* სრულიად არავისზე და არასოდეს განაწყენება მხოლოდ ანგელოზებს ძალუძთ, ხოლო მცირედ აღშფოთება და მერე სწრაფად დამშვიდება ღვთის მოსიყვარულე ადამიანებისთვისაა დამახასიათებელი.
"სულიერი მდელო"
მშვიდი ზღვა სასიამოვნო სანახავია, მაგრამ კიდევ უფრო სასიამოვნოა სულის მშვიდი მდგომარეობა.
წმინდა ნილოს სინელი
მშვიდობა - ესაა ვნებათაგან გათავისუფლება, რაც სულიწმინდის მოქმედების გარეშე ვერ მოიპოვება.
მყუდროება - ესაა უკეთურებათა მოკვეთა და თუნდაც რომ ზემოხსენებული ოთხი სათნოებაც შესძინოს მან თავის ლოცვას, ვერაფერი იქნება მისთვის მყუდროებაზე უფრო სწრაფი შემწე უვნებობისკენ.
წმინდა მარკოზ მონაზონი (განშორებული)
ნუ ვეცდებით ვითომცდა სხვების დამშვიდებას, თუ თვითონვე არ გაგვაჩნია შინაგანი სულიერი სიმშვიდე.
* ქრისტეს მხურვალე სიყვარული ყოველგვარ ნივთიერ საკვებზე მეტად ასაზრდოებს, სულსა და სხეულს უამრავ კალორიას აწვდის, ხშირად წამლების გარეშეც კურნავს უკურნებელ სნეულებებს და სულებს ამშვიდებს.
პაისი მთაწმინდელი
სრული უშფოთველობა მას აქვს, ვისაც არ გააჩნია ვნება - არც საგნების მიმართ და არც მასზე მოგონებები.
ამბა ფალასი
ვეცადოთ, ყოველთვის წყნარად ვილაპარაკოთ, რათა გულით მდაბალნი ვიყოთ და მშვიდობა მოვუპოვოთ ჩვენს სულებს აწინდელ და მერმინდელ ცხოვრებაში.
წმინდა იოანე ოქროპირი
