წმინდა სოფრონი XVIII საუკუნეში დაიბადა ეპირში, ღვთისმოსავ ქრისტიანთა ოჯახში. ნინველობიდან ღვთის შიშით და სათნოებით გამოირჩეოდა. ის მშობლებმა თავის ნების საწინააღმდეგოდ დააქორწინეს. სოფრონმა ნორჩი მეუღლე მანამდე მიატოვა, ვიდრე ოთახში შევიდოდა, ქორწინების სარეცელს გაიზიარებდა და პირდაპირ ათონის წმინდა მთაზე გაემგზავრა. თავიდან წმინდა ანას სკიტში ერთი მოძღვრის ხელმძღვანელობით მოსაგრეობდა, რომელმაც ის სოფრონის სახელით ანგელოზის სქემით შემოსა. ორმოცდაათი წლის მანძილზე ღირსი მამა ერთ უბადრუკ ქოხში ცხოვრობდა, გულმოდგინედ იბრძოდა, სულიერად და მოუკლებელად ლოცულობდა. სამღვდელო ხარისხის მიღების შემდეგ ევქარისტიას თავმდაბლობით ატარებდა და უვნებლობის ისეთ საფეხურს მიაღწია, რომ ხორცშესხმული ანგელოზი გეგონებოდათ. უბრალო, მშვიდი, უაღრესად მოწყალე და ბრძენი მთელი ათონის ბერმონაზვნებისთვის სამაგალითო იყო. ის ღირსეულად ემსახურა ყოვლადწმინდა ღვთისმშობელს და ღმრთივ განისვენა. მას ათონის წმინდა მთაზე მიაგებენ პატივს.