დღემდე შემოგვრჩა თამარ მეფის ოთხი პორტრეტი
დღემდე შემოგვრჩა თამარ მეფის ოთხი პორტრეტი
საბედნიეროდ, დღემდე შემოგვრჩა თამარ მეფის ოთხი პორტრეტი: ვარძიის, ბეთანიის, ყინწვისისა და ბერთუბნის (დავით გარეჯის უდაბნო) ტაძრების მხატვრობაში.


KARIBCHE

ვარძიის ფრესკა - თამარ მეფე და გიორგი მესამე



KARIBCHE

ბეთანიის ფრესკა - თამარი, გიორგი მესამე და ლაშა-გიორგი


KARIBCHE

ყინწვისის ფრესკა - თამარ მეფე

KARIBCHE

ბერთუბანი, დავითგარეჯის სამონასტრო კომპლექსი - თამარის ფრესკა

თამარ მეფე იყო დავით აღმაშენებლის შვილიშვილის, გიორგი მესამის (1156-1184წწ.) ქალიშვილი. იგი დაიბადა 1166 წელს. გიორგის ვაჟი არ ჰყავდა. ქალის გამეფება იმ დროს არათუ საქართველოში, მსოფლიოშიც იშვიათი მოვლენა იყო. გიორგი მესამემ სამეფოს მართვის გამოცდილების შეძენის მიზნით, გადაწყვიტა თამარი თავის სიცოცხლეშივე გაემეფებინა, რათა შემდგომში მას სირთულეები არ შექმნოდა. 1179 წელს გიორგი მესამემ თანამოსაყდრედ აკურთხა ის. ამ პერიოდიდან მამა-შვილი ერთობლივად მართავდა სამეფოს.

გამეფებისთანავე თამარ მეფის სამეფო საქმიანობაში უდიდესი ადგილი დაიკავა ეკლესიურმა და სასულიერო ცხოვრებამ. წმინდა მეფე ხედავდა, რომ "მართლმადიდებლობასა ზედა შემოთესილნი თესლნი ბოროტნი" ხელს უშლიდნენ ქვეყნისა და ერის ზნეობრივ წინსვლას. თამარმა, ამ მიზნით იერუსალიმიდან გამოიწვია ნიკოლოზ გულაბერისძე, რომელიც "სიმდაბლისა ძალითა ექმნა ქართლისა კათალიკოსობისაგან" და 1185 წ. მოიწვია საეკლესიო კრება, რომელზეც შეკრიბა მთელი სამეფოს მღვდელმთავარნი, მონაზონნი, მეუდაბნოენი, და "მეცნიერნი სჯულ-ისა საღმრთოსანი". სამეფო დარბაზში გამართულ კრებაზე მეფე მი-ბრძანდა და სიტყვა წარმოსთქვა:

"წმიდანო მამანო, თქვენ ღმრთისა მიერ განჩინებულ ხართ მოძღურად ჩუენდა და მმართებელად წმი-დისა ეკლესიისა და თანა გაც სიტყჳსა მიცემა სულთათჳს ჩუენთა. გამოიძიეთ ყოველი კეთილად და დაამტკიცეთ მართალი, ხოლო განჴადეთ გულარძნილი. იწყეთ ჩემ ზედა, რამეთუ შარავანდი ესე მეფობისა არს და არა ღმრთის ბრძოლობისა. ნუ თუალახუამთ მთავართა სიმდიდრისათჳს, ნუცა გლახაკთა უდებ-ჰყოფთ სიმცირისათჳს. თქუენ სიტყჳთა, ხოლო მე საქმით… ზოგად ჴელი მივსცეთ დაცვად სჯულთა საღმრთოთა შეუგინებლად, რაჲთა არა ზოგად ვიზღჳვივნედ: თქუენ ვითარცა მღდელნი, ხოლო მე ვითარცა მეფე, თქუენ ვითარცა მნენი, ხოლო მე ვითარცა ებგური".

