მართლმადიდებლობა უნდა გწყუროდეს
მართლმადიდებლობა უნდა გწყუროდეს
"გაუფრთხილდით და დაიცავით ჭეშმარიტი მართლმადიდებელი სარწმუნოება, რადგან მხოლოდ მართლმადიდებელი ეკლესია ინახავს უძველესი სამოციქულო და განუყოფელი ეკლესიის რწმენასა და ტრადიციებს".
ილია II, სრულიად საქართველოს
კათოლიკოს-პატრიარქი

* ეკლესიური ცხოვრების პირველი ნაბიჯი ტაძარში მისვლაა, რაც სხვადასხვა მიზეზით ხდება: წინაპართა ტრადიციის მიყოლით, ჯოჯოხეთში მოხვედრის შიშით, მადლისა და სულიერი სიმშვიდის მიღების სურვილით, უმეტესობა კი მხოლოდ დიდი უბედურების დროს იხსენებს სულის ხსნის ერთადერთ გზას...

* ეკლესიაში, პირველ რიგში, უფლის სიყვარულმა მიმიყვანა. ყოველთვის მსურდა ტაძარში მისვლა და ამით სულიერი სიმშვიდის მოპოვება, უპირველესი კი ცოდვების მონანიების სურვილი იყო. იმ დღის შემდეგ თითქოს სულიც შემიმსუბუქდა... ეს ენით გამოუთქმელი სიხარულია... დიდება უფალს!

* რატომ დავდივარ ეკლესიაში? ეკლესიიდან ყოველი დაბრუნებისას, ყოველი აღსარებისა და ზიარების შემდეგ უდიდეს მადლს ვგრძნობ და ასე მგონია, ნელ-ნელა ჩემი ბინძური სული ცოტცოტაობით იწმინდება. მინდა, რაც შეიძლება მეტად განვიწმინდო გული და გავილამაზო სული, რათა უფლის მოსაწონი გავხდე და ღირსი გამხადოს დავდგე მის მარჯვნივ, რომ სულ უფალთან ვიყო და მუდამ ვისმინო მისი ხმა... ვიცი, ბევრი მოვინდომე, მაგრამ ხარბი ყოფილა კაცის გული და ნეტავ მხოლოდ უფალთან სიახლოვის სურვილში ვიყოთ ხარბები! ერთ წმინდა მამას უთქვამს: თუ წყლის წვეთი წლების მანძილზე ერთსა და იმავე ადგილას ეცემა, ქვას გახვრეტსო... და მეც იმედი მაქვს, ჩემი დაუღალავი ლოცვით, საკუთარი თავის კონტროლით, უფლის სიახლოვეს ყოფნით, მარხვით, აღსარებითა და ზიარებით მოვუხერხებ რამეს ამ ჩემს ცოდვილ და ბინძურ სულს, ჯერ კიდევ ვნებებში რომაა ჩაფლული და ასე უჭირს მისგან განთავისუფლება...

* ეკლესიაში საკუთარ თავს ვეძებ. და კიდევ, ვცდილობ, ჩავწვდე უფლის ნებას ჩემზე...

* სიმართლე რომ ვთქვა, ტაძარში ძირითადად მაშინ დავდიოდი, როცა რაღაც მიჭირდა... ერთხელ დიდ განსაცდელში აღმოვჩნდი და შვება და დახმარება მხოლოდ იქ ვიპოვე. ვმადლობ ამისთვის უფალს და მინდა, ყოველთვის და ყველგან ვგრძნობდე მის შემწეობას, მადლს, სიყვარულსა და შიშს. ჩემს ცოდვებით დამძიმებულ სულს მუდმივი მკურნალობა სჭირდება და ეს მხოლოდ ტაძარშია შესაძლებელი.

* ეკლესიაში ბედნიერ და გახარებულ ხალხს ვხედავ და მეც სიხარული მეუფლება - ერთად გვიხარია უფალთან სიახლოვე.

* მეშინია სიკვდილის შემდეგ ჯოჯოხეთში მოხვედრის...

* მართლმადიდებლობა უნდა გწყუროდეს - ეს ვალდებულებაა.

