ყველა წყარო ზეპირად იცოდა, ამიტომ "ადამიან-მანქანას" ეძახდნენ
ყველა წყარო ზეპირად იცოდა, ამიტომ "ადამიან-მანქანას" ეძახდნენ
წელს შესრულდა ქართული სამეცნიერო-პედაგოგიური ინტელიგენციის ღირსეული წარმომადგენლის, ქართული უნივერსიტეტის დიდი პატრიოტის, ღვაწლმოსილი პედაგოგის, მრავალი სპეციალისტის აღმზრდელის, პროფესორ გრიგოლ ჩხარტიშვილის დაბადების 100 წლისთავი. გრიგოლ ჩხარტიშვილი მრავალი წლის განმავლობაში მოღვაწეობდა თბილისის სახელმწიფო უნივერსიტეტში. იყო მისი ერთ-ერთი პირველი აღზრდილი, მაღალი კვალიფიკაციის სპეციალისტი. მან შექმნა შუა საუკუნეების ისტორიის სახელმძღვანელოები, რომლებიც დღემდე იხმარება.

ბატონი გრიგოლი ღრმად მორწმუნე, სულით ძლიერი პიროვნება გახლდათ. 30-იან წლებში რეპრესირებულ იქნა "კონტრრევოლუციური საქმიანობისთვის". მიუხედავად გადასახლებაში გატარებული წლებისა, სულის სიმტკიცე და მხნეობა არ დაუკარგავს. პირიქით, ამის შემდეგ უფრო ნაყოფიერად განაგრძო პედაგოგიური და სამეცნიერო მოღვაწეობა. შუა საუკუნეების უნივერსიტეტებისა და ქალაქების ისტორიისადმი მიძღვნილმა მისმა მონოგრაფიებმა მაღალი შეფასება დაიმსახურა არამარტო საქართველოში.

მისი ნააზრევი ზოგიერთ საკითხზე, რომელიც იმხანად საზოგადოებისთვის მიუღებლად ჟღერდა, ამჟამად სახელმწიფო პოლიტიკად იქცა. მაგალითად, მეცნიერისთვის ევროპული ენების აუცილებელი ცოდნა, მომრავლებული უმაღლესი სასწავლებლების უარყოფითი გავლენა ეროვნულ ეკონომიკაზე, აუცილებელი საშუალო ტექნიკური განათლების პრიორიტეტული როლი სახელმწიფოებრიობისთვის, რუსიფიკაციის საშიშროება და ა.შ.

გრიგოლ ჩხარტიშვილმა და მისმა სათნო მეუღლემ, ქართული ენისა და ლიტერატურის დამსახურებულმა პედაგოგმა აგრაფინა მახარაძემ ორი შესანიშნავი ქალიშვილი აღზარდეს. ანტონინა და ქეთევანი ბიოლოგიის მეცნიერებათა კანდიდატები არიან და ნაყოფიერად იღვწიან ამ დარგში. ნიჭიერება და შრომისმოყვარეობა შვილიშვილებსაც არ აკლიათ. მარიამი იურისტია, ირინე - ექიმი, დავითი - პიანისტი. შვილთაშვილი მარიამი კი პირველი გიმნაზიის წარჩინებული მოსწავლეა.

ღვაწლმოსილი მეცნიერი 1982 წელს გარდაიცვალა. მან გაზარდა მეცნიერ-მკვლევართა არაერთი თაობა, რომელთაც მნიშვნელოვანი წვლილი შეიტანეს ქართული მეცნიერული აზრის განვითარებაში.

ბატონი გრიგოლ ჩხარტიშვილის ცხოვრებისა და მეცნიერული მოღვაწეობის შესახებ გვესაუბრება მისი ქალიშვილი, ბიოლოგიის მეცნიერებათა კანდიდატი, ანტონინა ჩხარტიშვილი:

- მამა მორწმუნე ოჯახში გაიზარდა. დედამისი - ასინეთ გოგუა ხატებთან სანთლის შუქზე კითხულობდა ხოლმე სახარებას, ლოცულობდა. მამა - ერემია სოფლის თავკაცი იყო. სოფელ ჯუმათში პირველი სკოლა სწორედ მან ააშენა. ერემიას და ასინეთს ხუთი შვილი ჰყავდათ. მათგან ორი ვაჟი პროფესორი გახდა.

