წმინდა მოწამენი: ქრისტეფორე, კალენიკე, აკილინა და ორასი მეომარი (დაახლოებით 250 წელი) - 09 (22) მაისი
წმინდა მოწამენი: ქრისტეფორე, კალენიკე, აკილინა და ორასი მეომარი (დაახლოებით 250 წელი) - 09 (22) მაისი
დეციუსის მმართველობის მეოთხე წელიწადს, 251 წელს, მისი მეომრები რომელიღაც აღმოსავლურ ქალაქში შეიჭრნენ, იქაური ქრისტიანები შეიპყრეს და საზარელ სატანჯველს მისცეს.

მეომართაგან ერთ-ერთი, ტომით-ბარბაროსი, სახელად-რეპროვი, ძალზე ახოვანი, მაგრამ შეუხედავი, ამ სანახაობამ ძლიერ შეძრა. იმ დრომდე არც ქრისტიანებთან ურთიერთობის საშუალება ჰქონია და არც-მათი ენა ესმოდა, მაგრამ მუხლნი მოიდრიკა და ღვთის წინაშე გულითადად ილოცა.

ამ დროს მის ბაგეებს ანგელოსი შეეხო და რომაელთა ენაზე აამეტყველა.

რეპროვი რომში შევიდა და ქრისტეს ქადაგება, მორწმუნეთა მდევნელების მხილება და ყვედრება იწყო.

ამ დროს ვინმე ბაკხოსი ეცა და სახეში ხელი უთავაზა, თუმცა, რეპროვს წარბიც არ შეუხრია, ისე უპასუხა:

-შენს მუშტებს ოდენ ქრისტეს მცნებათადმი მორჩილების გამო ვიტან, მაგრამ თუ ჩემს რისხვას პირს მოვხსნი, წინ თქვენი გარყვნილი სამეფოც კი ვერ აღმიდგებაო!

ამის გამგონე იმპერატორმა მეამბოხის შესაპყრობად ორასი მეომარი გაგზავნა. დიდხანს ეძებეს რეპროვი და ბოლოს ერთ ტაძართან მუხლმოყრით მლოცველს წააწყდნენ. გოლიათს მახვილი გვერდით, მიწაში ჩაერჭო, რომელიც სასწაულებრივად გაყვავებულიყო.

წმინდანმა მოსანათლად მცირე დრო ითხოვა, ხოლო მეომართათვის უფლის ძალმოსილების დასამოწმებლად მათი საგზალი განამრავლა, რის შემდგომაც უკლებლივ ყველა მეომარი მოიქცა და რეპროვთან ერთად ანტიოქიას გასწიეს, სადაც წმინდა ბაბილამ ყველა მონათლა.

რეპროვმა სახელად ქრისტეფორე მიიღო, რაც-ქრისტეს მტვირთველს ნიშნავს.

როდესაც წმინდა მოწამე იმპერატორს წარუდგა, მისი გარეგნობით ზარდაცემულმა ხელმწიფემ გონი დაკარგა, სული რომ მოითქვა, მისი დარწმუნება სცადა,-ქრისტე უარყავ და ისევ გადმოჩვენიანდიო!

იმპერატორმა, რომელმაც კარგად უწყოდა, ქრისტეფორეს ფიზიკურად ვერაფრით დააშინებდა, ორი მეძავი,-კალენიკე და აკილინა მიუგზავნა, რომელთაც ნეტარი ჯერ უნდა ეცთუნებინათ, შემდეგ კი-კერპთა თაყვანისცემაზე დაეყოლიებინათ.

მაგრამ ყველაფერი სხვაგვარად აღსრულდა:-ქრისტეფორემ იქით მოაქცია ქალები, რომელთაც ყოველი შეინანეს და მომდევნო დღეს მსაჯულის წინაშე დაამოწმეს,-ქრისტიანები ვართო!

გაცოფებულმა დეციუსმა მაშინვე ბრძანა:-ორივე თმით ჩამოკიდეთ, ფეხებზე კი მძიმე ქვები მიაბითო!

აკილინა 1 აპრილს აღესრულა. ერთი დღის შემდგომ კალენიკემ მსაჯულს თავი მოაჩვენა,-თქვენს მუქარას დავყევი და წარმართუ ტაძარში მიმიყვანეთ და ზევსის გამოსახულება მიჩვენეთო, შემდეგ კერპს თავისი ქამარი შემოახვია, ძალა მოიკრიბა და ძირს დასცა.

ჰერკულესისა და აპოლონის ქანდაკებებსაც იგივე ბედი ეწიათ, რის შემდგომაც მოწამებრივად აღესრულა.

ხუთი დღის შემდგომ გამწარებულმა ტირანმა ჯავრი ქრისტეფორეს მიერ გაქრისტიანებულ მეომრებზე იყარა,-ჯერ თავები წააცლევინა, შემდეგ-სხეულები ქალაქგარეთ დააყრევინა, მარამ, ღვთის წყალობით, არც ერთი მათგანი არ დაზიანებულა და ქრისტიანებმა პატივით მიაბარეს მიწას.

თუმცა, ჯავრის ჩასაცხრობად დეციუსმა ეს არ იკმარა:-მთავარ "დამნაშავეს",-ქრისტეფორეს უარესი სატანჯველი განუმზადა:-გავარვარებულ სპილენძის ჭურჭელში გამოკეტა და ცეცხლი შეუგზნო, თუმცა, მარტვილი დამწვრობას ვერც გრძნობდა.

