მამა სიმონი იმ ხუთთაგანი იყო, საფიჩხიის ტყეში მარიამობა ღამეს რომ დახვრიტეს
მამა სიმონი იმ ხუთთაგანი იყო, საფიჩხიის ტყეში მარიამობა ღამეს რომ დახვრიტეს
საფიჩხიის ტყეში დახვრეტილ სასულიერო პირებს შორის გახლდათ მღვდელი სიმონ მჭედლიძეც, იმ ხუთთაგანი, სასტიკად ნაგვემები და თოკით ერთმანეთზე გადაბმულები 1924 წლის მარიამობა ღამეს რომ დახვრიტეს, ხოლო შემდეგ ტყვიანასროლებსა და ჯერაც ცოცხლებს მიწა მიაყარეს.

საქართველოს ჩეკას "სრულიად საიდუმლო" სიაში, რომელშიც ე. წ. აგვისტოს ავანტიურაში მონაწილეობისთვის დახვრეტილნი არიან აღნუსხულნი, საარქივო საქმის 1627-ე ნომრით ირიცხებიან: ქუთათელ-გაენათელი მიტროპოლიტი ნაზარი ლეჟავა, 56 წლის; მღვდელი გერმანე ჯაჯანიძე, 56 წლის; მღვდელი იეროთეოზ ნიკოლაძე, 59 წლის; დიაკვანი ბესარიონ კუხიანიძე, 53 წლის და მღვდელი სიმონ მჭედლიძე, 60 წლის.

საარქივო საქმე, რომელიც, როგორც ირკვევა, 30-იან წლებშია შედგენილი, სიმონ მჭედლიძის ოჯახის შესახებ მთლად ზუსტ ცნობებს არ შეიცავს - სინამდვილეში მამა სიმონსა და მის მეუღლეს, ეკატერინე დგებუაძე-მჭედლიძისას 13 შვილი ჰყოლიათ, რომელთაგან იმ დროისთვის 7 ყოფილა ცოცხალი.

თავად სიმონ მჭედლიძეს წინაპრებიც სასულიერო პირები ჰყოლია. მისი გვარი სოფელ ბოსლევიდან ყოფილა, მაგრამ გვარის ერთ-ერთი შტო (სიმონ მჭედლიძის წინაპარი და სეხნია სიმონ მჭედლიძე) სოფელ სვირში დასახლებულა. მისი უფროსი ვაჟი, დეკანოზი მიხეილი, იმერეთის ეპარქიის ბლაღოჩინი იყო, უმცროსი ვაჟი კი ცნობილი პუბლიცისტი ევსტათი მჭედლიძე (ბოსლეველი), გაბრიელ ეპისკოპოსის ეპარქიის კანცელარიის მდივანი, რომელიც, სრულიად ახალგაზრდა, ბაგრატის ტაძრისკენ მიმავალ აღმართზე მოკლეს.

მამა სიმონი 1865 წელს დაბადებულა და წინაპრების კვალს გაჰყოლია - ჯერ სტავროპოლის სასულიერო სემინარია დაასრულა, შემდეგ ძველი სენაკის სააზნაურო სკოლაში ასწავლიდა. 1891 წელს ჯვარი დაიწერა თავად (გენერალ) ბესარიონ დგებუაძის ასულ ეკატერინეზე და საცხოვრებლად ქუთაისს გადავიდა, სადაც კერძო გიმნაზია, იგივე პროგიმნაზია, გახსნა. 1894 წელს სიმონ მჭედლიძისთვის გაბრიელ ეპისკოპოსს დიაკვნად დაუსხამს ხელი, ხოლო ცოტა ხანში - მღვდლად. 1902 წლიდან მამა სიმონი სვირის ეკლესიის წინამძღვარი გახდა. ეწეოდა ნაყოფიერ პედაგოგიურ და საზოგადოებრივ მოღვაწეობას - გახლდათ მეოთხე თანრიგის საგამომცდელო კომისიის თავმჯდომარე.

