თავმდაბლობა ქმნილებათა უცილობელი სათნოებაა; მხოლოდ უფალს შვენის დიდება.

შეგეძლოს თავის დამდაბლება, ეს ნიშნავს, შეგეძლოს იესო ქრისტესთვის მიბაძვა.

მუდამ სიკეთის ქმნა და საკუთარ თავზე ნაკლებად ფიქრი - თავმდაბლობის ნიშანია.

ნეტარია თვალი, რომლის ზეაღხილვასაც ადამიანი თავმდაბლობის გამო ვერ ბედავს.

თუ შენს თავზე თავმდაბლურად იფიქრებ, ყველგან იპოვი სიმშვიდეს, სადაც უნდა იყო.

უმჯობესია, თავმდაბლად აღიარო ცოდვები, ვიდრე ამაყად იქებდე თავს სათნოებებით.

გზა ცოდნისკენ ესაა უვნებობა და სიმდაბლე, რომელთა გარეშე ვერვინ იხილავს უფალს.

ყველა ადამიანის წინაშე თავი დაიმდაბლე და ამა ქვეყნის ბატონის წინაშე ამაღლდები.

ადამიანები სიმდიდრეს ანიჭებენ უპირატესობას, ღვთისთვის კი თავმდაბალი სულია სათნო.

გონიერი ადამიანი თავმდაბალია, თავმდაბალი კი ამ სათნოების წყალობით გონიერი ხდება.

სიღარიბე კეთილზნეობრივი ადამიანისთვის სიმდაბლის მოხვეჭის საუკეთესო საშუალებაა.