* ტაძარში დავდივარ, რათა ვილოცო ჩემი ოჯახის, ახლობლების, ნათლულების და ბოლოს - ჩემი ცოდვილი სულისთვისაც.

* ჩემთვის ეკლესია ცივი წყაროა ხრიოკ უდაბნოში, მალამოა ცოდვებით გადამწვარი სულისა და ხორცისთვის. მხოლოდ ტაძარში ვარ მწუხარე ჩემი ცოდვების გამო, და ბედნიერი, რომ უფლის მონა ვარ. მდიდარი ამაყიც ვარ და გლახაკი მათხოვარიც - მხოლოდ უფლის სახლში.

მოამზადა
დემეტრე ტლაშაძემ
ბეჭდვაელფოსტა
კომენტარი არ გაკეთებულა
სხვა სიახლეები
20.11.2020
90 წლის ასაკში გარდაიცვალა სერბეთის მართლადიდებელი ეკლესიის პატრიარქი უწმიდესი ირინეოსი.
31.10.2020
მინდა მივმართო მომავალ ხელისუფლებას და ოპოზიციას, რომ ითანამშრომლონ, მოუსმინონ ერთმანეთს, - ამის შესახებ სრულიად საქართველოს კათოლიკოს-პატრიარქმა, ილია მეორემ ხმის მიცემის შემდეგ განაცხადა.
31.10.2020
მამა იოსებ ვათოპედელი გვიყვება არქიმანდრიტ იოაკიმეზე (სპეციარისი, +1943): ქალკიდისა და კარისტიის მიტროპოლიაში მქადაგებლობისას მას თავს ერთი მნიშვნელოვანი ამბავი გადახდა.
31.10.2020
ათენის ქუჩებში დაპირისპირებული პარტიები მიტინგებს მართავდნენ. ვინ ავირჩიოთ? ეს კითხვა ბევრს აწვალებდა. აი რას ამბობდა ამ საკითხზე წმინდა ნექტარიოსი (პენტაპოლელი):
26.09.2020
რვალის ქვაბი მოეთრია ქონდაქარსა,
ცეცხლს აგზნებდა
კაცთა გრძნობის კონდაქარი...
08.08.2020
ჩვენში და რუსეთში ჯერაც არ გამოლეულა იმისთანა განათლებული, შავს რომ თეთრს უწოდებს და თეთრად მიაჩნია და თეთრი – შავად. საკვირველია ეს ჩემთვის, ვგონებ რომ – შენთვისაც, ჩემო კარგო, მაგრამ არც კი უნდა გვიკვირდეს,
08.08.2020
ჩვენში და რუსეთში ჯერაც არ გამოლეულა იმისთანა განათლებული, შავს რომ თეთრს უწოდებს და თეთრად მიაჩნია და თეთრი – შავად. საკვირველია ეს ჩემთვის, ვგონებ რომ – შენთვისაც, ჩემო კარგო, მაგრამ არც კი უნდა გვიკვირდეს,
26.07.2020
ცნობილმა ქართველმა საოპერო მომღერალმა, ქალბატონმა ნინო სურგულაძემ თავის ფეისბუქის გვერდზე სტატუსი გამოაქვეყნა და გვსურს იგი თქვენც გაგაცნოთ:
10.07.2020
თურქეთის სასამართლომ აია-სოფიას მუზეუმის სტატუსი გაუუქმა, - ამის შესახებ ინფორმაციას BBС ავრცელებს.
18.06.2020
ცოტამ თუ იცის წყნეთში მდებარე მოხუცთა სახლის არსებობის შესახებ, იმ სახლის, სადაც ყველაზე დიდი სითბო, სიყვარული და ერთმანეთის თანადგომაა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ჟურნალი
ჟურნალის ბოლო ნომრები:
ქრისტიანობა მიწიერი დიდებისგან განშორებაა. ქრისტიანობა თავმდაბლობაა
მართლმადიდებელი სამოციქულო ეკლესია წმინდა გიორგის დღესასწაულს წლის განმავლობაში ორჯერ აღნიშნავს: