წმინდა ბაგრატ მესამე - გაერთიანებული საქართველოს პირველი მეფე
წმინდა ბაგრატ მესამე - გაერთიანებული საქართველოს პირველი მეფე
ახალშერაცხული წმინდა კეთილმსახური მეფე
გვესაუბრება გელათის სასულიერო აკადემიისა და სემინარიის საქართველოს ისტორიის კათედრის გამგე, ისტორიის დოქტორი ლევან ტყეშელაშვილი:

- ბაგრატ მესამე (978-1014) ერთიანი საქართველოს პირველი მეფე იყო, მან შეძლო ქართული მიწების გაერთიანება და საფუძველი ჩაუყარა დავით აღმაშენებლისა და თამარ მეფის საქართველოს. 975 წელს ტაოს მეფე დავით კურაპალატმა მცირეწლოვანი ბაგრატი ქართლში, უფლისციხეში გაამეფა, ამ დროისათვის ბაგრატი დაახლოებით 13 წლის უნდა ყოფილიყო, რის გამოც დავით მეფემ მცირეწლოვან ბაგრატს "თანაგამგებლად" მამა გურგენი და დედა გურანდუხტი დაუტოვა. დიდი ქართველი მამულიშვილის იოანე მარუშის ძის უშუალო ინიციატივით ბაგრატი აფხაზეთში (დასავლეთ საქართველოში) მიიყვანეს გასამეფებლად, რადგან თეოდოსი, მისი ბიძა უშვილო იყო. "შთაიყვანეს იგი აფხაზეთს იგი აფხაზეთს დალოცეს მეფედ და დაემორჩილნეს ყოველნი ბრძანებასა მისსა... რამეთუ ყოვლითურთ მიემსგავსებოდა ქცევასა გამზრდელისა თვისისა, დიდისა მეფისა დავით კურაპალატისასა, და იხილვებოდა მის თანა ყოველი საქმე კეთილისა", - გვაუწყებს "მატიანე ქართლისა". ბაგრატ მეფემ გვირგვინი დაიდგა ქუთაისში 16 წლის ასაკში, ტაძარში, რომლის საფუზველზეც შემდეგ ააგო ბაგრატის საკათედრო ტაძარი.

ბაგრატ მესამის განსაკუთრებული ღვაწლის წყალობით გაერთიანდა ქართული ქვეყნების უდიდესი ნაწილი, ერთიანი საქართველოს შემადგენლობაში მოექცა აფხაზეთი (დასავლეთ საქართველო), ქართლი, "ქართველთა სამეფო" (ტაო-კლარჯეთი) და კახეთ-ჰერეთი. ბაგრატ მეფის ინიციატივით აიგო ბედიისა და ბაგრატის (ქუთაისის სიონი) საეპიკოპოსო ტაძრები. "ამანვე დიდმან მეფემან აღაშენა საყდარი ბედიისა და შექმნა საეპისკოპოსოდ", "ამანვე აკურთხა ეკლესია ქუთათისა განგებითა დიდითა და მიუწდომელითა, რამეთუ შემოკრიბნა მახლობელნი ხელმწიფენი და კათალიკოსნი, მღვდელთმოძღუარნი და ყოველთა მონასტერთა წინამძღუარნი და ყოველნი დიდებულნი ზემონი და ქვემონი, მამულისა და სამეფოსა მისსა მყოფნი, და სხუათა ყოველთა სახელმწიფოთაგანი". ბაგრატის ტაძარი იყო ერთიანი საქართველოს სიმბოლო, ამიტომ ტაძრის კურთხევისას ბაგრატ მეფეს უცხო სახელმწიფოებიდანაც მოუწვევია სტუმრები. ბაგრატის მეფობაში აიგო ასევე ნიკორწმინდის, კაცხის და ხცისის ტაძრები.

