წმინდა ლევკიოს აღმსარებელი, ვრუნტისიოპოლელი ეპისკოპოსი (V) - 20 ივნისი (3 ივლისი)
წმინდა ლევკიოს აღმსარებელი, ვრუნტისიოპოლელი ეპისკოპოსი (V) - 20 ივნისი (3 ივლისი)
წმინდა ლევკიოსი (ერისკაცობაში ევტროპი) დაიბადა ალექსანდრიაში, ღვთისმოშიში ქრისტიანების - ევდოკისა და ევფროსინიას ოჯახში. ევტროპი 11 წლისა იყო, როცა დედა გარდაეცვალა. მამა წმინდა ერმის სახელობის მონასტერში მონაზვნად აღიკვეცა და ვაჟიც თან წაიყვანა სავანეში.
ყმაწვილი აქ იღუმენი ნიკიტას და მონასტრის სხვა გამოცდილი მამები სულიერი ხელმძღვანელობით იზრდებოდა. ყრმა ძალზე ნიჭიერი აღმოჩნდა, მან კარგად შეისწავლა საღვთო წერილი. ევტროპი მშვიდი, თავმდაბალი და მორჩილი ყმაწვილი იყო.

როცა ევტროპი 18 წლის გახდა, იმ წელს იღუმენი ნიკიტა გარდაიცვალა. მონასტრის ძმებმა იღუმენად ერთსულოვნად ევტროპი აირჩიეს, თუმცა ის იმ დროს მონაზვნად არ იყო აღკვეცილი. ევტროპი მტკიცე უარზე დადგა, რადგან თვლიდა, რომ უღირსი იყო, ვინმესთვის ეხელმძღვანელა. წმინდა ერმის მონასტერი შვიდი წელი უწინამძღვროდ დარჩა. ამ წლების მანძილზე ევტროპიმ მონაზვნურ ღვაწლში სულიერი ცხოვრების მაღალ საფეხურს მიაღწია. თუმცა ძმების მრავალგზის თხოვნისა, მონასტრის წინამძღვრობაზე უარს აცხადებდა.

ერთხელ, ღვთისმშობლის მიძინების დღესასწაულზე, ევდოკიმ თავის ოცდახუთი წლის ვაჟთან ღვთისმშობლის მიძინების დღესასწაულზე ალექსანდრიის მახლობლად მდებარე ღვთისმშობლის ტაძარში წასვლა გადაწყვიტა. დღესასწაულს ესწრებოდა ელიოპოლისის ეპისკოპოსი ელი, სამღვდელო დასთან ერთად. იმავე დროს მან მოინახულა მონასტერი, რომელსაც იღუმენი თეოდორე ხელმძღვანელობდა. სწორედ ამ მონასტერში გაჩერდნენ ევდოკი და მისი ვაჟი. შუაღამისას ევდოკის გამოცხადება ჰქონდა, უფალმა აუწყა, რომ ის მალე გარდაიცვლებოდა, ხოლო მისი შვილი ეპისკოპოსი გახდებოდა, ქრისტეს ნათლით გაანათლებდა იტალიის ქალაქ ვრუნტისიოპოლსა და მის შემოგარენს. გამოცხადებისას ევტროპის ახალი სახელიც უწინასწარმეტყველეს - ლევკიოსი, რაც ნიშნავს "სული ღვთისა სუფევდეს მას ზედა". ევდოკიმ ხილვის შესახებ ვაჟს მოუთხრო და ერთად ადიდეს ღმერთი. ამ დროს, როცა ევდოკის გამოცხადება ჰქონდა, მონასტერში ღამისთევის ლოცვაზე მყოფ ეპისკოპოს ელის ზეციდან ხმა მოესმა, რომელიც ლევკიოსს მღვდელმთავრის ღვაწლზე აკურთხებდა. თუმცა კი ვერ მიხვდა, ვის ეხებოდა.

ამ დროს ეპისკოპოსთან ერმის მონასტრის ბერები მივიდნენ და დაჟინებით სთხოვეს, ევტროპი სავანის იღუმენად დაედგინა. ეპისკოპოსს მანამდეც სმენოდა ევტროპის შესახებ და ბერებს უთხრა, - მაცალეთ, ეკლესიაში წირვაზე მივალ და დავარწმუნებ, თქვენი წინამძღვარი გახდესო. წირვის წინ ეპისკოპოსის დავალებით მთავარდიაკვანმა სამჯერ დაიძახა: აქ მყოფთაგან ვინ არის ლევკიოსიო. არავინ გამოეხმაურა, ამ დროს ევტროპი გამოეყო ხალხს და უთხრა:

- მე ვარ ცოდვილი ლევკიოსი.

