მაგრა, თვით იცით, ხელმწიფე ხამს მქმნელი სამართალისა.

ქმნა მართლისა სამართლისა ხესა შეიქმს ხმელსა ნედლად.

ბერი სიმართლისათვის ისე უნდა იყოს ქრისტეს წინაშე, როგორც მოღრიალე ლომი.

ბერი უნდა იყოს მტკიცე, სიმართლის გამო ყველას აწყენინოს, რადგან სიმართლე თვითონ ღმერთია.

სიმართლის თქმის უფლება ცოდვილსაც აქვს, ცოდვილმა რომ თავისი ცოდვების გამო სიმართლე დამალოს და არ თქვას, მის ცოდვებს ესეც დაემატება და კიდევ უფრო მეტად დაისჯება

ავადმყოფ თვალებს სინათლე არ უყვარს, ასევე ტყუილს - სიმართლე, სიცრუეს კი ჭეშმარიტება სძულს.

შემწყნარებლობას, სიმართლესა და სიყვარულს შეუძლიათ და ვალდებულნი არიან, რომ შეერთდნენ.

ფარისევლური ქება მართლისათვის აუტანელი ტვირთია.

მართალი ადამიანი არ მედიდურობს, თუ ადამიანები განადიდებენ.

ის, ვინც ჭეშმარიტების სიყვარულით საკუთარ უსამართლობას აღიარებს, საეჭვოა, რომ არ აღემატებოდეს იმას, ვინც ყოველთვის მართალია.

არცთუ იშვიათად მართალნი არაწმიდათა ხელში მიეცემიან, არა - უწმიდურთა დიდებისათვის, არამედ მართალთა გამოსაცდელად.