ღირსი ავქსენტი განდეგილი - 14 (27) თებერვალი
ღირსი ავქსენტი განდეგილი - 14 (27) თებერვალი
თეოდოსი უმცროსის მეფობის დროს (418-450 წლები) კონსტანტინოპოლში სამეფო კარზე მნიშვნელოვან თანამდებობას იკავებდა ერთი ღვთისმოშიში კაცი ადი სპარსის ვაჟი ავქსენტი. მას პატივს სცემდნენ როგორც საღმრთო წერილის და საერო მეცნიერებების კარგად მცოდნე დიდებულს, ასევე თავისი კეთილი საქმეებით ცნობილ ადამიანს. ავქსენტი იცნობდა აია სოფიას ტაძრის იკონომოსს ღირს მარკიანეს (ხს. 10 იანვარს) და სათნო ბერს იოანეს, რომელიც კონსტანტინოპოლის გარეუბანში, ევდომში ცხოვრობდა წმინდა იოანე ნათლისმცემელის ტაძრის სიახლოვეს. იგი დაახლოებული იყო სხვა ღვთისმოშიშ კაცებთან. მათი ცხოვრების მიბაძვის სურვილით ავქსენტიმ დაუტევა ამსოფლიური დიდება, პატივი, მღელვარება და ზეციური მეუფის ქრისტეს მეომარი გახდა-მონაზვნად აღიკვეცა. თავიდან ის დიაკვნის ხარისხში მსახურებდა, მერე პრესვიტერის და ისეთი ხელმწიფება მიიღო ბოროტ სულებზე, რომ ადამიანებისგან განდევნიდა, რისთვისც მას მთელ კონსტანტინოპოლში განადიდებდნენ. მაგრამ ადამიანურ დიდებას არ ეძიებდა ავქსენტი: მას ის ამძიმებდა და მყუდრო ცხოვრების მოსურნემ ხალხმრავალი ქალაქი დაუტევა, ბითვინიაში ჩავიდა და იქ ერთი უდაბურ მთაზე ავიდა, რომელსაც ოქსიას ეძახდნენ და ქალკედონიდან ათ სტადიონზე მდებარეობდა. მას ეს ადგილი მოეწონა, ხელები აღაპყრო და ღმერთს მადლობა შესწირა: "რამეთუ შენ უფალმან მხოლო სასოებით დამამკვიდრე მე" (ფს.4:9).

წმინდანი ამ ადგილას დასახლდა რომელსაც "ავქსენტის მთა" ეწოდა, სწორედ ასე იხსენიება წმინდა სტეფანეს ცხოვრებაში (ხს. 28 ნოემბერს), რომელიც ხატთაყვანისცემისთვის ევნო, და რომელიც შემდგომში ამ მთაზე ცხოვრობდა.

ერთხელაც მას მწყემსები გადააწყდნენ, ისინი თავიანთ გზა აბნეულ ცხვრებს ეძებდნენ და წმინდანის ლოცვით იპოვეს. მას მერე წმინდანს ხმა გაუვარდა და ხალხმა იწყო მასთან მისვლა. ზოგს ხორციელი კურნება უნდოდა, რამეთუ წმინდანის ლოცვით ყოველგვარი სნეულებისგან იკურნებოდნენ, ზოგს კი სულიერი სწავლების მიღება სურდა. შემდეგ კი გარშემო სოფლების ღვთისმოშიში ქრისტიანები შეიკრიბნენ და მთის მწვერვალზე წმინდანს კელია აუშენეს. წმინდანი მასში დაეყუდა და მსათან მისულს პატარა სარკმლიდან ესაუბრებოდა, ასწავლიდა სათნოებებს და განკურნებდა სნეულებს, რამეთუ ღვთის მადლით ავსებული, იყო ვითარცა სამკურნალო წყარო. მასთან მრავალი ქალაქიდან მიდიოდნენ, როგორც უსასყიდლო მკურნალთან. ერთხელ მასთან ვინმე ნიკომიდიელი კომიტის უსინათლო ცოლი მივიდა და დახმარება სთხოვა:

- შემიწყალე ზეციური მეუფის მონავ.

ამაზე წმინდანმა ქალსა და იქ შეკრებილ ხალხს უპასუხა:

- ცოდვილი კაცი ვარ თქვენსავით ვნებებს მიცემული. თუ თქვენ ფიქრობთ რომ შობითგან ბრმის განმკურნელი ამ ქალსაც არ დაუტევებს, მაშინ ყველამ ერთად უფალს შევთხოვოთ მისი განკურნება.

როცა ყელა ლოცულობდა წმინდანი ქალს თვალებზე შეეხო და უთხრა:

- განკურნებს შენ იესო ქრისტე, ნათელი ჭეშმარიტი.

