წმინდა რომანოზის ხსენების დღეები: 6 იანვარი (ბერძნ.), ლაკონიის წმინდანთა კრებულში (ბერძნ.) და კონსტანტინოპოლის დაცემის შემდეგ წამებულ ახალმოწამეთა კრებულში (ბერძნ.)

წმინდა რომანოზი წარმოშობით იყო ლაკედემონის მხრიდან და მოღვაწეობდა კონსტანტინოპოლის ერთ-ერთ მონასტერში. მუსულმანური ცრურწმენის გაბედული მხილებისა და ქრისტეს რწმენის უარყოფაზე უარის თქმის გამო, თურქებმა მახვილით მოკვეთეს თავი 1695 წელს.

აგიოგრაფიულ წყაროებში არ არის რაიმე ბიოგრაფიული დეტალები ღირსი მოწამის ცხოვრების შესახებ. ამის გამო ღიად რჩება საკითხი მისი წარმოშობის ადგილის შესახებ.

კ. საფასის მიხედვით ("შუასაუკუნეების ბიბლიოთეკა", ტ. 3. გვ. 608), კონსტანტინოპოლის დაცემიდან 1811 წლამდე მოწამეთა შესახებ მოწმობების ჩამონათვალში, 1695 წლის 6 იანვარს მიეკუთვნება კონსტანტინოპოლში მღვდელმონაზონ რომანოზ ლაკედემონელის წამება.

ზოგიერთ მარტიროლოგში ნათქვამია, რომ წმინდანი მოვიდა დომინიციდან (დიმინიციდან) ლაკედემონიდან .

ევგენი (ვულგარისი) თავის ეპისტოლეში პიერ ლეკლერკისადმი "აღმოსავლეთის მართლმადიდებელი ეკლესიის წმინდანების შესახებ სქიზმის შემდეგ", წერს, რომ რომან ლაკედემონელი მოვიდა სტიმნიცის ტერიტორიიდან.

ჩამოთვლილი ტოპონიმები (დომინიცი, დიმინიცი და სტიმნიცა) აღნიშნულ პერიოდში ლაკონიის პროვინციისთვის უცნობია. დასახლება დიმინიცას ხსენება გვხვდება მხოლოდ პელოპონესის გარეთ, გრევენეს რაიონში, ხასიის მთებსა და მდინარე ალიაკმონს შორის. თუმცა, ლაკედემონის შესახებ მკაფიო აგიოგრაფიული ხსენებების გათვალისწინებით, ზემოხსენებული დასახლების წმინდანთან კავშირის აზრი უსაფუძვლოდ ითვლება.

ზოგიერთი მკვლევარი თვლის, რომ რომან ლაკედემონელის სამშობლო შეიძლება ყოფილიყო სტემიცა (ბერძ. Στεμίτσα-Στεμιτσιώτη), რომელიც მიეკუთვნებოდა დიმიცანის ეპარქიას არკადიაში. ასეთი ვარაუდის სასარგებლოდ მეტყველებს ის ფაქტი, რომ აღნიშნულ პერიოდში ლაკედემონიის მიტროპოლიის იურისდიქცია ვრცელდებოდა დიმიცანის ეპარქიაზე.