წმინდა პეტრე აბესალომიელი (+309-310) - 12 (25) იანვარი
წმინდა პეტრე აბესალომიელი (+309-310) - 12 (25) იანვარი
წმინდა პეტრე აბესალომიელად წოდებული, წარმოშობით პალესტინის ერთ პატარა ქალაქ ანეადან იყო, რომელიც ქალაქ ელევეროპოლოსის გვერდით მდებარეობდა. ქრისტიანების დევნისას (იგულისხმება 303 წელს დაწყებული დევნა, როცა იმპერიის აღმოსავლეთში დიოკლეტიანე მეფობდა, ხოლო დასავლეთში - მაქსიმიანე) იგი ქალაქ ავლონში შეიპყრეს და განსასჯელად პალესტინის გამგებელთან, სევერუსთან მიიყვანეს. მან ჰკითხა:

- რა გქვია?

პეტრემ უპასუხა:

- მამამ აბესალომიელი დამარქვა, ხოლო ჩემი სულიერი სახელი პეტრეა, რომელიც ნათლისღებისას მეწოდა.

- რა გვარის ხარ, - ჰკითხა მმართველმა.

- ქრისტიანი ვარ.

- რა წოდება გაქვს? - ჰკითხა სევერუსმა

- ქრისტიანის წოდებაზე აღმატებული სხვა რა უნდა მქონდეს, - უპასუხა პეტრემ.

- მშობლები თუ გყავს? - ჰკითხა მმართველმა.

- არა, - უპასუხა პეტრემ.

- ცრუობ, - შეეპასუხა მმართველი, - მითხრეს, რომ მშობლები გყავს.

- სახარებიდან მებრძანა, რომ ვიდრე უფლის სახელის დასამოწმებლად წავალ, ყველაფერზე უარი უნდა ვთქვა.

- მეფემ ბრძანება რომ გამოსცა, თუ იცი? - ჰკითხა სევერუსმა.

- მე ვიცი ის, რაც მიბრძანა ჩემმა მეფემ, ჭეშმარიტმა და საუკუნო მეფემ.

- ყოვლადმოწყალე მეფეებმა (იგულისხმება დიოკლეტიანე, და მისგანვე თანამმართველად იმპერიის არჩეული მაქსიმიანე ჰერკულესი, რომელიც იმპერიის დასავლეთ ნაწილს მეფობდა) ბრძანეს, რომ ყველა ქრისტიანმა მსხვერლი შესწიროს ღმერთებს, თუ არადა სხვადასხვა სახის სატანჯველის დათმენა მოუწევთ.

- ჭეშმარიტმა საუკუნო ღმერთმა კი გვამცნო, რომ ვინც მსხვერპლს შესწირავს კერპებს და არა ცოცხალ ღმერთს, სამუდამოდ დაიღუპება. ახლა კი სამართლიანად განსაჯე: შეიძლება ზეციური მეფის ამ მცნების დარღვევა?

- მისმინე, მსხვერპლი შესწირე ღმერთებს და ჩვენი მეფის ბრძანება აასრულე, - უთხრა მმართველმა.

პეტრემ უპასუხა:

- მე მსხვერპლს არ შევწირავ ადამიანის ხელით გაკეთებულ ხისა და ქვის ღმერთებს, რომელთაც თქვენ მიემსგავსეთ.

- ნუ შეურაცხგვყობ, ნუთუ არ იცი, რომ შენი მოკვლა შემიძლია?

- მე თქვენ კი არ შეურაცხგყოფთ, არამედ ვამბობ იმას, რაც ჩემი უფლის სჯულში წერია: "კერპნი წარმართთანი ოქროსანი და ვეცხლისანი ქმნულნი ჴელთა კაცთანი; პირ-ათქს და არა იტყჳან, თუალ-ასხენ და არა ხედვენ, ყურ-ასხენ და არა ესმის, ცხჳრ-ასხენ და არა იყნოსენ, ჴელ-ასხენ და არა განიხილვენ, ფერჴ-ასხენ და არა ვლენან, არცაღა ჴმობენ ჴორცითა მათითა. ემსგავსნედ მათ მოქმედნი მათნი და ყოველნი, რომელნი ესვენ მათ" (ფს.113:12-16). თუ ეს უფლის სულმა ბრძანა წინასწარმეტყველის პირით, მაშ რატომ ამბობ, რომ თუ ღვთის ნათქვამს გავიმეორებ, ამით შეურაცხგყობ და თანაც მირჩევ, შენ მიგემსგავსო.