მამას სარწმუნოებასთან მეტად სათუთი დამოკიდებულება ჰქონდა. ქაშვეთის ტაძარში ხშირად დადიოდა დედაჩემთან ერთად. ჩემი მშობლები თანაკლასელები იყვნენ. არ მახსოვს, ოდესმე დავეტუქსე. მეტად კორექტულები იყვნენ შენიშვნის მოცემისას. არავისზე აუგი არ დასცდებოდათ, ღარიბ-ღატაკი ეცოდებოდათ. იცოდნენ სხვისი მდგომარეობის გაზიარება და და თანადგომა. ჩვენს მეგობრებს დიდ პატივს სცემდნენ. ჩვენი უფროსი და ჩვილობაში გარდაიცვალა. ჩემი მშობლები ჯვარცმასთან ყოველთვის ლოცულობდნენ მისი სულის საოხად.

მამაჩემი ძალიან თბილი და კეთილი იყო. პედაგოგიური მოღვაწეობის მანძილზე არასოდეს დაუწერია ორიანი. თუ სტუდენტმა საგანი არ იცოდა, დამატებით საათებს დაუნიშნავდა, შინ დაიბარებდა, იქამდე ამეცადინებდა, სანამ დადებით ნიშანს არ მიაღებინებდა.

1930 წელს ირკუტსკში გადაასახლეს. გადასახლებაში დრო უქმად არ დაუკარგავს და ხელი მიჰყო ლათინური ენის შესწავლას. ინგლისური, ფრანგული, გერმანული და რუსული ენები კი მანამდეც შესანიშნავად იცოდა, რაც გამოადგა - დედანში კითხულობდა ისტორიულ წიგნებს. უნიკალური მეხსიერება ჰქონდა. მედიაველისტიკის სფეროში მომუშავეთათვის იგი სამაგალითო იყო იმით, რომ ყველა წყარო ზეპირად იცოდა, ამიტომ "ადამიან-მანქანას" ეძახდნენ.

პირველად მამაჩემი 1924 წელს დააპატიმრეს და მეტეხის ციხეში ჩასვეს სიკვდილმისჯილებთან ერთად. შემდეგ კი სასწაულებრივად შეიწყალეს და 6 თვის თავზე გაათავისუფლეს. მაშინ ჯერ კიდევ 17 წლისა იყო.

მამა პოლიტიკაზე ბევრს არ ლაპარაკობდა. შვილებს ასე გვმოძღვრავდა: თქვენს პროფესიას კარგად დაეუფლეთ, თქვენი საქმე ღირსეულად აკეთეთ - ეს ქვეყნისთვის სასიკეთო იქნება და პოლიტიკურ ცხოვრებაში არ ჩაერიოთ - თქვენი საქმე არ არისო. ჩემი მშობლებისთვის მთავარი პატიოსნება, ღირსება და განათლება იყო. ჩვენც მუდამ ვცდილობდით, მათთვის მიგვებაძა.

- გადასახლებიდან დაბრუნების შემდეგაც ხომ არ დევნიდნენ?

- გარკვეულწილად ავიწროებდნენ, ასპირანტებს არ აძლევდნენ აღსაზრდელად.

გრიგოლ ჩხარტიშვილი ეროვნული სულის ისტორიკოსი გახლდათ. ასეთი პოზიცია კი იმხანად იდევნებოდა. სადოქტორო დისერტაციაზე მუშაობისას ხელს უშლიდნენ. მავანთ არ უნდოდათ, გამომზეურებულიყო თამარის დროინდელი საქართველოს პოლიტიკური თუ სოციალური უპირატესობა ევროპის ნებისმიერ სახელმწიფოსთან (კერძოდ, ინგლისთან) შედარებით. არსებობს მოსაზრება, რომ თამარის დროინდელი "კარავი" ინგლისის პარლამენტის "თავისუფლების დიდ ქარტიას" 70 წლით უსწრებდა წინ.

