17.10.2023

ეს წმინდა დედა, ზოგიერთი წყაროს მოწმობით, მეოთხე საუკუნის პირველ ნახევარში ცხოვრობდა და არტემიდას ტაძრის ქურუმი იყო.

17.10.2023
ეს ღირსსაკვირველი მოღვაწე III საუკუნეში ცხოვრობდა და ორიგენეს მოწაფე გახლდათ, 231 წელს კი ალექსანდრიის სახელგანთქმულ სკოლას ჩაუდგა სათავეში.
17.10.2023
წმინდა ქალწული კილიკიაში დიოკლეტიანეს ზეობისას ცხოვრობდა და ერთ კაცს, სახელად კლავდიუსს ემსახურებოდა.
26.09.2023
ცოტა რამ ვიცით წმინდა თერაპონტეს ცხოვრების შესახებ. წმინდა ანდრია კრიტელს კონსტანტინოპოლში,
24.09.2023
წმინდა სილუანე წარმოშობით ღაზის გარეუბნიდან იყო და თავიდან მეომრად მსახურობდა. შემდეგ მიწიერი მეომრობა დაუტევა
24.09.2023
წმინდა ნაზარი რომში დაიბადა. მამა ებრაელი ჰყავდა, დედამისი, პერპენტუა, ქრისტიანი იყო: ის თვით პეტრე მოციქულმა მონათლა.
21.09.2023
წმინდა პაფნუტი ტომით ეგვიპტელი იყო. იმპერატორ დიოკლეტიანეს მიერ გამოცხადებული ქრისტიანთა დევნისას განმგებელმა არიალემ ბრძანა,
14.09.2023
ეს ახოვანი მოღვაწე დაახლოებით 283 წელს, ნუმერიანეს ჟამს იშვა.
14.09.2023
ეს მოღვაწე სებასტიაში ლიცინიუსის მმართველობისას (307 - 324 წლები) ცხოვრობდა, ქრისტიანი გახლდათ,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
სამშაბათი
გალობა ა

ძლისპირი: შემწე და მხსნელ და მფარველ მეყავ მე მაცხოვარებად ჩემდა ესე ღმერთი ჩემი და ვადიდო ესე უფალი მამისა ჩემისა, და აღვამაღლო, რამეთუ დიდებულ-არს.

casino siteleri 2023 Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eşya depolama istanbul-depo.net papyonshop.com beşiktaş sex shop şehirler arası nakliyat ofis taşıma kamyonet.biz.tr malatya temizlik shell aspx shell umitbijuteri.com istanbul evden eve nakliyat

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canlı casino malatya ara kiralama

casino siteleri bedava bonus bonus veren siteler bonus veren siteler