ეს წმინდა დედა, დაახლოებით, 800-810 წლებს შორის, კონსტანტინოპოლში, წარჩინებულ ოჯახში დაიბადა.
კასიანა საკვირველი სილამაზითა და გონიერებით გამოირჩეოდა. როდესაც ახალგაზრდა იმპერატორმა, თეოფილემ დაქორწინება განიზრახა, 821 ან 830 წელს, წესისამებრ, სასახლის ერთ-ერთ დარბაზში იმპერიის თორმეტი ულამაზესი ასული შეკრიბეს.
იმპერატორს საცოლე სწორედ მათ შორის უნდა შეერჩია და ამის ნიშნად ხელში ოქროს ვაშლი ჩაედო. თეოფილემ მაშინვე გამოარჩია კასიანა და გამოსაცდელად უთხრა: - ბოროტება ქალიდან აღმოცენდა (რაღა თქმა უნდა, პირველმშობელი ევა იგულისხმა), კასიანამ კი პასუხად მიუგო:
- მაგრამ ქალიდანვე აღმოცენდა უმაღლესი სიკეთე (ღვთისმშობლის მიერ უფლის მოვლენა ხსნაა კაცობრიობას).
ქალწულის გონიერებამ ფრიად გააოცა თეოფილე, თან შეეშინდა: - შესაძლოა, თუ ცოლად შევირთე, სიბრძნით გარდამემეტოსო და თანამეცხედრედ წმინდა თეოდორა (ხსენება 11 თებერვალს) აირჩია.
კასიანამ კი ევდომონის მთაზე მონასტერი დააარსა, მოგვიანებით მისივე სახელი რომ მიიღო, მოგვიანებით კი, წმინდა თეოდორე სტუდიელის კურთხევით, მონაზვნად აღიკვეცა. მოკლე ხანში კი დედებმა სავანის იღუმენიად აირჩიეს.
ასე მიიღო ცათა სასუფეველი ნაცვლად მიწიერი დიდებისა, თვისი წმინდა ცხოვრება კი მარგალიტებად გარდამოადინა ულამაზეს საგალობლებში, ეკლესიის უდიდეს ჰიმნოგრაფთა შორის რომ დაუმკვიდრეს ადგილი.
წმინდა დედა, სასიკვდილო საფრთხის მიუხედავად, ყრმობიდანვე ღიად ეწინააღმდეგებოდა ხატმებრძოლთ, ხშირად აკითხავდა საპყრობილის ბნელ დილეგებში გამომწყვდეულ მონაზვნებს და ნუგეშს სცემდა. ხოლო იმათ, ვინაც ამ განსაცდელს ვერ უძლებდა, ეტყოდა:
- მძულს დუმილი მაშინ, ოდეს საუბრის დროა!
ნეტარი დედა 843-867 წლებში მიიცვალა.
- მთავარი
- ჩვენ შესახებ
- ეკლესია
- ქრისტიანული ცხოვრება
- რწმენა
- წმინდანები
- სხვადასხვა
- ახალი ამბები
- დიასახლისის გვერდი
- სწავლებანი
- ერისკაცობიდან მღვდლობამდე
- ქრისტიანული საიდუმლო
- ქრისტიანული სიმბოლიკა
- ცოდვა
- ისტორია
- ანგელოზები
- ამბიონი
- კითხვა-პასუხი
- ეს უნდა ვიცოდეთ
- ცრუ მოძღვრებები
- სხვა რელიგიები
- სხვადასხვა
- მკითხველის გვერდი
- ეპისტოლენი, ქადაგებები
- ნამდვილი ამბები
- სასწაულები
- წაუკითხეთ პატარებს
- ჩემი სოფელი
- ქართული გვარები
- ქართული ანბანი
- რელიგიურ-ფილოსოფიური ლექსიკონი
- წმინდა წერილი
- წიგნები
- ლოცვანი