მამა თავის ნაშრომებში დეტალურად და ამომწურავად შეისწავლიდა ყველა საკითხს, რომელსაც მიიჩნევდა განსახილველად. ასე მაგალითად, "შუა საუკუნეების ისტორიის" შესავალი ავტორის შემდეგი ფრაზით იწყება: "ამ წიგნის შედგენის აუცილებლობა ნაკარნახევია იმით, რომ ქართულ ენაზე არსებული სახელმძღვანელოები და ლექციების კურსი ძირითადად მხოლოდ დასავლეთ ევროპის ისტორიის საკითხებს ეხება, მაგრამ არაფერია ნათქვამი წინა და შორეული აღმოსავლეთის ქვეყნების შესახებ".

ინგლისის ისტორიის შესწავლისას მამა ყოველთვის ავლებდა პარალელს საქართველოსთან და წერდა: "საქართველოს XI-XII საუკუნეების სოციალურ-ეკონომიკური მდგომარეობა და პოლიტიკური სინამდვილე ბევრი რამით ინგლისისას წააგავსო".

რელიგიური თვალსაზრისითაც მეტად საინტერესო ფაქტებზე ამახვილებდა ყურადღებას. თავის წიგნში მოხსენიებული აქვს ის ფაქტი, რომ თბილისის ისტორიაში იყო პერიოდი, როცა ქალაქს 40 წლის განმავლობაში "ბერნი ტფილელნი" განაგებდნენ. ე.ი. თბილისს დამოუკიდებელი თვითმმართველობა გააჩნდა.

- როგორ იხსენებდა ბატონი გრიგოლი თავის მასწავლებლებს, უნივერსიტეტის კორიფეებს?

- მამა მადლიერებით იგონებდა თავის მასწავლებელს, პროფესორ გრიგოლ ნათაძეს, რომელიც მისი უშუალო ხელმძღვანელი გახლდათ საკანდიდატო დისერტაციაზე მუშაობისას (დისერტაციის თემა იყო "თავისუფლების დიდი ქარტია"). აგრეთვე ემადლიერებოდა პროფესორ ალექსანდრე ნამორაძეს - ისიც დიდ დახმარებას უწევდა საკანდიდატო დისერტაციაზე მუშაობის დროს. ისტორიულ წყაროებზე მუშაობდა მოსკოვის ლომონოსოვის სახელობის უნივერსიტეტის პროფესორის ე. ლავროვსკის თანადგომით.

მარტო თავისი მასწავლებლებისადმი ასეთი ღრმა პატივისცემა არის ნათელი მაგალითი ახალი თაობისთვის, რომლის ვალია, არ დაივიწყოს წინამორბედთა ღვაწლი და გააგრძელოს კვლევა იმ საკითხებისა, რაც ხელს შეუწყობს საქართველოს გაძლიერებასა და წინსვლას. ამ მეცნიერთა ღვაწლი და ნაამაგარი იყო ხიდი ძველიდან ახალი ცხოვრებისკენ - უკეთესი მომავლისკენ.

- მამათქვენის დაბადების 100 წლისთავთან დაკავშირებით დაგეგმილია ღონისძიებები...

- ვფიქრობ, ეს ღონისძიებები ხელს შეუწყობს ახალგაზრდებში პატრიოტული გრძნობების გაღვიძებას, იმის გაანალიზებას, თუ რატომ იღვწოდნენ ჩვენი წინაპრები ასე თავგამოდებით თავიანთი სამშობლოს ისტორიის შესასწავლად.