ქალს თვალთ აეხილა და ყველამ ადიდა ღმერთი. მადლიერმა ქალა უხვიდა შესწირა მთის ძირი მჯდარ მოწყალებისთვის ხელგაწვდილ გლახაკებს, მერეც ზრუნავდა მათზე და საკვებს ურიგებდა.

კურნების მადლის გარდა წმინდანს დაფარულთმცოდნელობის მადლიც ჰქონდა. ერთხელ მასთან ორი კაცი მივიდა, ერთი მართლმადიდებელი და მეორე ერეტიკოსების მიმდევარი. წმინდა ავქსენტი მართლმადიდებელს დიდხანს ესაუბრა, ხოლო ერეტიკოსს სიტყვაც არ უთხრა. ამაზე ეს უკანსკნელი გაბრაზდა და როცა მოძღვრისაგან წამოვიდნენ წმინდანის ლანძღვა დაიწყო, ფარისეველს ეძახდა. სახლს რომ მიუახლოვდნენ, მსახურმა უთხრა ერეტიკოსს, რომ მის ქალიშვილს ეშმაკი დაეუფლა. კაცმა შეინანა თავისი ურწმუნოება, თავისი ეშმაკეული ქალიშვილი წმინდა ავქსენტისთანმიივანა და თავმდაბლად მისი განკურნება სთხოვა. წმინდანმა ქალიშვილი ეშმაკისაგან გაანთავისუფლა და მისი მამა კი ბოროტი რწმენისგან.

ერთხელ წმინდა ავქსენტისთან ორი კეთროვანი მივიდა და განკურნება სთხოვა. წმინდა ჰკითხა:

- რა ცოდვებისთვის დაგსაჯათ ღმერთმა ასე?

მათ ისევ განკურნება სთხოვეს. მაშინ წმინდანმა უთხრა:

- ეს სნეულება იმიტომ შეგეყარათ, რომ წარამარა ფიცს მიეჩვიეთ და ამით მოიწიეთ თაზე ღვთის რისხვა.

გაოცდნენ კეთროვნები, რომ წმინდანმა მისი ცოდვები იცოდა. დაემხნენ მის წინ შეინანეს ცოდვები და კურნება სთხოვეს. წმინდა ავქსენტის შეეცოდა კეთროვნები, მათ თავიდან ფეხებამდე წმინდა ზეთი სცხო და უთხრა:

- მე ცოდვილი კაცი ვარ, ხოლო თქვენ უფალი იესო ქრისტე განგკურნებთ.

და კეთროვნებიც მაშინათვე გამოჯანმრთელდნენ.

ერთხელ წმინდანთან ეტლით განრღვეული მოიყვანეს; ამ კაცის მშობლები ტირილით მუხლებში ჩაუვარდნენ წმინდანს და შეჰღაღადეს:

- ჩვენი ურიცხვი ცოდვების გამო ჩვენს ვაჟს დამბლა დაეცა.

მაშინ წმინდა ავქსენტიმ ჰკითხა:

- გწამთ, რომ ღმერთს ძალუძს ჩემს ცოდვილის მიერ თქვენის ვაჟს კურნება მოანიჭოს?

- ჭეშმარიტად. გვწამს, რომ შენ ანგელოზი ხარ ჩვენი ცხონებისთვის უფლისგან გამოგზავნილი, და რომ ღმერთს ყველაფერი შეუძლია.

- რწმენისაებრ თქვენისა გეყავნ თქვენ.

უთხრა წმინდანმა და განრღვეულს მთელს სხეულზე ზეთი სცხო. ეს უკანასკნელი მაშინათვე ჯანმრთელი წამოდგა. მისი თანამედროვენი უამრავ ამბავს ჰყვებოდნენ თუ როგორ განდევნიდა ლოცვით ეშმაკებს. შორეული ქვეყნებიდანაც კი მოჰყავდათ მასთან ეშმაკეულნი და კურნებას ჰპოვებდნენ. ასეთი ძალა ჰქონდა წმინდანის ლოცვას.

ღირსი ავქსენტი ქალკედონში ეკლესიის მეოთხე მსოფლიო კრებაზეც კი მიიწვიეს და ბევრი შრომა გასწია ევტიქიანელების ერესის და ნესტორიანელთა ბოროტადრწმენის წინააღმდეგ ბრძოლაში, რისთვისაც ერეტიკოსები ძალზე ავიწროებდნენ.

მაგრამ ის ძალზე უყვარდა მეფე მარკიანეს და წმინდა მამებს. იგი გამოირჩეოდა ამ კრებაზე სიბრძნითა და მართალი რწმენის სასწაულებით. შეუძლებელი მასთან კამათი, რადგან კარგად იცოდა წმინდა წერილი.

