წმინდა პიორი იხსენიება 4 ოქტომბერს, ყველიერის კვირის (უკრ.) შაბათს, კიევის მღვიმევის შორეული გამოქვაბულების ღირს მამათა და კიევის მღვიმევის მამათა კრებულებში.

ღირსი პიორის ცხოვრების შესახებ ინფორმაცია ძალიან მწირია, ისევე როგორც მონღოლამდელი პერიოდის მრავალი ასკეტისა.

1638 წლის შორეული გამოქვაბულების რუკაზე ნაჩვენებია "ნეტარი ბერდიდისა და ჩვენი მამის პიორის ნაწილები, მხოლოდ მისი ფეხები ჩანს, მისი სხეულის დანარჩენი ნაწილი მიწითაა დაფარული".

1661 და 1675 რუკებზე ასკეტი არ არის ნახსენები, 1703 წელს იგი აღინიშნა, როგორც "პიორ დაყუდებული".

ეპისკოპოს მოდესტის მიერ გამოქვეყნებულ ლავრის ძველ ხელნაწერში ვკითხულობთ: "ღირსი პიორ განდეგილი ჩაიკეტა ბნელ მღვიმეში, რადგან არ სურდა ამქვეყნიური ცდუნებებისა და ამაოებისთვის ეცქირა, რისთვისაც ქრისტესგან ღირს იქმნა დამკვიდრებულიყო საუკუნო ჩაუქრობელ ნათელში. "

მისი წმინდა ნაწილები განისვენებს კიევის მღვიმევის ლავრის შორეულ გამოქვაბულებში.