მმართველი ჯიუტად იმეორებდა:

- მისმინე, შეიბრალე თავი და მსხვერპლი შესწირე ღმერთებს.

- სწორედ მაშინ არ შევიბრალებ ჩემს თავს, თუ ჭეშმარიტებას განვუდგები და შენს ღმერთებს მსხვერპლს შევწირავ. მაგრამ რადგან ურწმუნო ხარ და არ გჯერა არც ჩემი და არც ღვთის სჯულისა, მაშ რაღას აყოვნებ? ბრძანებისამებრ მოიქეცი.

- მე კიდევ გელოდები, რომ გონს მოხვალ, მსხვერპლს შესწირავ ღმერთებს და ამით სატანჯველს თავს დააღწევ.

- ტყუილად ელოდები, - უპასუხა პეტრემ, - გააკეთე რაც განზრახული გაქვს, შეასრულე შენი მამის - ეშმაკის ნება, რამეთუ მე არ შევასრულებ შენს ნებას, და დაე ნუ დაუშვებს ამას უფალი ჩემი იესო ქრისტე, რომელსაც გულმხურვალედ ვემსახურები.

მმართველმა მისი ჩამოკიდება ბრძანა და შემდეგ უთხრა:

- აბა, რას იტყვი, პეტრე? ღმერთებს მსხვერპლს შესწირავ?

- რკინის ბრჭყალები მოიტანე და გამრანდე, რადგან უკვე არაერთხელ გითხარი, რომ ჩემი ღმერთის გარდა მსხვერპლს არავის შევწირავ.

მმართველმა სევერუსმა წმინდა პეტრეს წამება ბრძანა. ქრისტეს მხნე მეომარს კვნესაც კი არ დასცდენია, მხოლოდ გალობდა: - "ერთი ვითხოე უფლისაგან, ესევე ვითხოვო: დამკჳდრებად ჩემდა სახლსა უფლისასა ყოველთა დღეთა ცხორებისა ჩემისათა, ხილვად ჩემდა შუენიერებაჲ უფლისაჲ და მოხილვად ტაძარი მისი" (ფს.26.4). და კიდევ ამას გალობდა: "სასუმელი ცხორებისა მოვიღო და სახელსა უფლისასა ვხადო" (ფს.115.4).
წმინდანის ლოცვამ და ნათქვამმა, მმართველი უფრო მეტად გააბრაზა და სხვა ჯალათებსაც მოუხმო. სისხლი წყაროებად მოედინებოდა წმინდანის სხეულიდან. გარშემო შეკრებილ ხალხს ის შეეცოდათ და უთხრეს:

- შეიბრალე საკუთარი თავი, მსხვერპლი შესწირე ღმერთებს და თავი დააღწიე ამ საშინელ სატანჯველს.

- ეს სატანჯველი მე ტკივილს ვერ მომანიჭებს, მაგრამ თუ ჩემს ღმერთს ვუღალატებ, მაშინ მართლაც ჩავვარდები საშინელსა და საუკუნო სატანჯველში.

- რას ამბობ, პეტრე? მსხვერპლი შესწირე ღმერთებს, რომ მერე არ ინანო, როცა უკვე გვიან იქნება.

- მე არც შევინანებ და არც მსხვერპლს შევწირავ კერპებს, - უპასუხა პეტრემ.

- მოგკლავ პეტრე, - უთხრა მმართველმა.

- მეც სწორედ ეგ მინდა, რათა ჩემი ღმერთის გულისთვის მოვკვდე, - უპასუხა მას პეტრემ.

მაშინ მმართველმა წმინდანის მოკვლა ბრძანა:

- ჯვარს ეცვას პეტრე, რომელმაც თავისი ღმერთის კანონების გამო უძლეველი მეფეების ბრძანება არ შეასრულა.

