წმინდა ეტა ახალგაზრდა ასაკში შევიდა ცნობილ ლინდისფარნის მონასტერში, სადაც იმ დროს იღუმენი იყო წმინდა აიდან ლინდისფარნელი. მოგვიანებით ის გახდა ამ მონასტრის წინამძღვარი, რომელიც მხარის სულიერი ცენტრი იყო იმ დროს, როდესაც 664 წლის ჭირის შემდეგ ლინდისფარნს არ ჰყავდა საკუთარი ეპისკოპოსი (წმინდა ვილფრიდ იორკელის დროს). მისი მორჩილებიდან ერთ-ერთი იყო მომავალი წმინდა კუტბერტ ლინდისფარნელი.

651 წელს წმინდა ეტა აირჩიეს მელროუზის მონასტრის იღუმენად, და იმავე დროს მან დააარსა ახალი მონასტერი რიპონში, ამჟამინდელ იორკშირში. 664 წელს ის მონაწილეობს უიტბის კრებაში, სადაც მიღებულ იქნა გადაწყვეტილება კელტური ღვთისმსახურებიდან რომაულზე გადასვლის შესახებ.

678 წელს მთავარეპისკოპოსმა თეოდორე კენტერბერიელმა დაადგინა ის ბერნიკიის ეპისკოპოსად, რომელიც მოიცავდა ორ დიოცეზს: ჰექსემისა და ლინდისფარნის ეპარქიებს.

წმინდა ეტა იყო ლინდისფარნის ეპისკოპოსი 678-დან 685 წლამდე, როდესაც მან ეს ადგილი დაუთმო თავის მოწაფესა და თანამოღვაწეს, წმინდა კუტბერტს. 685 წლიდან თავის გარდაცვალებამდე წმინდა ეტა იყო ჰექსემის პირველი ეპისკოპოსი.

წმინდა ბედა პატივცემული წმინდა ეტას უწოდებს "უკეთილშობილეს და უმარტივეს ადამიანთა შორის". თავისი მოძღვრის, წმინდა აიდანის მაგალითზე, წმინდა ეტა ერთდროულად იყო მონასტრის იღუმენი და ეპისკოპოსი. ასე წავიდა ბრიტანეთის კუნძულებზე ჯერ კიდევ წმინდა ავგუსტინე კენტერბერიელის დროიდან, რომელსაც ასეთი წესდება უანდერძა წმინდა პაპმა გრიგოლ დიალოგოსმა:

"შენ, ძმაო, მონაზვნური წესის თანახმად ცხოვრობ შენს სამღვდელოებასთან ერთად ინგლისელთა ეკლესიაში, რომლებიც უფლის განგებით მოექცნენ რწმენაზე; ამიტომ შენთვის უკეთესია მისდიო ჩვენი მამების წესებს, მიღებულს ძველ ეკლესიაში: მათგან არავის არაფერი არ ჰქონდა ცალკე, არამედ ყველა ნივთი მათთვის საერთო იყო".

გარდაიცვალა 686 წლის 26 ოქტომბერს, როგორც ჩანს, დიზენტერიისგან, და დაკრძალულ იქნა ჰექსემის წმინდა ანდრიას სახელობის მონასტერში.

წმინდა ეტა ასევე იხსენიება "შოტლანდიელ წმინდანების კრებულში" - სულთმოფენობის შემდეგ მე-2 კვირას (ბერძნ.)

ხატზე, შუაში წმინდა ეტაა გამოსახული.