ამ დროიდან იწყება მისი მწერლობითი მოღვაწეობა, რომელიც ძირითადად მდგომარეობდა ძველი და ახალი აღთქმის ცალკეული წიგნების განმარტებაში. ავადმყოფობის სარეცელზე მან დაასრულა იოანეს სახარების თარგმანი საქსონურ ენაზე, რომელსაც კარნახობდა თავის მოწაფეებს.
გარდაიცვალა 735 წლის 26 მაისს და დაკრძალულია ჯარროუს მონასტერში; მოგვიანებით მისი ნეშტი გადაასვენეს დარემის საკათედრო ტაძარში.
ბედამ დაწერა მრავალი ფასეული კომენტარი წმინდა წერილზე, რომლებიც მნიშვნელოვანი იყო მისი დროისთვის. გარდა ამისა, მან შექმნა ჰომილიები, ზოგიერთი წმინდანის ცხოვრება, ჰიმნები, ეპიგრამები, ნაშრომები ქრონოლოგიასა და გრამატიკაში. მისი ნაწერების სრული კრებულები გამოიცა პარიზში (1544 და 1554), ბაზელში (1563) და კელნში (1612 და 1688). მისი მთავარი ნაშრომი, მიუკერძოებლად დამუშავებული ქრონიკების საფუძველზე - "Historia ecclesiastica gentis Anglorum" ("ინგლისელთა ხალხის საეკლესიო ისტორია") 5 წიგნად, რომელიც ალფრედ დიდმა თარგმნა ანგლო-საქსურ ენაზე, რჩება ინგლისის უძველესი ისტორიის ერთადერთ წყაროდ 731 წლამდე.
ქრონოლოგიისთვის მნიშვნელოვანია ბედას ნაშრომი "De sex aetatibus mundi" ("მსოფლიოს ექვსი ერის შესახებ"), რომელშიც მან პირველად შემოიღო დიონისეს წელთაღრიცხვა, რომელიც შემდგომში მიღებულ იქნა შუა საუკუნეების ქრონიკების უმეტესობაში. ბედას ნაშრომების სრული კრებულის ტექსტი, მისი ისტორიული ნაშრომების ინგლისური თარგმანით, გამოსცა მინმა.
1978 წელს ბედა კანონიზებულ იქნა მიტროპოლიტ ანტონის (ბლუმის) მიერ და არის რუსეთის მართლმადიდებელი ეკლესიის სუროჟის ეპარქიის ადგილობრივად თაყვანისცემული წმინდანი. მისი ხსენება აღინიშნება ბრიტანეთის კუნძულების ყველა წმინდანის დღეს (მე-3 კვირა სულთმოფენობის შემდეგ); კათოლიკურ ეკლესიაში - 27 მაისს. წმინდა ბედა ასევე იხსენიება "შოტლანდიელ წმინდანების კრებულში" - სულთმოფენობის შემდეგ მე-2 კვირას (ბერძნ.)
აქვე წაიკითხეთ:
ღირსი ბედა - თავმდაბალი ბერი და მასწავლებელი.