- კი მაგრამ, შენ ხომ ევტროპი ხარ, ევდოკის ძე.

- ეგ მამაჩემს ჰკითხეთ, ის ჩემზე უკეთ გეტყვით ჩემს სახელზეო.

მაშინ მოუხმეს მონაზონ ევდოკის, რომელიც მაშინ 97 წლისა იყო. მან აღარ დამალა და მოუთხრო ხილვის შესახებ. ეს რომ გაიგონეს, დიდად გაიხარეს იქ მყოფებმა. ეპისკოპოსმა ელიმ ევტროპის სთხოვა, წინამძღვრად კურთხევას დათანხმებოდა.

მოსაგრეს თავი უღირსად მიაჩნდა და უარობდა, მაგრამ ეპისკოპოსის ნებას წინ ვერ აღუდგა. მას ჯერ მღვდლად ხელი დაასხეს, შემდეგ კი წინამძღვრადაც აკურთხეს. ამის მერე კი ყველამ ერთად იდღესასწაულა ღვთისმშობლის მიძინების დღესასწაული.

ამ დროიდან მოყოლებული ლევკიოსმა კიდევ უფრო გააძლიერა ღვაწლი, რისთვისაც უფალმა სასწაულქმედებისა და ბოროტ სულთა განსხმის მადლი უბოძა. ერთხელ ეშმაკმა უზარმაზარი გველის სახე მიიღო და უახლოესი დაბის მრავალი მცხოვრები მოაკვდინა. წმინდა მოსაგრე სასწრაფოდ გაემართა ხალხის დასახმარებლად და გაათავისუფლა ისინი ეშმაკის კლანჭებისგან. ეს რომ იხილა იმ ადგილის წარმართმა მოსახელობამ, დაახლოებით ხუთი ათასმა კაცმა, ქრისტე იწამა და მოინათლა.

სწორედ ამ პერიოდში მოწამებრივად აღესრულა ალექსანდრიელი ეპისკოპოსი ფილიპე და მის ნაცვლად ლევკიოსი აირჩიეს. ეპარქმა სატურნინმა როცა დაინახა, რომ ეკლესიის წმინდა წინამძღვარი მრავალ კერპთაყვანისმცემელს მოაქცევდა ქრისტიანობაზე, მისი მოკვლა გადაწყვიტა. ხალხი დაირაზმა საყვარელი მღვდელმთავრის დასაცავად, მათ ეპარქის მოკვლა გადაწყვიტეს. წმინდანმა მათ ამის გაკეთება აუკრძალა. წმინდა ლევკიოსმა სამწყსოს განუცხადა, რომ უფალმა მას წარმართულ ქვეყანაში გამგზავრება და ქალაქ ვრუნტისიოპოლის და მის გარშემო სოფლების გაქრისტიანება უბრძანა.
წმინდა მღვდელმთავარმა თავისი ტახტი ღირსეულ ეპისკოპოსს დაუთმო, თან გაიყოლა დიაკვნები - ევსები, დიონისე, კიდევ ხუთი მოწაფე და იტალიისკენ მიმავალ ხომალდზე ავიდა. გზაში მათ შეუერთდნენ მღვდლები - ლეონი და საბინი. ვრუნტისიოპოლის გზაზე წმინდანი შეხვდა ტრიბუნ არმალეონს და ის თავის 67 მხედართან ერთად ქრისტიანობაზე მოაქცია. ქალაქში შესულმა წმინდა ლევკიოსმა განაგრძო უფლის სიტყვის ქადაგება. ქალაქის თავმა ანტიოქემ შეიტყო, რომ ტრიბუნი არმალეონი გაქრისტიანდა, თავისთან იხმო და დიდხანს ესაუბრა ქრისტეს მოძღვრებაზე. მისგანვე შეიტყო წმინდა ლევკიოსის შესახებ და მისი ნახვა მოისურვა. შეხვედრისას მმართველმა წმინდანს უთხრა: "თუ გსურს, შენგან ქადაგებული ღმერთი ვირწმუნოთ, შესთხოვე მას, მოგვივლინოს წვიმა, რომელიც ორი წელია არ გვინახავს". წმინდანმა შეკრიბა ღვთისმსახურები, ყველა ახალმოქცეული ქრისტიანი და მათთან ერთად მხურვალე ლოცვა აღავლინა ყოვლისშემძლე მეუფის მიმართ. რომლის შემდეგაც კოკისპირული წვიმა წამოვიდა და დაალბო გამომშრალი და დამსკდარი მიწა. ამ სასწაულის მოწმე ანტიოქემ და ვრუნტისიოპოლის მთელმა მოსახლეობამ (27 000 კაცმა) ნათელ-იღო. ამ მოვლენის სახსოვრად ღვთისმშობლის სახელობის ტაძარი ააგეს, იმ ადგილას კი, სადაც ხალხი მოინათლა, მეორე ეკლესიაც აღმართეს – წმინდა იოანე ნათლისმცემლის სახელობისა.