ასე აღესრულა წმინდა პეტრე აბესალომიელი. ზოგიერთ სათვეო წიგნში წმინდა პეტრე აბესალომიელის ხსენება ორჯერაა აღნიშნული: 12 იანვარს როგორც პეტრე აბესალომიელისა და 13 იანვარს როგორც პეტრე ანეელისა, რადგან შეცდომით ფიქრობდნენ, რომ ეს ორი სხვადასხვა მოწამეა. წმინდა პეტრეს ხსენება არ არის ბიზანტიურ სვინაქსარში, იგი მხოლოდ კოპტურმა და ქართულმა ტრადიციამ შემოინახა.

ბეჭდვაელფოსტა
კომენტარი არ გაკეთებულა
სხვა სიახლეები
18.05.2022
ეს წმინდანნი ქალაქ პეტრაში III-IV საუკუნეთა მიჯნაზე ცხოვრობდნენ.
18.05.2022
იმ დროს, როცა მოციქულთა ქადაგებით ქრისტეს ნათელი წარმართთა შორის განბრწყინდა, ეგეოსის ზღვის ჩრდილოეთით, თრაკიაში, ქალაქ მიგდონიაში ცხოვრობდა თავადი ლიცინიოსი.
18.05.2022
წმინდა პავლე წარჩინებული ოჯახის შვილი გახლდათ, მოწამებრივად XVII საუკუნეში,
16.05.2022
ეს ყოვლადკეთილი დედა დაახლოებით 291 წელს კალამუტაში, იტალიიდან პელოპონესს დევნილ ოჯახში დაიბადა.
15.05.2022
წმინდა ტიმოთე III-IV საუკუნეთა გასაყარზე მოღვაწეობდა და წარმოშობით ეგვიპტური თებედან გახლდათ. ტაძარში წიგნისმკითხველად მსახურობდა და ადამიანებს რწმენაში განამტკიცებდა.
15.05.2022
ეს წმინდა მოწამენი წარმოშობით ფრიგიელნი იყვნენ, იმპერატორ ადრიანეს (124 წელი) ჟამს ცხოვრობდნენ პამფილიის ატალიაში (დღევანდელ ანტალიაში)
15.05.2022
კეთილმორწმუნე მთავარნი, ბორისი და გლები (წმინდა ნათლისღებით - რომანოზი და დავითი) მოციქულთასწორი მთავრის, ვლადიმირის (ხსენება 15 ივლისს) შვილები იყვნენ
14.05.2022
წმინდა სიგიზმუნდი, ყოფილი არიანელი, ვიენის ეპისკოპოსმა, ღირსმა ავიტემ (ხსენება 5 თებერვალს) მოაქცია.
13.05.2022
ეს წმინდა დედა წარმოშობით კუნძულ კრეტიდან გახლდათ და ერთი თურქულ-ალბანური პოლიციის თანამშრომელი ავიწროებდა,
13.05.2022
წმინდა აკაკი XVIII-XIX საუკუნეთა მიჯნაზე ცხოვრობდა და თესალონიკის სიახლოვეს მდებარე სოფელ ნეოქორიონში დაიბადა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
ჟურნალი
ჟურნალის ბოლო ნომრები:
წმინდა ათანასე დიდი, ალექსანდრიის მთავარეპისკოპოსი, ეკლესიის უდიდესი მამა

istanbul evden eve nakliyat fabrika taşımacılığı eşya depolama ofis taşıma bostancı nakliyat skdar nakliyat ehirler aras nakliyat ehirler aras nakliyat cretleri ehirler aras nakliyat transfernakliyat.com.tr eya depolama sex shop

restbet restbet tv restbet giriş restbet restbet güncel restbet giriş restbet restbet giriş restizle betpas betpas giriş pasizle betpas betpas giriş pasizle iskambil oyunları rulet nasıl oynanır blackjack nasıl oynanır guvencehd.org heceder.org trke casino 30 tl deneme bonusu tahincioglunakliyat.com.tr aviator oyunu betexper Deneme bonusu veren siteler heceder.org pdf indir casino siteleri casino siteleri deneme bonusu veren siteler deneme bonusu slot siteleri