ქედს ვიხრი იმ მამების წინაშე, რომელთა ზურგზეც გადაიარა იმ წლების სიმძიმემ
ქედს ვიხრი იმ მამების წინაშე, რომელთა ზურგზეც გადაიარა იმ წლების სიმძიმემ
ხმა ჭყონდიდის ეპარქიიდან
მამა სერაფიმე (დანელია) სალხინოს დადიანების კარის ღვთისმშობლის შობის ეკლესიაში მსახურობს. ჰყავს მეუღლე და შვიდი შვილი. მამა სერაფიმეს მეუფე გიორგის (შალამბერიძის) რჩევით ვეწვიეთ და ჭყონდიდის ეპარქიის დღევანდელობაზე ვესაუბრეთ.

- ეპარქიის აღორძინება 1988 წლიდან დაიწყო. ათეული წლების განმავლობაში დედაეკლესიამდე ხალხის მიყვანა უმძიმესი საქმე იყო. ქედს ვიხრი იმ მამების წინაშე, რომელთა ზურგზეც გადაიარა იმ წლების სიმძიმემ. განსაკუთრებით მინდა აღვნიშნო არქიმანდრიტ იოაკიმეს (ასათიანის) ღვაწლი, რომელმაც ურთულეს პირობებში შეძლო მარტვილში სულიერი ცხოვრების აღორძინება. მისი ძალისხმევით გადაიხურა მონასტერი, გაუქმდა ამავე ტერიტორიაზე აშენებული რესტორანი და აბანო.

ეპარქიის დღევანდელი დღე ჭყონდიდელი მიტროპოლიტის გიორგის (შალამბერიძის) მოღვაწეობას (1990 წლიდან) უკავშირდება. ამჟამად ეპარქია მარტვილისა და აბაშის რაიონებს მოიცავს. მოქმედებს 17 ეკლესია. მათ შორის აღსანიშნავია მარტვილის საკათედრო ტაძარი, აბაშის, სუჯუნის წმინდა გიორგის სახელობის ეკლესია, დადიანების კარის ყოვლადწმიდა ღვთისმშობლის შობის ეკლესია სალხინოში, სოფელ ნაჯახაოს მთავარანგელოზის ეკლესია, სადაც უხსოვარი დროიდან შვილიერებისათვის ლოცულობენ (სახალხო დღესასწაული "წაჩხურობა" აღესრულება აღდგომის ხუთშაბათს). ასევე ალერტის წმინდა გიორგის ეკლესია და სხვა.

- რამდენი სასულიერო პირი მსახურობს ჭყონდიდში?

- ეპარქიაში ათი მღვდელმსახურია, რომელთა შორის მინდა მადლიერებით მოვიხსენიო ჩვენი ეპარქიის ერთ-ერთი პირველი მოძღვარი, მარტვილის საკათედრო ტაძრის მღვდელმსახური დეკანოზი გოჩა.

- მამაო, სამონასტრო ცხოვრება თუ არის თქვენთან?

- ეპარქიაში ახლახან გაიხსნა დედათა მონასტერი. აღდგა და გამშვენდა მრავალი ტაძარი. აშენდა ოთხი ეკლესია. ბევრიც გასაკეთებელია. ჩვენ უპირველეს საქმედ სამონასტრო და სასულიერო-საგანმანათლებლო ცხოვრების აღდგენა უნდა ვაქციოთ.

- მამაო, უპრობლემოდ არავინ ცხოვრობს. პრობლემები თუ გაქვთ ეპარქიაში?

- რა თქმა უნდა, გვაქვს, განსაცდელებიც, მაგრამ, მადლობა უფალს, მათი დათმენის გარეშე ხომ არც გამოცდილება გვექნება, არც ცოდვათა მოტევება და არც გვირგვინი.

- როგორ გახდით მოძღვარი?

- დავიბადე მარტვილში, პედაგოგის ოჯახში. აღვიზარდე ათეისტურ გარემოში. დავამთავრე თბილისის სახელმწიფო უნივერსიტეტის ფილოსოფიის ფაკულტეტი. ასპირანტი ვიყავი, როდესაც, ცხოვრებისეული დაბრკოლებების ჟამს, პირველად წავიკითხე სახარება. ეს სასწაული იყო. იმ ერთი კვირის განმავლობაში, არ მახსოვს, საერთოდ თუ მეძინა ან საკვებს თუ ვიღებდი. მაშინ მე ყველაფერი ერთად განვიცადე: გამუდმებით, მთელი სიცხადით ვგრძნობდი ჩემთან უფლის მყოფობას, მის უსაზღვრო, უპირობო სიყვარულს და საკუთარ ცოდვილობას. ვგრძნობდი იმას, რასაც მამის მკლავებში მოქცეული ძე შეცდომილი განიცდიდა. დიდება უფალს იმ დღეებისთვის. მერე დიდი მარხვის ბოლო დღეები გავატარე მარტვილის მონასტერში, სადაც ჩემი მოძღვარი მონასტრის ტიბიკონით აღასრულებდა ვნების კვირის ლოცვებს და მეტანიებს.