გრიგოლ ჩხარტიშვილის მეცნიერული მემკვიდრეობიდან ნათლად ჩანს, რომ მისი მსოფლმხედველობა ეროვნული და მართლმადიდებლური იყო. იგი ძალისხმევას არ იშურებდა და მთელ ცოდნასა და გამოცდილებას წარმართავდა ჩვენი ქვეყნის წარსულის სათანადოდ წარმოსაჩენად. მან ნათელ მომავალზე ფიქრითა და ოცნებით იცხოვრა. აიტანა შიმშილობა, სიცივე, დევნა, გადასახლება და მშობლიურ ქვეყანაში დაბრუნებისთანავე მხნედ იღვაწა. ყველა წინააღმდეგობა გადალახა და დაგვიტოვა კვალი ნათელი თავისი ნაშრომებისა და წიგნების სახით, რომელთა გაცნობა მკითხველს ჩვენი ქვეყნისთვის სასიკეთო საქმის კეთებას ასწავლის.
ბეჭდვაელფოსტა
კომენტარი არ გაკეთებულა
სხვა სიახლეები
25.07.2018
ბერძნულად სოფია ნიშნავს სიბრძნეს! შემთხვევით არ არის, რომ "ქალბატონ" სოფიას სოფია დაარქვეს.
18.07.2016
იურიდიული მეცნიერების თვალსაჩინო მოღვაწეს, არაერთი სამეცნიერო ნაშრომის ავტორს, ფაქტობრივად თანამედროვე ქართული სამართლებრივი პუბლიცისტიკის მესაძირკვლეს, ბატონ ოთარ გამყრელიძეს, ცოტა ხნის წინ 80 წელი შეუსრულდა.
10.10.2013
ჩვენი სახელოვანი წინაპრები, საზოგადო მოღვაწეები, ყოველთვის განსაკუთრებულ ყურადღებას უთმობდნენ პედაგოგიკის პრობლემას
26.09.2013
"ქვეყნის დაარსებითგან მამულსა ჩვენსა აქვნდა თავისი საკუთარი მდგომარეობა, აქვნდა თვისნი სჯულნი
18.07.2013
პროლოგის პირველი სტროფით რუსთველი ღვთიურ შესაქმეს გვახსენებს. მოსეს წმინდა წიგნების საფუძველზე ის ხაზგასმით გამოარჩევს შემოქმედის ნების ორ ასპექტს და გვამცნობს:
18.07.2013
მასწავლებლის წმინდათაწმინდა დანიშნულებაზე ბერი პაისი ათონელი წერს: "იყო ნამდვილი მასწავლებელი - დიდი საქმეა!
04.07.2013
ივანე ბერიტაშვილი დაიბადა 1885 წლის 10 იანვარს სოფელ ვეჯინში (სიღნაღის მაზრა), მღვდელ სოლომონ ბერიტაშვილის ოჯახში.
06.06.2013
მსოფლიო რანგის მეცნიერს, ეროვნული ფსიქოლოგიური სკოლის, თბილისის სახელმწიფო უნივერსიტეტისა და საქართველოს მეცნიერებათა აკადემიის ერთ-ერთ ფუძემდებელს
09.05.2013
"არის ასეთი საგანი, რომელსაც ფილოსოფიის ისტორია ეწოდება, მაგრამ გასულ საუკუნეში წარმოიშვა ახალი საგნები: ისტორიის ღვთისმეტყველება და ისტორიის ფილოსოფია.
14.03.2013
კონსტანტინე კაპანელი (ჭანტურია) (1889-1952) XX საუკუნის I ნახევრის ქართული ფილოსოფიისა და ლიტერატურული კრიტიკის საინტერესო და ორიგინალური წარმომადგენელია.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
საქართველოს ეკლესია სამოციქულოა. გადმოცემის მიხედვით, სულთმოფენობის შემდგომ, როცა მოციქულებმა წილი ჰყარეს და სხვადასხვა ქვეყანაში წავიდნენ საქადაგებლად, საქართველო ყოვლადწმიდა ღვთისმშობელს ერგო

casino siteleri 2023 Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eşya depolama istanbul-depo.net papyonshop.com beşiktaş sex shop şehirler arası nakliyat ofis taşıma kamyonet.biz.tr malatya temizlik shell aspx shell umitbijuteri.com istanbul evden eve nakliyat

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canlı casino malatya ara kiralama

casino siteleri bedava bonus bonus veren siteler bonus veren siteler