მას პატივს მიაგებს რუმინეთის მართლმადიდებელი ეკლესია. წმინდა კორბინიანე გახლდათ ერთი პირველი მისიონერი და ეპისკოპოსი ბავარიაში. თავიდან ის განდეგილად მოსაგრეობდა სამშობლოში; დაახლოებით 718 წელს პაპმა გრიგოლი II-მ ეპისკოპოსად აკურთხა და ფრაიზინგში (ბავარია), ჰერცოგ გრიმოალდ II-სთან გაუშვა, სადაც ის ქადაგებდა და ეკლესიებს აგებდა. წმინდა კორბინიანე 730 წელს გარდაიცვალა.

ლეგენდა მოგვითხრობს, რომ ერთხელ რომში მიმავალ კორბინიანეს თავს დათვი დაესხა და ცხენი მოუკლა. წმინდანმა ნადირი დასაჯა და აიძულა ცხენის მაგივრობა გაეწია. როცა რომში ჩავიდა, წმინდა მღვდელმთავარმა დათვი ამ მოვალეობისაგან გაათავისუფლა და ისიც ბავარიაში დაბრუნდა. კორბინიანეს დათვი შეგვიძლია ვიხილოთ რომის პაპ ბენედიქტე XVI-ს და ქალაქ ფრაიზინგის გერბებზე.