მალე მღვდელმთავარი დასნეულდა. უფალმა გამოცხადებით აუწყა წმინდანს, რომ სნეულება სასიკვდილო იყო. მან უხმო თავის სულიერ შვილს, ანტიოქეს და სთხოვა, იქ დაესაფლავებინათ, სადაც ალექსანდრიიდან მოსული ხომალდი მოადგა ნაპირს. ანტიოქემ შეასრულა მოძღვრის ანდერძი და იმ ადგილზე წმინდა ლევკიოსის სახელობის ტაძარი ააშენა. სადაც გადაასვენა გარდაცვლილი მღვდელმთავრის სხეული, რომელთანაც მრავალი სასწაული აღესრულებოდა.

ბეჭდვაელფოსტა
კომენტარი არ გაკეთებულა
სხვა სიახლეები
17.07.2021
ეკლესიას ყოველთვის ჰყავს და ეყოლება მნათობნი, რომელთაც ისეთი ნაშრომი დატოვეს ან იმგვარი რამ მოიმოქმედეს, რომ მათ სახელებს მსოფლიო ეკლესია საუკუნოდ, ვიდრე მეორედ მოსვლამდე, შემოინახავს.
03.07.2021
წმინდა პაისი დიდად წუხდა, რომ თანამედროვე განმაახლებლებმა შეუტიეს ბერძნულ ეკლესიას და მის დასაყრდენს, მართლმადიდებლურ ოჯახს.
03.07.2021
1988 წელს საბერძნეთში დიდი მღელვარება გამოიწვია მარტინ სკორსეზეს ფილმის, "ქრისტეს უკანასკნელი ცდუნების" ჩვენებამ, რომელიც მწერალ კაზანძაკისის წიგნის მიხედვით არის გადაღებული.
02.07.2021
წმინდა გლები უმცროსი ვაჟი იყო კეთილმსახური თავადის, წმინდა ანდრია ბოგოლიუბსკისა.
02.07.2021
წმინდა ნიკოლოზი 1322 წელს დაიბადა თესალონიკში ხამატების ოჯახში, თუმცა შემდგომში დედის უძველესი გვარი - კავასილა მიიღო.
02.07.2021
წმინდა კალისტე XIII-XIV საუკუნეების მიჯნაზე ცხოვრობდა. თავიდან ის ათონის მთაზე, დიდ ლავრასა და ივერონში მოსაგრეობდა, შემდეგ კი მაგულას სკიტში, წმინდა გრიგოლ სინელს დაემოწაფა.
02.07.2021
წმინდა კალისტე XIII-XIV საუკუნეების მიჯნაზე ცხოვრობდა. თავიდან ის ათონის მთაზე, დიდ ლავრასა და ივერონში მოსაგრეობდა, შემდეგ კი მაგულას სკიტში, წმინდა გრიგოლ სინელს დაემოწაფა.
02.07.2021
წმინდა ნაუმი  წმინდა კირილესა და მეთოდეს მოწაფე და წმინდა მღვდელმთავარ კლიმენტი ოქრიდელის თანამოღვაწე გახლდათ.
02.07.2021
წმინდა ლევკიოსი (ერისკაცობაში ევტროპი) დაიბადა ალექსანდრიაში, ღვთისმოშიში ქრისტიანების - ევდოკისა და ევფროსინიას ოჯახში.
02.07.2021
წმინდა იობი (ერისკაცობაში იოანე) XVI საუკუნის 30-იან წლებში დაიბადა ტვერის გუბერნიაში. ყრმა იოანე მამამ აღსაზრდელად სტრარიცკის მიძინების მონასტერში მიიყვანა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
ჟურნალი
ჟურნალის ბოლო ნომრები:

depolama istanbul evden eve nakliyat fabrika taşımacılığı eşya depolama ofis taşıma bostancı nakliyat skdar nakliyat ehirler aras nakliyat ehirler aras nakliyat cretleri ehirler aras nakliyat

restbet restbet tv restbet giriş restbet restbet güncel restbet giriş restbet restbet giriş restizle betpas betpas giriş pasizle betpas betpas giriş pasizle iskambil oyunları rulet nasıl oynanır blackjack nasıl oynanır