წმინდა ავქსენტიმ სხვა წმინდა მამებთან ერთად დაამკიცა ჭეშმარიტი რწმენა და თავის უდაბნოსა და კელიას დაუბრუნდ. ქალკედონამდე გზაში წასვლისას და უკან დაბრუნებისას მან მრავალი დიდებული სასწაული მოახდინა. ბევრი განკურნა სულიერი და ხორციელი უძლურებისგან. თავის კელიაში გამოკეტილსაც კი სამყაროსთვის დიდი სიკეთე მოჰქონდა პირადი მაგალითით და თავისი სულიერი სწავლებებით. წმინდანი თავისი ნათელმხილველი თვალებით ცხადად ჰხედავდა შორს მყოფ საგნებს, უსხეულო ძალებს და მართალთა სულებს. ერთხელ მან ლოცვის დროს იხილა თუ როგორ აჰყავდათ წმინდა სვიმეონ მესვეტის სული (ხს. 1 სექტემბერს) უფლის ანგელოზებს ზეცაში. მოწაფეებმა დაიმახსოვრეს დღე და საათი და მართლაც მალე შეიტყვეს რომ სწორედ ამ დროს წმინდა სვიმეონი აღესრულა. არ გასულა დიდი ხანიც და დადგა წმინდა ავქსენტის აღსასრულის ჟამიც. წმინდა ავქსენტი ლეონ მეფის ზეობის წლებში, დაახლოებით 470 წელს გარდაიცვალა.


კონდაკი: სიწმინდე შეიტკბე შენ, ღმრთივგანბრძნობილო, და გულსთქუმასა ხორცთა შენთა აღვირახსენ, და გამოსჩნდი ბრწყინვალე სარწმუნოებით, ხოლო ვითარცა ნერგი შორის სამოთხისა აღყვავენ, ავქსენტი მამაო საღმრთოო.

ბეჭდვაელფოსტა
კომენტარი არ გაკეთებულა
სხვა სიახლეები
28.03.2024
წმინდანი დაიბადა პატარა სოფელში, რომელსაც ახლა უწოდებენ სენ-კლერ-დიუ-რონს (Saint-Clair-du-Rhone), ისერში (Isère),ვენის სამხრეთით, საფრანგეთში.
28.03.2024
ღირსი კუან ირლანდიელი (მოკუა, მონკანი, მონკაინი, კლაუნი; ირლანდიური. Cuan, Mochua, Moncan, Moncain, Claunus) ცხოვრობდა მე-6 საუკუნის ირლანდიაში.
28.03.2024
ღირსი მამა წარმოშობით ბრეტანიდან იყო. ის შესაძლოა წმინდანების კადფანის და ჰივინუსის ბიძაშვილი იყო. მალრისი გადავიდა ბრიტანეთში,
26.03.2024
მცირე აზიაში, ბითინიაში, პრუსას (დღევანდელი ბურსა) სიახლოვეს მდებარეობდა ქალაქი ტრიგლია (დღევანდელი ზეიტინბაღი), რომელიც ბიზანტიურ ეპოქაში ცნობილი იყო თავისი მონასტრებით, ესენია:
26.03.2024
წმ. ევგენდი გახლდათ კონდატის (იურას) მონასტრის მეოთხე აბატი, დაიბადა დაახლოებით 449 წელს იზერნორში, აინში, ფრანშ-კონტეში;
26.03.2024
თავის წიგნში "ინგლისელი ხალხის საეკლესიო ისტორიაში" წმინდა ბედა წერდა:
31.01.2024
სენაკი, სამეგრელოს ერთ-ერთი გამორჩეული ქალაქი თავისი ტრადიციებით, საუკეთესო წარმომადგენლებით, განათლებით, კულტურით,
30.11.2023
ქართული ეკლესია წელს, 2 ნოემბერს, პირველად აღნიშნავს წმინდა გაბრიელ აღმსარებლისა და სალოსის ხსენების დღეს
02.11.2023

„ბედნიერი ვარ, რომ მამა გაბრიელთან მომიწია სამთავროს მონასტერში ყოფნა"

სამთავროს მონასტრის იღუმენია ქეთევანი (კოპალიანი):

23.10.2023
02 ნოემბერს წმინდა გაბრიელის (ურგებაძე) ხსენების დღეა. გილოცავთ, შეგვეწიოს მისი წმინდა ლოცვა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
საქართველოს ეკლესია სამოციქულოა. გადმოცემის მიხედვით, სულთმოფენობის შემდგომ, როცა მოციქულებმა წილი ჰყარეს და სხვადასხვა ქვეყანაში წავიდნენ საქადაგებლად, საქართველო ყოვლადწმიდა ღვთისმშობელს ერგო

casino siteleri 2023 Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eşya depolama istanbul-depo.net papyonshop.com beşiktaş sex shop şehirler arası nakliyat ofis taşıma kamyonet.biz.tr malatya temizlik shell aspx shell umitbijuteri.com istanbul evden eve nakliyat

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canlı casino malatya ara kiralama

casino siteleri bedava bonus bonus veren siteler bonus veren siteler