ჰქონდა საკუთარი სტამბა ქუთაისში, ბეჭდავდა სხვადასხვა სასულიერო და საერო გამოცემებს და რედაქტორობდა "სარწმუნოებრივ-ზნეობრივ-საზოგადოებრივ" გაზეთ "შინაურ საქმეებს", რომელშიც იბეჭდებოდა თავად სიმონ მჭედლიძის, საქართველოს ეკლესიის მომავალი პატრიარქების კირიონ მეორის (საძაგლიშვილი), ლეონიდეს (ოქროპირიძე), კალისტრატეს (ცინცაძე), არქიმანდრიტ ნესტორ ყუბანეიშვილის, მღვდელ მელიტონ კელენჯერიძის, ბერ ალექსი შუშანიას და სხვათა წერილები.

თბილისის ცენტრალურ არქივში სიმონ მჭედლიძის შესახებ კარტოთეკის მხოლოდ ორი ბარათია დაცული, თავად საბუთები კი ადგილზე არ აღმოჩნდა.
ბეჭდვაელფოსტა
კომენტარი არ გაკეთებულა
სხვა სიახლეები
13.08.2016
შვიდნი მოწამენი მაკაბელნი: აბიმი, ანტონინე, გური, ელეაზარი, ევსევონი, ალიმი და მარკელე, დედა მათი სოლომონია და მოძღვარი ელეაზარი ეწამნენ ქრისტეს შობამდე 166 წელს
20.02.2016
წმიდა მოწამე თეოდორე სტრატილატი ქალაქ ევქიტში ცხოვრობდა. მას მრავალგვარი ნიჭი და შესანიშნავი გარეგნობა ჰქონდა მიმადლებული. გულმოწყალე მხედარს უფალმა ქრისტიანული ჭეშმარიტებებიც სრულად შეაცნობინა.
14.01.2016
წმიდა ახალმოწამე გიორგი წარმოშობით ივერიიდან იყო. იგი დაახლოებით 1700 წელს დაიბადა. ბავშვობაში იგი მოიტაცეს და ვიღაც თურქს მიჰყიდეს, რომელმაც მას მუსულმანობა მიაღებინა და სახელად "სალი" დაარქვა.
21.01.2015
"იყო დრო, როცა წრფელი, მხურვალე, შეუდრეკელი სარწმუნოება და უმწიკვლო, წუნდაუდებელი ზნეობა ქართველი კაცის ნიშანდობლივ თვისებებს შეადგენდა და ამის გამო ქართველი ყოველგან ანთებული ლამპარივით ბრწყინავდა,
09.01.2015
იესო ქრისტეს ზეცად ამაღლებისა და მოციქულებზე სულიწმიდის გარდამოსვლის შემდეგ უფლის სიტყვა სწრაფად ვრცელდებოდა და მორწმუნეთა რიცხვიც ყოველდღიურად იზრდებოდა.
30.11.2014
მე, სტეფანე მტბევარმა ეპისკოპოსმა, დავწერე ესე აშოტ ერისთავთა-ერისთავის ბრძანებით
გვაკურთხე, მამაო!
23.11.2014
საქართველოს მართლმადიდებლური ეკლესია 23 (10) ნოემბერს წმინდა დიდმოწამე კონსტანტი კახის ხსენებას აღნიშნავს.
13.11.2014
ასი ათასი მოჭრილი თავი და ასი ათასი თავწარკვეთილი სხეული გაატანეს უსჯულოებმა მდინარე მტკვარს. ამ დღიდან ასი ათასი მფარველი შეემატა საქართველოს, რომელთა ხსენება ყოველთვის "ქებით აღესრულების".
03.10.2014
საკუთარი სიცოცხლის ფასად დაამოწმეს ჯვარცმული ღმერთის რწმენა ევსტათი პლაკიდამ და მისი ოჯახის წევრებმა.
25.09.2014
წმინდისა მღვდელმოწამისა კვიპრიანესა და წმინდისა მოწამისა იუსტინა ქალწულისა მიმართ
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
საქართველოს საპატრიარქოს განცხადება
11 იანვარი, 2018 წელი

როგორც ცნობილია, გასული წლის 27 დეკემბერს