სადაც მშვიდობაა, იქვეა სიმშვიდის ღმერთი.

გახსოვდეს, რომ ღვთის გარეშე არაფერი ხდება და შენს სულში სიმშვიდე დაისადგურებს.

ჩვენი სული ღვთისგანაა და მხოლოდ ღმერთში შეუძლია პოვოს დამშვიდება და ნეტარება.

თუ ადამიანებთან მშვიდობიანი ცხოვრება ვერ ისწავლე, უდაბნოშიც ვერ მოიპოვებ სიმშვიდეს.

მხოლოდ გულს შეუძლია დაგვაჯილდოოს ჭეშმარიტი სიმშვიდით, შესაბამისად - ბედნიერებითაც.

ვინც არ ცხოვრობს უზენაესის საფარველქვეშ, მისთვის არ მოიძებნება მშვიდობიანი და უსაფრთხო თავშესაფარი.

გულმა ჭეშმარიტი მშვიდობა მხოლოდ ვნებებთან წინააღმდეგობით შეიძლება დაიმკვიდროს და არა - მათი მსახურებით.

ჩვენ, ქრისტიანებს, განსაკუთრებით გვეკრძალება ცოდვით დაცემულ ადამიანთა გამოსწორება ძალადობით... ჩვენი ბრძოლა სიმშვიდით, სიყვარულითა და უწყინარობითაა აღსავსე.

უფალი ისეთი ძალაა, რომელთანაც ყოველთვის მშვიდად ვიქნებით; მასთან სიღატაკეშიც მდიდარნი ვართ, მწუხარების ჟამსაც - ნუგეშინისცემულნი, უსამართლოდ დამცირებისას - ამაღლებულნი, თვით სიკვდილშიც კი - გამარჯვებულნი.

თუ რომელიმე თქვენგანი სიმართლეს მოისურვებს, იცოდეს, რომ სიმართლე არის ძმის სიმძიმის ზიდვა ბოლო ამოსუნთქვამდე და მოძღვრის სრული მორGილება. და მხოლოდ სიყვარულით აღშენდება უძლური.