მამები აღფრთოვანდნენ გონიერი მეფის სიტყვებით, თვით მეფემ კი სამღვდელო პირთა მიმართ დედაკაცური კრძალვის გამო "მიიღო კურთხევა მათგან და წარვიდა პალატად თჳსად". ბრძენი მეფის თანადგომით განმხნევებულმა მამებმა მრავალი უღირსი ღმრთისმსახური გადააყენა და მათ ნაცვლად "საღმრთონი კაცნი დაადგინა" და "სხუანი საეკ-ლესიონი წესნი განმართა უდებთა მიერ დაჴსნილნი" (კრების ერთ-ერთ მთავარ მიზანს წარმოადგენდა მიქაელ მირიანისძის კათოლიკოსობიდან გადაყენება, რაც ვერ მოხერხდა).

მეფე თამარი უფლის ძალიან დიდი რწმენით გამოირჩეოდა და ქვეყნის წარმატებების შესაბამისად "შეუმატებდა ღმრთისმსახურებასა" და ეკლესია-მონასტერთა კაზმასა და შენებას – ფიტარეთი, ქვაბთახევი, ბეთანია. იგი აგებდა ციხე-კოშკებსა და ეკლესიებს, არა მარტო წმინდა ადგილებში, არამედ მის მიერ შემოერთებულ და ყმადნაფიც ქვეყნებშიც, ისეთებში, როგორებიცაა ჩრდილო კავკასიაში, დღევანდელ აზერბაიჯანსა და სო-მხეთში და ღირსეული წინაპრების მსგავსად, დიდ დახმარებას უწევდა როგორც ქვეყნის შიგნით, ისე საზღვარგარეთ არსებულ ეკლესია – მონასტრებს, განსაკუთრებით კი იერუსალიმის სავანეებს. თამარი გახლდათ სამაგალითო ქრისტიანი, მან საეკლესიო საქმეებსაც მიხედა, რადგან ქრისტიანულ ეკლესიას ზნეობრივი რყევა შეამჩნია. მან აურაცხელი სიმდიდრე უბოძა ხალხს. შენდებოდა ტაძრები, ციხესიმაგრეები, ხიდები. გაჩნდა "თამარის ციხე", "თამარის ხიდი", "თამარის ხატი", "თამარის ეკლესია…"

