მრისხანებ შენს მოყვასზე და თვითონაც ღვთის წინაშე მრისხანებაში ხარ.
მხეცისთვის არაბუნებრივია ლმობიერება, ადამიანისთვის კი - სისასტიკე.
სადაც გაბოროტება და მრისხანებაა, იქ თავმდაბლობის სული არ დაივანებს.
ხშირად ეშმაკობა მრისხანებას აღძრავს ერთადერთი მიზნით, რათა საიდუმლო ათქმევინოს, ანდა დაქანცული ხელში ჩაიგდოს.
მრისხანება და შურისძიება სუსტი სულის ვნებაა; ამიტომ ქალები მამაკაცებზე უფრო მრისხანენი და შურისმაძიებელნი არიან.
ლომებსაც ათვინიერებენ და იმორჩილებენ, ადამიანი კი ზოგჯერ თავის მრისხანებას ნებას აძლევს, ლომზე მეტად დაუმორჩილებელი იყოს.

უმჯობესია ღიმილით დაჯაბნო გაღიზიანება, ვიდრე დაუცხრომლად მძვინვარებდე.

მრისხანე ადამიანი, მკვდარიც რომ აღადგინოს, ღვთისთვის სათნო არ იქნება.

ვინც ფულის, დიდების თუ სიამეთმოყვარეობის გამო ურისხდება მოყვასს, არ შეუცვნია მას, რომ ღმერთი სიმართლით განაგებს საქმეებს.

მოიპოვე სულიერი სიმშვიდე და შენს გარშემო სხვებიც გადარჩებიან.

ეკლესიის გარეშე სულის გადარჩენის მოიმედენი მწარედ ცდებიან.