გარდაიცვალა მესტიის მუზეუმის დირექტორი რუსუდან ქოჩქიანი
გარდაიცვალა მესტიის მუზეუმის დირექტორი რუსუდან ქოჩქიანი
გარდაიცვალა მესტიის ისტორიისა და ეთნოგრაფიული მუზეუმის დირექტორი რუსუდან ქოჩქიანი. განუზომელია ქალბატონი რუსუდანის დამსახურება ქართული კულტურის, ეთნოგრაფიის, სვანეთში დავანებულ სიწმინდეთა დაცვის საქმეში. უფალმა დაუმკვიდროს სასუფეველი. გთხოვთ თქვენს ლოცვებში მოიხსენოთ ახალშესვენებული რუსუდანი.

რუსუდან ქოჩქიანის გარდაცვალება დიდი ტკივილია ყველა იმ ადამიანისათვის, ვინც მას და მის საქმიანობას იცნობდა:

ლელა ნიჟარაძე: ახლახან გავიგე, რომ გარდაცვლილა რუსიკო ქოჩქიანი. როგორ მეწყინა...რა დასანანია...
მესტიის მუზეუმის ხელმძღვანელი, ყველასათვის საყვარელი, საპატივცემულო და ერუდირებული პიროვნება.
იგი წლების მანძილზე უშურველად, ერთგულად იღვწოდა და პატრონობდა მესტიის მუზეუმს. ძალიან დააკლდება ყველას, ვინც კი მას იცნობდა. დააკლდება ქართული კულტურის ისტორიას, დააკლდება სვანეთს ... დიდბუნებოვანი, უბრალო, თავმდაბალი და ღირსეული ქალბატონი.. თანავუგრძნობ მის ოჯახს, ახლობლებს ... მშვიდობით, ჩემო რუსიკო! ნათელში იყავი...

ბუბა კუდავა: იშვიათად შემხვედრია ასეთი ადამიანი.
იშვიათად...
ეს სიფრიფანა ქალბატონი რას აღარ იტევდა: სიყვარულს, ერთგულებას, სიმართლეს, თავდადებას, დაცვასა და აღორძინებას, სვანურ ხატებსა და ეკლესიებს, ხელნაწერებსა და ფარ-ხმალ-ხანჯლებს, მიუღებლისადმი მრისხანებასა და მისაღებისადმი დიდ სათნოებას.
როგორი მართალი იყო და როგორი შეუვალი, როცა საქმე საქმეს ეხებოდა.
როგორი მიღება იცოდა, როგორი თანადგომა, როგორი სითბო, როგორი გამოცილება. მისი დახმარება ყველგან დაგეწეოდა: მესტიაში, უშგულში, ადიშში, ლატალში, ლენჯერში...
როგორ ადვილად უგებდი და როგორ ადვილად გიგებდა. როგორი ტრადიციული იყო და როგორი თანამედროვე.
როგორი ღიმილი... სუფთა და ნათელი თვალები...
როგორი მშვიდი სიამაყით დაფარფატებდა ნალოლიავებ მუზეუმში და როგორი სიყვარულით გაჩვენებდა ფხოტრერის ეკლესიის კარის ასლს, გარდაცვლილი მეუღლის მიერ ხეში ნაჩუქურთმევს.
როგორი გულით გამომესარჩლა... და როგორი პირდაპირობით, როგორც სჩვეოდა...
თუ კარგად იცნობდი, სვანეთი გცოდნია რა არის. ორი სიტყვით თუ გნებავთ, აი, ასეთია სვანეთი.
უფროს ქალბატონებს მიჭირს ხოლმე სახელით მივმართო. ის გამონაკლისი იყო.
რუსიკო, ყველა ის სიწმინდე გეწეოდეს, რასაც ასე ევლებოდი.
როგორი სხვანაირი იყო, როგორი იშვიათი.
როგორ დაგვაკლდება. დამაკლდება...





ბეჭდვაელფოსტა
კომენტარი არ გაკეთებულა
სხვა სიახლეები
05.12.2017
დგება მძიმე დღე ათასობით ადამიანისათვის - დღეს მიწას მიაბარებენ შვილებს, რომლებიც მთელ საქართველოს საკუთარი შვილებივით ეტკინა.
03.12.2017
ჩხეიძის ქუჩაზე მდებარე წმინდა ნინოს ტაძარი განცხადებას ავრცელებს:
03.12.2017
არ დაგველია განსაცდელი. გლოვის დღე ახლახან გვქონდა ბათუმის ტრაგედიის გამო. ახლა კიდევ ეს ტრაგედია. ეს არ იყო ბავშვების მხოლოდ ერთი ჯგუფის კონფლიქტი,
27.11.2017
ბათუმის წმინდა ბარბარეს სახელობის ტაძრის წინამძღვარი, დეკანოზი შიო პაიჭაძე:

-თანამედროვე ცხოვრებაში,
25.11.2017
მოიხსენოს უფალმა ბათუმის ტრაგედიის დროს გარდაცვლილთა სულები, მიუტევოს მათ შეცოდებანი მათნი და მისცეს მათ საუკუნო ხსენება, ამინ!
27.07.2017
მამა გიორგი საბიაშვილის გახსენება
ორმოცი დღე გავიდა წმინდა ალექსანდრე ნეველის სახელობის ტაძრის მღვდელმსახურის, დეკანოზ გიორგი საბიაშვილის გარდაცვალებიდან.
20.07.2017
არიან ადამიანები რომელთა შესახებ ძნელია წერა.... არა იმიტომ რომ სათქმელი ნაკლებობას განიცდის, არამედ პირიქით - აღარ იცი როგორ გამოხატო სიტყვებით ის განსაკუთრებულობა, რომლითაც ისინი გამოირჩევიან სხვებისგან.
03.07.2017
ორთუბნის ღმრთისმშობლის შობის დედათა მონასტრის წინამძღვარი, იღუმენია მარიამი (ჩხაიძე):
"არავინ უწყის, როდის დადგება მისი ცხოვრების მეორედ მოსვლა, ამიტომ მარადისობის მორწმუნე არასდროს ფიქრობს ხვალინდელ დღეზე,
17.05.2017
"მღვდელი პირველ რიგში კარგი კაცი უნდა იყოსო", - ხშირად იტყოდა ხოლმე უაღრესად თბილი, მოსიყვარულე მამა ანდრია ლაითაძე.
12.05.2017
გარდაიცვალა მომღერალი, საქართველოს დამსახურებული არტისტი - ნიკო ჯადუგიშვლი. შეიწყალოს უფალმა და მოიხსენოს სასუფეველსა თვისსა!
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ტროპარი: ტარიგი შენი, იესუ, ეკატერინე ხმობდა ხმითა მაღლითა, შენდა მსურის, სიძეო ჩემო, და შენითა ძიებითა დავსთხევ სისხლთა ჩემთა, და თანა ჯვარს ვეცმი