ამის მხილველმა ათასზე მეტმა წარმართმა ერთხმად იყვირა:

-დიდია ქრისტიანთა ღმერთი! შემდეგ მოწამის ფერხთით დაემხნენ და შესთხოვეს:

-ჭეშმარიტად შეგჰერის ეგ სახელი, ქრისტეფორე, რამეთუ, გულით ქრისტეს ატარებ და მისთვის ტანჯვა არად გიღირს!

ცეცხლმოდებული მარტვილი თავისი მადლმოსილი სიტყვით განუმარტავდა ახლადმოქცეულთ ღვთის სიტყვას, რომელთაც ქრისტეფორე გაათავისუფლეს.

თუმცა, მომდევნო დღეს დეციუსმა წარმართული დღესასწაული მოიმიზეზა და ყველა იმ ქრისტიანის დასჯა ბრძანა, ვინც კერპთათვის მსხვერპლის შეწირვაზე უარი თქვა, ქრისტეფორე წისქვილის მძიმე ქვაზე მიაბა და ჭაში ჩააგდებინა, საიდანაც წმინდა მამა ღვთის ანგელოსმა აღმოიყვანა.

შემდეგ გავარვარებული რკინის ჯავშანი ჩააცვეს, მაგრამ ქრისტეფორეს ტკივილი არ უგრძვნია, 9 მაისს კი მას თავი წარკვეთეს.

მოკლე ხანში მისი წმინდა სხეული ატალელმა მღვდელმთავარმა გამოისყიდა და თავის ქალაქში გადააბრძანა.


ტროპარი: სამოსლითა სისხლითა მიერ შენთა შემკობილთა შუენიერად მდგომარე ხარ შენ წინაშე მეუფისა ძალთასა, ქრისტეფორე, მარადის სახსენებელო, და შენცა უხორცოთა თანა და მოწამეთა გუნდსა უგალობ სამწმინდათა და საშინელითა ტკბილითა მით ხმითა; ამისთვისცა მეოხებითა შენითა აცხოვნე სამწყსო შენი.

კონდაკი: მაღლით ბრძენო, მადლისა მომღებელმან ქრისტეს ღმრთისა თანა მოსახლე იქმენ, ქრისტეფორე დიდებულო, მოღუაწეთა საღმრთო სამკაულო, რომელთა თანა მეოხ გუეყავ შეცოდებათაგან ხსნისა მონიჭებად ჩუენდა.

* * *

ხსენება მღვდელმოწამისა დიმიტრისა, ვოსკრესენსკისა (1938 წელი), პრესვიტერისა, მღვდელმოწამისა ვასილი კოლოსოვისა (1939 წელი), პრესვიტერისა

ბეჭდვაელფოსტა
კომენტარი არ გაკეთებულა
სხვა სიახლეები
26.03.2024
წმინდა პეტრე წარმოშობით პელეპონისიდან იყო ქალაქ ტრიპოლიციდან. უცნობია თურქებმა თუ რა საბაბით შეიპყრეს იგი.
17.10.2023
ღვთის ეს რჩეული მცირე აზიის ქალაქ ატალიიდან (თანამედროვე ანტალია) გახლდათ, მშობელთა გარდაცვალების შემდგომ მთელი ქონება გლახაკთ დაურიგა,
17.10.2023

ეს წმინდა დედა, ზოგიერთი წყაროს მოწმობით, მეოთხე საუკუნის პირველ ნახევარში ცხოვრობდა და არტემიდას ტაძრის ქურუმი იყო.

17.10.2023
ეს ღირსსაკვირველი მოღვაწე III საუკუნეში ცხოვრობდა და ორიგენეს მოწაფე გახლდათ, 231 წელს კი ალექსანდრიის სახელგანთქმულ სკოლას ჩაუდგა სათავეში.
17.10.2023
წმინდა ქალწული კილიკიაში დიოკლეტიანეს ზეობისას ცხოვრობდა და ერთ კაცს, სახელად კლავდიუსს ემსახურებოდა.
26.09.2023
ცოტა რამ ვიცით წმინდა თერაპონტეს ცხოვრების შესახებ. წმინდა ანდრია კრიტელს კონსტანტინოპოლში,
24.09.2023
წმინდა სილუანე წარმოშობით ღაზის გარეუბნიდან იყო და თავიდან მეომრად მსახურობდა. შემდეგ მიწიერი მეომრობა დაუტევა
24.09.2023
წმინდა ნაზარი რომში დაიბადა. მამა ებრაელი ჰყავდა, დედამისი, პერპენტუა, ქრისტიანი იყო: ის თვით პეტრე მოციქულმა მონათლა.
21.09.2023
წმინდა პაფნუტი ტომით ეგვიპტელი იყო. იმპერატორ დიოკლეტიანეს მიერ გამოცხადებული ქრისტიანთა დევნისას განმგებელმა არიალემ ბრძანა,
14.09.2023
ეს ახოვანი მოღვაწე დაახლოებით 283 წელს, ნუმერიანეს ჟამს იშვა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
საქართველოს ეკლესია სამოციქულოა. გადმოცემის მიხედვით, სულთმოფენობის შემდგომ, როცა მოციქულებმა წილი ჰყარეს და სხვადასხვა ქვეყანაში წავიდნენ საქადაგებლად, საქართველო ყოვლადწმიდა ღვთისმშობელს ერგო

casino siteleri 2023 Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eşya depolama istanbul-depo.net papyonshop.com beşiktaş sex shop şehirler arası nakliyat ofis taşıma kamyonet.biz.tr malatya temizlik shell aspx shell umitbijuteri.com istanbul evden eve nakliyat

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canlı casino malatya ara kiralama

casino siteleri bedava bonus bonus veren siteler bonus veren siteler