"მატიანე ქართლისას" ავტორი ხაზგასმით აღნიშნავს ბაგრატ მეფის დამსახურებას "ესე ბაგრატ, აფხაზთა და ქართველთა მეფე წარემატა ყოველთა ხელმწიფეთა ყოვლითა განგებითა... და დაუმორჩილნა ღმერთმან ყოველნი მტერნი და წინააღმდგომნი მისნი, მომადლა დღეთა მისთა მშვიდობა და დიდი დაწყნარება ქუეყნისა". უცნობი მემეტიანე ბოლოს განსაკუთრებულ შეფასებას აძლევს ბაგრატის ღვაწლს: "და სთქუა ესეცა, რომელ შემდგომად დიდისა მეფისა ვახტანგ გორგასლისა არავინ გამოჩენილ არს სხუა მსგავსი მისი დიდებითა და ძალითა და ყოვლითა გონებითა; ეკლესიათა მაშენებელი იყო, გლახაკთა მოწყალე და სამართლის მოქმედი ყოველთა კაცთათვის".

ბაგრატ მესმე გარდაიცვალა 1014 წელს 7 მაისს, იგი დაკრძალეს მის მიერ აგებულ ბედიის ტაძარში. საქართველოს ეკლესიის წმინდა სინოდმა ბაგრატ მესამე წმინდანთა დასში შერაცხა.

ბეჭდვაელფოსტა
კომენტარი არ გაკეთებულა
სხვა სიახლეები
12.02.2018
"იხილა ღმერთმა, რომ კაცთა მოდგმას მტერი აშფოთებს, და მის დასამხობად სინანული დააწესა.
07.02.2018
მეფე დავით აღმაშენებელი 1125 წლის 24 იანვარს გარდაიცვალა

ძველი გაზეთებიდან

თითქმის რვა საუკუნემ განვლო
24.12.2017
საბერძნეთში, კუნძულ კერკირაზე წმინდა სპირიდონის სახელობის ტაძარში სასულიერო პირები დღეში ერთხელ აღებენ ლუსკუმას, სადაც წმინდა სპირიდონის უხრწნელი, წმინდა სხეულია ჩაბრძანებული.
20.12.2017
წმინდა ნიკოლოზის ცხოვრება სასწაულებითაა აღსავსე.
02.12.2017
წმინდა პაისი (ეზნეპიდისი) ათონელი მასზე ამბობდა: "მამა პორფირეს ფერადი ტელევიზორი აქვს, მე კი შავ-თეთრი". ამით აღნიშნავდა ღირსი მამის დაფარულმცოდნელობის აღმატებულ მადლს.
15.10.2017
გელათის სასულიერო აკადემიისა და სემინარიის ლიტურგიკის ლექტორი, საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ისტორიის დოქტორანტი, თეოლოგიის მაგისტრი ირაკლი ლორთქიფანიძე:
28.09.2017
წმიდა იოანე რუსი, იმ წმიდა ადამიანთა კატეგორიას მიეკუთვნება, რომლებმაც ცხოვრების გზა თავიანთი სპეტაკი ცხოვრებით ან სინანულით, ან კი ორივეთი ერთად განვლეს.
22.02.2017
გიყვარდეთ უფალი ჩვენი იესო ქრისტე, გიყვარდეთ ჯვარი პატიოსანი...
24.12.2016
წმინდა სპირიდონ ტრიმუფუნტელისსხეული დღესაც უხრწნელად ინახება
წმინდა სპირიდონ ტრიმიფუნტელის უხრწნელი სხეული, რომელიც კუნძულ კერკირას უდიდეს სიწმინდეს წარმოადგენს, მრავალჯერ იხსნა კუნძული სხვადასხვა განსაცდელებისგან.
12.12.2016
წმინდა აბიბოს ნეკრესელის ხსენების დღესთან დაკავშირებით  გთავაზობთ ეპისკოპოს ლეონიდეს (ოქროპირიძე) ქადაგების  მცირე ამონარიდს:
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28