ახალი სტილით 7 მაისს ეკლესია წმინდა დედას, ელისაბედ სასწაულთმოქმედს მოიხსენიებს. წმინდა ელისაბედი იუსტინიანე დიდის დროს (VI ს-ის I ნახ.) ცხოვრობდა კონსტანტინოპოლში და იღუმენია გახლდათ უვერცხლოდ მკურნალთა - წმინდა კოზმასა და დამიანეს სახელობის მონასტრისა.
წმინდა ელისაბედი ჯერ კიდევ დედის მუცლიდან გამოარჩია უფალმა და მის მშობელს აუწყა ამის შესახებ. ის სიყრმიდანვე მარხვაში, ლოცვასა და ღვთის დიდებაში იზრდებოდა. მაშინვე ისე სათნოეყო უფალს, რომ ლოცვით კურნავდა ყველანაირ ხორციელ სნეულებას, თავისი ღვთივშთაგონებული ქადაგებებით სინანულის გზაზე აყენებდა ცოდვილთ. მას ტანთ მხოლოდ ფიჩვის სამოსი ეცვა. თუმცა სიცივით იყინებოდა, სულით მუდამ საღმრთო სიყვარულით იწვოდა.
უზომო იყო მისი თავშეკავება (მარხვა). მრავალი წლის მანძილზე მხოლოდ პურითა და ხილით საზრდოობდა. ზეთი და ღვინო თავისი ცხოვრების მანძილზე არ უგემია. ხშირად, წმინდა მოსე წინასწარმეტყველის მსგავსად, ორმოცი დღის მანძილზე არ იგემებდა საკვებს. ერთხელ, სამი წელი, სახარებისეული მეზვერის მიბაძვით, თვალნი ზევით არ აღუპყრია, ჩასცქეროდა მიწას, სულით კი დაუღამებელ ნათელს ჭვრეტდა. ხშირად უხილავთ ღამით განმარტოებით მლოცველი წმინდა დედა ზეციური ნათლით გაბრწყინებული. სიცოცხლეშივე მრავალ სასწაულს აღასრულებდა და ღმრთივ განსვენების შემდეგ მისი აკლდამა ღვთაებრივი მადლის მაკურნებელ წყაროდ იქცა.
- მთავარი
- ჩვენ შესახებ
- ეკლესია
- ქრისტიანული ცხოვრება
- რწმენა
- წმინდანები
- სხვადასხვა
- ახალი ამბები
- დიასახლისის გვერდი
- სწავლებანი
- ერისკაცობიდან მღვდლობამდე
- ქრისტიანული საიდუმლო
- ქრისტიანული სიმბოლიკა
- ცოდვა
- ისტორია
- ანგელოზები
- ამბიონი
- კითხვა-პასუხი
- ეს უნდა ვიცოდეთ
- ცრუ მოძღვრებები
- სხვა რელიგიები
- სხვადასხვა
- მკითხველის გვერდი
- ეპისტოლენი, ქადაგებები
- ნამდვილი ამბები
- სასწაულები
- წაუკითხეთ პატარებს
- ჩემი სოფელი
- ქართული გვარები
- ქართული ანბანი
- რელიგიურ-ფილოსოფიური ლექსიკონი
- წმინდა წერილი
- წიგნები
- ლოცვანი