აუცილებელია აღინიშნოს ისიც, რომ წმინდა თამარ მეფემ სამეფო კარისთვის აუცილებელი წესიც შეიმუშავა – თვითონ პალესტინის მონასტერთა ტიპიკონით ლოცულობდა და სხვებისგანაც იმავეს მოითხოვდა. "დარბაზის კარს მყოფი წირვად ვერავინ დააკლდებოდა: მწუხრი, დილეულ, სამხრი, ვითარცა თქმულ არს". მეფემ სასტიკად აკრძალა სიკვდილით დასჯა და სხეულის დასახიჩრება, მიუხედავად ამისა მის სამფლობელოში აღარავინ მტაცებლობდა და აღარც მეკობრეობდა.
ქართულმა მართლმადიდებელმა ეკლესიამ თამარ მეფე წმიდანად შერაცხა. 14 მაისს მისი ხსენების დღე 1917 წლიდან, საქართველოს ავტოკეფალიის აღდგენის შემდეგ ყოველწლიურად აღინიშნება. წმინდა მეფეს ეკლესია იხსენებს აგრეთვე მისი გარდაცვალების დღეს - 31 იანვარს და მენელსაცხებლე დედების კვირიაკეს.
ბეჭდვაელფოსტა
29.04. 2017
ნანა
"ეს ფანტაზიით შექმნილია " ს პასუხად,არა ქართველებს და არა მართმადიდებლებს რა გუნდათ ამ საეკლესიო ჟურნალის გვერდზე;ან საერთოდ ვის უნდა თქვენი კომენტარი...რას კუთხულობთ ამ სტატიევს;მაინც არ გჯერათ...ღვარძლს აფრქვევთ,სიმართლე გაღიზიანებთ...
23.01. 2017
......
es fantaziit sheqmnilia
14.05. 2016
ვაჟა პაპუაშვილი
თამარ მეფის უნიკალური ფრესკა, იმ პერიოდის არის ქიზიყში, ოზაანის ამაღლების ეკლესიაში! სამწუხაროა, რომ ამის შესახებ ნაკლებად იცის ქართულმა საზოგადოებამ!
სხვა სიახლეები
23.06.2017
23 ივნისს, საქართველოს სამოციქულო მართლმადიდებელი ეკლესიის ისტორიაში პირველად აღესრულება ხსენება ღირსისა სქემიღუმენიასი თამარ აღმსარებლისა (მარჯანიშვილი).
11.01.2017
წმინდა სინოდის განჩინებით სამთვაროს დედათა მონასტრის იღუმენია ნინო (ამილახვარი) წმინდანთა დასში აღიყვანეს და ეწოდა ღირსი ნინო (სამთავროს დედათა მონასტრის იღუმენია). ხსენების დღედ დადგინდა (29 დეკემბერი) 11 იანვარი.
22.12.2016
ყვარელში ყოფნის დროს წილად მხვდა ბედნიერება, მარჯანიშვილების სახლ-მუზეუმში სტუმრად მივსულიყავი.
16.05.2016
წმიდა ქალწულმოწამე პელაგია ტარსელი (+დაახლ. 290) წარმართი დიდებულების შვილი იყო. როცა მოისმინა ქადაგება იესო ქრისტეზე, მან ირწმუნა ჭეშმარიტი ღმერთი და ქალწულების აღთქმა დადო.
13.04.2016
პალესტინის ერთ-ერთ მონასტერში, რომელიც ქალაქ კესარიის მახლობლად მდებარეობდა, ცხოვრობდა ღირსი მონაზონი ზოსიმე. მშობლებმა იგი სიყრმეშივე მისცეს აღსაზრდელად ამ მონასტერში და უკვე 53 წელი იყო, რაც აქ მოღვაწეობდა.
12.01.2016
საქართველო ოდითგანვე ცნობილია ქალი სიწმიდით. საქართველოს დედათა მონასტრებში მოღვაწე ქალები საოცარი გულმოდგინებით გამოირჩეოდნენ: გამუდმებული ლოცვა, მარხვა, ხელსაქმე და ობოლთა აღზრდა იყო მათი ძირითადი მოვალეობა.
12.01.2016
ღირსი მელანია რომაელი ძალიან მდიდარი და დიდგვაროვანი რომაელების ოჯახში დაიბადა. სიყრმიდანვე საღვთო სიყვარულით აღვსებული ქალწული თოთხმეტი წლის ასაკში მშობლებმა საკუთარი ნების წინააღმდეგ მიათხოვეს დიდგვაროვან ჭაბუკს, აპინიანეს.
22.12.2015
აბიათარ მღვდელი, მცხეთელი ებრაელი, უამბობდა წმინდა ნინოს ძველ ამბავს, რომელიც სმენოდა წინაპრებისგან.
31.07.2015
წმინდა მაკრინე კონსტანტინე დიდის მეფობის ჟამს დაიბადა კაპადოკიაში ბასილისა და ემილიას წმინდა ოჯახში. ის მათი პირველი შვილი გახლდათ. ბასილსა და ემილიას სულ ათი შვილი ჰყავდათ: ოთხი ვაჟი და ექვსი ქალიშვილი.
18.05.2015

წმინდა ირინეს კელიაში ვიწრო სქელი ფიცრისგან გაკეთებული საწოლი ედგა, რომელზეც დაგებული ჰქონდა ნამჯის ლეიბი. მის კელიაში იდგა პატარა ხის მაგიდა დაბალი სკამი და სკივრი.

მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
"გსურს უფალთან შეხვედრა, მასთან ყოფნა? მაშ, შეიყვარე "ღმერთი შენი ყოვლითა გულითა შენითა და ყოვლითა სულითა შენითა და ყოვლითა გონებითა შენითა"
საიტის პარტნიორები