წმინდა აციკლუსი და ვიქტორია და-ძმანი იყვნენ, ქალაქ კორდუბიდან ან მისი გარეუბნიდან და ღვთივ სათნოდ ცხოვრობდნენ. ზოგან მათი წამების თარიღად მითითებულია 204 წელი, ანუ იმპერატორ სეპტიმიუს სევერუსის დრო, მაგრამ სავარაუდოდ, უფრო დიოკლეტიანეს დროს ეწამნენ. როცა ქრისტიანების დევნა დაიწყეს, და-ძმა შეიპყრეს და დიდმოხელე დიონის მიუყვანეს. ხანგრძლივი წამების მერე აციკლუსს თავი ქალაქის ამფითეატრში მოჰკვეთეს, ხოლო ვიქტორია ისრით განგმირეს. მათი წმინდა ნაწილები ქალაქიდან ერთმა დიდებულმა ქალბატონმა გაიტანა და თავის მამულში დაკრძალა, სადაც მათ საფლავზე შემდგომში ეკლესია აშენდა და XVIII საუკუნეში მონასტერი დაარსდა.