სერია 24 ტომს მოიცავს. წიგნები ფერადი ილუსტრაციებითაა დამშვენებული. (მხატვრები გოჩა კაკაბაძე და მამუკა შენგელია)
იაკობ გოგებაშვილის "საღმრთო ისტორია" გახლავთ ტექსტოლოგიური კვლევა, რომელიც პოეტმა და ლიტერატურის მკვლევარმა ზურაბ კალანდაძემ და ცნობილმა მეცნიერმა ელგუჯა გიუნაშვილმა ჩაატარეს, სარედაქციო სამუშაო კი ასევე ცნობილ ლიტერატორსა და მეცნიერს, აწ განსვენებულ ზურაბ სარჯველაძეს ეკუთვნის.
ცნობილია, რომ იაკობ გოგებაშვილს არ დასცალდა, ერთ სრულყოფილ, სისტემურ წიგნად გამოეცა თავისი ნაშრომები. იგი ხელნაწერის სახით არსებობდა და საბჭოთა ცენზურას ჰქონდა "დატყვევებული". მისი გამოცემის იდეა 1970-იანი წლების ბოლოს გაჩნდა. შემდეგ უწმინდესის ლოცვა-კურთხევით დაიწყო მისი ტექსტოლოგიური დამუშავება. ტექსტის მცირე ნაწილი "საღმრთისმეტყველო კრებულში" დაიბეჭდა. ეს ჟურნალი ეკლესიის წიაღში აღმოცენდა. მისი დამფუძნებელი ცნობილი ქართველი ლიტერატორი ედიშერ გიორგაძე გახლდათ. ტექსტი 1990 წელს, სრულყოფილად გამომცემლობა "მთაწმინდამ" გამოსცა.
დიდი დიღმის წმინდა ასი ათასი მოწამის სახელობის ტაძრის მოძღვარი მამა ირაკლი დუმბაძე:
- დღეს,როდესაც დამიანები კარგავენ ღვთის შიშს და ცდილობენ საკუთარი შეხედულებისამებრ ცხოვრებას,რაც მოწყალე ღმერთს მრისხანებად აღძრავს,მეტად მნიშვნელოვანია წინაპართა კეთილ ტრადიციას დავუბრუნდეთ და შვილებს საღმრთო ისტორია შევაყვაროთ. ვფიქრობ, იაკობ გოგებაშვილის "საღვთო ისტორია" საუკეთესო დახმარებას გაუწევს მომავალ თაობას.
ყველა ღირსეული და გონიერი მშობელი ზრუნავს,რომ შვილი არა მხოლოდ ინტელექტუალი და განათლებული, არამედ ზნეობრივი და კარგი თვისებებით აღჭურვილი გაზარდოს, რაც თავისთავად ძლიერი სახელმწიფოს არსებობის წინაპირობაა. უწმინდესი ხშირად აღნიშნავს თავის ქადაგებებში,რომ უზნეო და ბოროტი ადამიანის ხელში მოხვედრილი ცოდნა დამღუპველი შეიძლება აღმოჩნდეს მთელი კაცობრიობისათვის. ცხოვრების იმ საშინელ ტალღებს,რომელიც თავის მღვრიე ტალღებში ყველას დანთქმას ცდილობს, მხოლოდ ის გადაურჩება ვინც პეტრე მოციქულის მსგავსად ქრისტე ღმერთს თვალს არ მოაშორებს, წმინდა დავით მეფსალმუნე, რომელმაც ისრაელის უძლიერსი სამეფო შექმნა, 118–ე ფსალმუნში ასეთ სიტყვებს ამბობს: "რაითამე წარიმართოს ჭაბუკმა გზაი თვისი არათუ იმარხნეს სიტყვანი შენნი". ანუ რით წარემატება ახალგაზრდა,თუკი შენს მცნებებს არ დაიცავს? და ეს მცნებები, ანუ ცოდნა იმისა რა მოსწონს ქვეყნის შემოქმედს და რა არა, წმინდა წერილშია განცხადებული. ამიტომ იყო,რომ ჩვენი წინაპრები საგანგებო ყურადღებას აქცევდნენ შვილების წმინდა წერილის სულით აღრზდას.
წმინდა იოანე ოქროპირი ასე მოძღვრავდა თავის სამწყსოს:"თუკი წმინდა წიგნებს ხელში გულმოდგინედ აიღებთ,მაშინ თქვენ მიიღებთ მათში ჩადებულ დიდ სარგებელს და მათგან მრავალს მოიხვეჭთ. უპირველეს ყოვლისა – კითხვის მეშვეობით ენა კეთილად მეტყველებას ეჩვევა, ასევე სულიერ ფრთებს ისხამს სული,ზეცამდე მაღლდება და სიმართლის მზის სხივებით ნათდება;შემდგომ როგორც ხორციელი პური ამრავლებს სხეულებრივ ძალებს,ასევე კითხვა აძლიერებს სულს, რამეთუ ის არის სულის საზრდო,რომელიც მას მტკიცეს, მარადიულსა და სიბრძნის მოყვარეს ხდის, ცოდვიან ვნებებს მის დაუფლებას არ ანებებს, პირიქით, ფრთებს ასხამს და ზეცაში აჰყავს."ხოლო ბერძენთა კეთილმსახური მეფე ბასილი მაკედონელი ასე მოძღვრავდა თავის ძეს:"ნუ დაიზარებ გამუდმებით კითხვას ძველ საქმეთა აღწერისა,რადგან იქ იოლად იპოვი იმას,რასაც სხვები ხანგრძლივი ძალოსხმევით პოულობდნე,იქიდან შენ შეიტყობ სათნო და ბოროტი საქმეების შესახე,ასევე შეიმეცნებ მრავალსახოვან ცვლილებებს ადამიანის ცხოვრებაში, მოვლენებისა და ამქვეყნის ცვალებადობას, სამეფოების იოლად გაცამტვერებას. მოკლედ გეტყვი: შეიტყობ ბოროტი საქმეებისათვის მოწევნული სასჯელისა და კეთილი საქმეებისათვის მიგებული საზღაურის შესახებ.ბოროტ საქმეებს განეშორები,რათა არ გეწიოს ღვთის სასტიკი სასჯელი და შეიყვარებ კეთილ საქმეებს.ამგვარად შეძლებ ყოველივე გამასწორო შენში, რათა გახდე ღირსი სიკეთის მიგებისა.
"საღმრთო ისტორია" გამოვა 27 მარტიდან და ჟურნალ "კარუსელთან" ერთად გაიყიდება ყოველ პარასკევს სპეციალურ ფასად - 3 ლარად (ჟურნალთან ერთად 5 ლარი ეღირება)
