ქრისტიანების დევნის მეორე წელს იმპერატორმა დიოკლეტიანემ გამოსცა ედიქტი, რომლის ძალითაც მის ყველა ქვეშევრდომს ღმერთებისთვის მსხვერპლი ერთად უნდა შეეწირათ.
როცა ამ ამბავმა პალესტინის ქალაქ ღაზამდე მიაღწია, იქაურმა მმართველმა ურნაბმა ნეტარი ტიმოთეს შეპყრობა ბრძანა, რომელიც ცნობილი იყო მჭევრმეტყველებითა და უბიწო ცხოვრებით. დაკითხვისას წმინდანმა თავი ქრისტიანად ხმამაღლა აღიარა. წმინდა ტიმოთე საშინლად აწამეს და რადგან მისი რწმენა ვერ შეარყიეს, ნელ ცეცხლზე დაწვეს. მისი სხეული ქალაქის დასავლეთით დაფლეს. შემდგომში წმინდა ტიმოთე ღაზის მფარველად ითვლებოდა.
წმინდა ტიმოთესთან ერთად დაატყვევეს წმინდა აღაპი და წმინდა თეკლე. მათაც გაუძლეს ტირანის ზეწოლას, მაგრამ მხეცებისგან დაგლეჯა მიუსაჯეს. ორჯერ გაიყვანეს წმინდა აღაპი არენაზე, და მსაჯულმა ორივეჯერ უკან საპყრობილეში დააბრუნა, ან სიბრალულით, ანდა იმედი ჰქონდა, რომ წმინდანი დროთა განმავლობაში თავის რწმენაზე უარს იტყოდა. ორი წლის შემდეგ წმინდა აღაპი მაქსიმიანეს წინაშე მხეცებს მიუგდეს დასაგლეჯად. წმინდა თეკლა კი 304 წელსვე მომკვდარა.
..................
წმინდა მოწამენი ევტიქიანე და სტრატიგიოსი - 19 აგვისტო (01 სექტემბერი)
ეს წმინდანები ცეცხლში დაწვეს ქრისტეს სიყვარულისთვის. მათ ბიზანტიური სვინაქსარი მოიხსენიებს.
- მთავარი
- ჩვენ შესახებ
- ეკლესია
- ქრისტიანული ცხოვრება
- რწმენა
- წმინდანები
- სხვადასხვა
- ახალი ამბები
- დიასახლისის გვერდი
- სწავლებანი
- ერისკაცობიდან მღვდლობამდე
- ქრისტიანული საიდუმლო
- ქრისტიანული სიმბოლიკა
- ცოდვა
- ისტორია
- ანგელოზები
- ამბიონი
- კითხვა-პასუხი
- ეს უნდა ვიცოდეთ
- ცრუ მოძღვრებები
- სხვა რელიგიები
- სხვადასხვა
- მკითხველის გვერდი
- ეპისტოლენი, ქადაგებები
- ნამდვილი ამბები
- სასწაულები
- წაუკითხეთ პატარებს
- ჩემი სოფელი
- ქართული გვარები
- ქართული ანბანი
- რელიგიურ-ფილოსოფიური ლექსიკონი
- წმინდა წერილი
- წიგნები
- ლოცვანი