დავტოვე თბილისი, ასპირანტურა და დავუბრუნდი მარტვილს. ერთ წელიწადში, ჩემთვის მოულოდნელად, მაკურთხეს დიაკვნად, მცირე ხანში - მღვდლად.

მკვდრეთით აღდგომილმა უფალმა აღადგინოს, აღამაღლოს და გაამთლიანოს ჩვენი საქართველო, ამინ!
ბეჭდვაელფოსტა
კომენტარი არ გაკეთებულა
სხვა სიახლეები
30.05.2014
რუბრიკის სტუმარი მოციქულთა თავთა პეტრესა და პავლეს სახელობის ტაძრის წინამძღვარი, დეკანოზი არჩილი (მინდიაშვილი) გახლავთ. ქართველი საზოგადოება მას კარგად იცნობს როგორც მჭევრმეტყველ მქადაგებელსა და ამაგდარ მოძღვარს.
03.09.2009
ჩვენი სტუმარი გახლავთ წმინდა მთავარანგელოზ მიქაელის სახელობის ტაძრის მღვდელმსახური, ფილოსოფიის მეცნიერებათა დოქტორი, მამა კახაბერ კურტანიძე.
28.05.2009
ლიახვისპირელებს ისევ და ისევ ეკლესია აერთიანებს
აგვისტოს მძიმე და შფოთიანმა დღეებმა ყველა ქართველის გულში ღრმა და მოუშუშებელი იარა დატოვა. "მიუხედავად იმისა, რომ ბობოქარი და უფერული დღეები გვაქვს, თითოეული ჩვენგანი ისე ვცხოვრობთ, როგორც გვწამს ღმერთი:
02.04.2009
მაინც მჯერა, რომ გამოჩნდებიან ადამიანები, რომელთა გამოც გადაარჩენს უფალი საქართველოს
ჩვენი სტუმარი გახლავთ ტაბახმელის ყოვლადწმინდა ღვთისმშობლის სახელობის ტაძრის მღვდელმსახური, მამა ლევან კუტივაძე
19.02.2009
რუბრიკის სტუმარი გახლავთ ნარიყალის წმინდა ნიკოლოზის ტაძრის მღვდელმსახური ზაქარია მარგალიტაძე.
21.08.2008
რუბრიკის სტუმარია დიდუბის წმინდა გიორგის სახელობის ტაძრის წინამძღვარი დეკანოზი ანტონ ხანთაძე:
24.07.2008
ადამიანი მუდამ ღმერთთან უნდა იყოს, მთელი შეგნებით, და ამას იძულებით კი არა, სიყვარულით უნდა იქმოდეს
ამჯერად ჩვენი რუბრიკის სტუმარი გახლავთ დეკანოზი ზაქარია გოჩიტაშვილი
10.07.2008
ჩვენი სტუმარი გახლავთ ჭყონდიდის ეპარქიის აბაშის რაიონის სოფელ გულეკარის წმინდა გიორგის ეკლესიის წინამძღვარი, დეკანოზი კონსტანტინე კაჭარავა.
01.05.2008
სასულიერო პირის მნიშვნელობასა და ფუნქციაზე უწმინდესი და უნეტარესი, სრულიად საქართველოს კათოლიკოს-პატრიარქი ილია მეორე წერს: "მღვდლობა მოძღვრობაა.
03.04.2008
რუბრიკის სტუმარი გახლავთ ყოვლადწმინდა სამების საკათედრო ტაძრის მღვდელმსახური, დეკანოზი იაკობ აბაშიძე.

- ჩემი წინაპრები უბისელი აბაშიძეები იყვნენ.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
ჟურნალი
ჟურნალის ბოლო ნომრები:
უფლის კვართის ამბავი
ძველი აღთქმის მღვდელს ეფოდთან, წამოსასხამსა და სხვა შემოსამოსელთან ერთად აუცილებლად ნაქსოვი კვართიც უნდა სცმოდა. იცოდა ეს ყოვლადწმიდა ღვთისმშობელმა და ამიტომაც ყრმა იესუს, მომავალ "მღვდელმოძღვარს წესსა ზედა მელქისედეკისასა", კვართი მოუქსოვა.