ღირსი მოწამე დამიანე ფილოთეელი, ათონელს, აგრაფელს, ლარისელს, კისავოსელი ეკლესია მოიხსენიებს ხსენება 14 თებერვალს (ბერძ.), 23 თებერვალს/07 მარტს (ბერძ.), ათონელ და ფილოთეელ (ბერძ., ფილოთეოს მონასტერი) წმინდანთა კრებულში, ევრიტანიის (ბერძ.) და თესალიის (ბერძ.) წმინდანთა კრებულში, ასევე კონსტანტინოპოლის დაცემის შემდეგ წამებულ ახალმოწამეთა კრებულში (ბერძ.)

წმინდა დამიანე დაიბადა სოფელ მირიხოვოში (ან რიხოვონი, ამჟამად აია-ტრიადა) აგრაფის მახლობლად საბერძნეთში დაახლოებით 1510 წელს ღვთისმოსავ მშობელთა ოჯახში.

ადრეული წლებიდანვე იზიდავდა მონაზვნური ცხოვრება. თავდაპირველად გაემგზავრა ფილოთეოს მონასტერში, სადაც ბერად აღიკვეცა. გარკვეული დროის შემდეგ დატოვა მონასტერი და სამი წელი იცხოვრა წმინდა მთაზე დუმილის მოყვარე და სასწაულმოქმედი წმინდა დომეტის ხელმძღვანელობით.

ერთხელ, მოისმინა რა ღვთაებრივი ხმა, რომელმაც აუწყა, რომ დამიანე უნდა შრომობდეს არა მხოლოდ საკუთარი სარგებლობისთვის, არამედ სხვათა სასარგებლოდაც, ბერმა დატოვა ათონი და მივიდა ოლიმპოს მთაზე, სადაც დაიწყო სინანულის ქადაგება. ის დაადანაშაულეს ადამიანთა ცთუნებაში და გაემგზავრა ლარისაში და კისავოსის მთის რაიონში.

ამის შემდეგ ის დაბრუნდა აგრაფში, სადაც დააარსა ყოვლადწმინდა ღვთისმშობლის პელეკიტის მონასტერი. არეულობების გამო მოგვიანებით მას მოუწია გადასახლება კისავოსის მთაზე, სადაც დააარსა იოანე ნათლისმცემლის თავისკვეთის მონასტერი, სადაც მოდიოდა მრავალი ქრისტიანი მისი ქადაგებებისა და სულიერი დარიგებების მოსასმენად. მონაზვნებთან ერთად რამდენიმე წლის ცხოვრების შემდეგ, წმინდა დამიანე გადასახლდა განმარტოებულ სენაკში მონასტრიდან ორი კილომეტრის დაშორებით, საიდანაც განაგრძობდა ბერებისა და მიმდებარე სოფლების მცხოვრებთა დამოძღვრას.

ერთხელ დამიანე მონასტრის საქმეების გამო წავიდა მეზობელ სოფელ ვულგარინაში. იქ მას თურქები თავს დაესხნენ. ქრისტიანთა "შეცდენის" ბრალდებით - ანუ ქრისტიანებისთვის მოწოდებით, რომ კვირაობით ვაჭრობა არ ეწარმოებინათ და თავიანთ რწმენაში მტკიცენი დარჩენილიყვნენ - ის ლარისის ოლქის მმართველთან მიიყვანეს. მას სცემეს, ბორკილები დაადეს და საპყრობილეში ჩააგდეს, სადაც 15 დღის განმავლობაში განაგრძობდნენ სასტიკ წამებას, აიძულებდნენ რა ქრისტეს უარყოფას. წმინდანი შეურყეველი დარჩა. საბოლოოდ მას სიკვდილი მიუსაჯეს ჩამოხრჩობით და შემდგომ სხეულის დაწვით. მაგრამ სიკვდილით დასჯის დროს თოკი გაწყდა და მოწამე ცოცხლად ჩააგდეს ცეცხლში, რის შემდეგაც ფერფლი მდინარე პენეიში ჩაყარეს. ეს მოხდა 1568 წელს.


ღირსი მოწამე დამიანე აღესრულა 14 თებერვალს. ეს დღე დღემდე რჩება მისი ძირითადი ხსენების დღედ. თუმცა, შესაძლოა შეცდომით, ღირსმა ნიკოდიმოს მთაწმინდელმა მიუთითა წმინდანის წამების თარიღად 23 თებერვალი, რის შემდეგაც ეს დღეც დაიწყეს მიუთითეს საეკლესიო კალენდრებში. XXI საუკუნის დასაწყისისთვის ელადის მართლმადიდებელი ეკლესიის ოფიციალურ ვებგვერდზე საეკლესიო კალენდარი მიუთითებდა ორივე ამ ხსენებას.