ცოდვაში მცხოვრები მკვდრისაგან არაფრით განსხვავდება.

ის, ვინც ცოდვის გამო აქ არ ისჯება, ყველაზე უბედური ადამიანია.

ყველა ადამიანურ ბოროტებათაგან მხოლოდ ცოდვაა ნამდვილი ბოროტება.

საჭიროების შემთხვევაში შეცოდებას სიკვდილი ამჯობინე.

ორ ძალას შთაყავს კაცი ჯოჯოხეთამდე: ცოდვასა და სიკვდილს.

ჭეშმარიტი თავისუფლება ცოდვათაგან გათავისუფლებით მიიღწევა.

გსურს იყო მართალი, კარგად უნდა დარწმუნდე, რომ შინაგანად დაცემული ხარ.

ცოდვის ჩადენა ადვილია, მისგან განთავისუფლება კი ძნელი.

თუ საკუთარ თავს ძალას არ დაატან, ცოდვაზე ვერ გაიმარჯვებ.

ტკბილია ადამიანისთვის ცოდვა, მაგრამ მისი ნაყოფი მწარეა.

ცოდვილი ცოდვილს უფრო იოლად ეგუება, ვიდრე მართალ ადამიანს.

ცოდვა უმწარესი ყურძენია, ვინც მას იგემებს, კბილი მოეჭრება.

საშინელი ცოდვა გამეორების შემდეგ ნაკლებად საშინელი ხდება.

ცოდვის გამართლება უფრო უარესია, ვიდრე ის, რომ თავად შესცოდო.

არანაირი ბოროტება და უბედურება ცოდვაზე დამღუპველი არ არის.

შეუძლებელია დიდის გადალახვა, ვიდრე პატარაზე არ გაიმარჯვებ.