წმინდა ახალმოწამე იოანე მენავე წარმოშობით კოსიდან იყო. მუსლიმანებმა შეიპყრეს და ძალით ჯერ რაღაც გონის წამრთმევი სასმელი შეასვეს, შემდეგ კი თავიანთი წესისამებრ, წინადაცვითეს. როდესაც მიხვდა, რომ წინადაცვეთილი იყო და თურქული სამოსი ეცვა, დიდი მწუხარება იგრძნო და ეს სამოსი გაიხადა, შემდეგ კი ისევ ქრისტიანულად ცხოვრობდა, როგორც ადრე. მაშინ თურქებმა შეიპყრეს მოწამე და უწყალოდ გაროზგეს, შემდეგ კი საპყრობილეში ჩააგდეს. ცდილობდნენ რა მის თავიანთ რწმენაზე დაბრუნებას, ისმენდნენ მის აღსარებას, რომელიც ამბობდა: "მე მწამს ჩემი უფალი იესო ქრისტე და მას ვაღიარებ ჭეშმარიტ ღმერთად მთელი ჩემი სულითა და გულით. თქვენს სარწმუნოებას კი უარვყოფ და მზად ვარ ავიტანო ნებისმიერი წამება, რასაც მომაყენებთ ჩემი ქრისტეს სიყვარულისთვის". მწამებლებმა რომ დაინახეს მოწამის შეუცვლელი აზრი და მტკიცე რწმენა, იგი მსაჯულთან წარადგინეს, რომელმაც ბრძანა მისი ცემა და შემდეგ ცოცხლად დაწვა. წმინდა იოანე სიხარულით თავად ავიდა კოცონზე. ეს მოხდა 1669 წლის 8 აპრილს კუნძულ კოსზე. ზოგიერთი წყარო მოწამის აღსრულებას 1689 წლით ათარიღებს.

მოწამე იოანეს მოკლე ცხოვრება შეტანილია წმინდა ნიკოდიმოს ათონელის "ახალ მარტვილოლოგიონში", ხოლო საგალობელი შეადგინა ბერმა გერასიმე მიკრაიანნიტმა. ახალმოწამის პატივსაცემად ხელახლა იქნა ნაკურთხი წმინდა იოანე ნათლისმცემლის ეკლესია კუნძულ კოსზე.