1730 წლის 1 ოქტომბერს კიევის მიტროპოლიტის წმინდა მიქაელის უხრწნელი ნაწილები პეჩორის (მღვიმევი) მიძინების ტაძარში გადაასვენეს. ამ მოვლენასთან დაკავშირებით იხსენიებს მართლმადიდებელი ეკლესია წმინდა მღვდელმთავარს ძველი სტილით 30 სექტემბერს (ახალი სტილით 13 ოქტომბერს). წმინდა მღვდელმთავარს მძიმე, მაგრამ მადლმოსილი მსახურება ხვდა წილად. იგი კონსტანტინოპოლის პატრიარქ ნიკოლოზ ქრიზოვერგს გაუგზავნია რუსეთში საეკლესიო საქმეთა მოსაწყობად. ერთი ცნობით, იგი მღვდელმსახურთა დასთან ერთად მოციქულთასწორი ვლადიმერის საცოლეს, მეფისწულ ანას ჩაჰყვა საბერძნეთიდან 988 წელს. სხვა ცნობით კი ვლადიმერის ნათლისღებიდან ერთი წლის შემდეგ, 989 წელს ჩავიდა თავრიდის ხერსონესის (თანამედროვე ყირიმის) დედაქალაქ კორსუნში (ხერსონში), კიევში გაემგზავრა წმინდა მთავართან ერთად, მონათლა მისი თორმეტი ძე და კიევის მთელი მოსახლეობა.

წმინდა მიქაელი სიკვდილამდე იღვწოდა რუსეთის ეკლესიის ასაღორძინებლად. მან 992 წელს შეჰვედრა სული უფალს და პატივით დაკრძალეს კიევის ყოვლადწმინდა ღვთისმშობლის სახელობის ტაძარში. დაახლოებით 1103 წელს.