წარმოშობით ესპანელი წმინდა პლაკილა (ელია ფლავიუს ფლაკილა) გახლდათ მეუღლე თეოდოსი დიდისა, რომელიც ქვეყანას 379-395 წლებში მართავდა და დედა იმპერატორების არკადიუსის და ჰონორიუსის.

პლაკილა ღვთისმოშიში და სათნო ადამიანი იყო. მიწიერი ცხოვრება არ იყო მისი სიამაყის საგანი, არამედ ყველაზე მეტად ზეციური სასუფეველი სურდა. მთელ თავის ძალიხმევას, გლახაკებზე, ავადმყოფებზე ზრუნვას ახმარდა, რომელთანაც სრულიად მარტო მიდიოდა ხოლმე. ის მიდიოდა სამრევლო თავშესაფრებში და მორჩილად ეხმარებოდა სამზარეულოში, და ყველანაირ მძიმე სამუშაოს ასრულებდა, რაც შეუფერებელი უნდა ყოფილიყო მისი მდგომარეობის ქალბატონისთვის. თუ ვინმე ცდილობდა შეწინააღმდეგებას, ის პასუხობდა, რომ ეს მისთვის ყველაზე საუკეთესო საშუალებაა ღმერთს მადლობა შესწიროს გაწეული წყალობისათვის. ცდილობდა მის მსგავსად მეუღლესაც ყოველთვის ედიდებინა უფალი და მისი მცნებების დაცვით ემართა სახელმწიფო.

მთელი ცხოვრების მანძილზე ნეტარი პლაკილა, უმანკოებით, თავმდაბლობით, გულმოწყალებითა და ლოცვით ემსახურებოდა უფალს. ის მშვიდობით აღესრულა 386 (ან 385) წელს. მის დაკრძალვაზე სახოტბო სიტყვა წარმოუთქვამს წმინდა გრიგოლი ნოსელს.

სურათზე წმინდა პლაკილას ბიუსტი