წმინდა ღირსმოწამე ქრისტეფორე, ერისკაცობაში ქრისტოდულე, წარმოშობით ადრიანოპოლიდან იყო, დაიბადა 1795 წელს. ახალგაზრდა ასაკში მას გზა აცდინა ვიღაც განდგომილმა სომეხმა და ფულით მოხიბლულმა, ისლამი მიიღო. თუმცა, მოინანია და მიმართა სულიერ მოძღვარს. აღსარება თქვა და შემდეგ გაემგზავრა წმინდა მთაზე, სადაც ცხრამეტი წლის ასაკში ჩავიდა წმინდა დიონისეს მონასტერში. იქ ბერად აღიკვეცა და ოთხი წელი იცხოვრა მორჩილებით, სინანულით, ასკეზითა და ლოცვით. მონასტრის წინამძღვარ სტეფანეს ლოცვა-კურთხევით, წავიდა და დაბრუნდა ადრიანოპოლში, რათა ეწამა იმ ადგილას, სადაც რწმენა შეიცვალა. წარსდგა მოსამართლის წინაშე და, მას შემდეგ რაც რწმენითა და გაბედულებით აღიარა ქრისტე, უარყო მაჰმადიანობა. თურქებმა მახვილით სიკვდილით დასაჯეს და წამებისკენ მიმავალ გზაზე სულიერი სიხარულით გალობდა "ქრისტე აღდგა". ეს იყო 1818 წლის აღდგომის კვირის სამშაბათ დღეს, 16 აპრილს. ასე იღვაწა წმინდა ახალმოწამე ქრისტეფორემ და მიიღო უფლისგან დიდების უჭკნობი გვირგვინი.
ხატზე გამოსახულნი არიან დიონისეს მონასტერში მოღვაწე წმინდა მამები, მათ შორის წმინდა ქრისტეფორე, იხილეთ წყარო: СОБОР ДИОНИСИАТСКИХ СВЯТЫХ