შენს სახელს დავიწყება არ უწერია… - ირმა ჩოფიკაშვილის გამოსათხოვარი
შენს სახელს დავიწყება არ უწერია… - ირმა ჩოფიკაშვილის გამოსათხოვარი
იდგა სამოციანი წლები... ჟურნალ "საქართველოს ქალის" რედაქციას შემოგვემატა სათნო, შავებით შემოსილი, შველივით გოგონა - ირმა ჩოფიკაშვილი. თბილისის ივანე ჯავახიშვილის სახელობის უნივერსიტეტი იმ წელს დაემთავრებინა. მალე გაგვიშინაურდა, თუმცა ნაკლებად იღიმებოდა. ოცდაცამეტი წლის მამა ჯიხვზე ნადირობისას დაღუპვოდა. დედა მძიმე ავადმყოფობას ემსხვერპლა. ოცდასამი წლის ულამაზეს გოგონას ობლობის მძიმე ხვედრი აშკარად ემჩნეოდა. ტრადიციისამებრ, ახალბედა თანამშრომლების დაოსტატებაზე ზრუნავდნენ კოლექტივის ღვაწლმოსილი, ცნობილი მწერლები, ჟურნალისტები: თეო აბაშმაძე, მარიკა ბარათაშვილი, ნაზი კილასონია, ნანული ბარათაშვილი, ნანული ცაგარეიშვილი, ლია კაკაბაძე...

KARIBCHE

მომხიბლავი ირმა მხატვრების, მოქანდაკეების მუზა გახლდათ. დიდმა მხატვარმა ნათელა იანქოშვილმა მისი უკვდავი ფერწერული პორტრეტი მაშინ შექმნა... მერე იყო ქორწილი, ბედი თბილისის კოლორიტს, ინჟინერ-მშენებელ - ელგუჯა ჩიქოვანს დაუკავშირა. მრავალი შრომის ავტორმა და ქართული სეისმომედეგი მშენებლობის ერთ-ერთმა ფუძემდებელმა ელგუჯა ჩიქოვანმა საქართველოში პირველმა ჩაატარა და დანერგა მაღლივი შენობების კონსტრუქციული გაანგარიშება გამომთვლელი მანქანების მეშვეობით. იცნობდნენ, როგორც საკავშირო მასშტაბით აღიარებულ ინჟინერს.

KARIBCHEKARIBCHE

ორმოც წელზე მეტი ჩვენს საყვარელ ჟურნალში იღვაწა ჩვენმა ირმამ, მისი კალამი ვის, რა სპეციალობის ადამიანებს არ შეხებია, უამრავი გაჭირვებულის, უსასოს და უსახლკაროს გვერდით მდგარა, დაუპურებია, მისი სახლის კარიც გაუღია, დაზარალებულის უბედურებით შეძრულს ძილიც ბევრჯერ გაკრთომია...

შენს სახელს დავიწყება არ უწერია, დატოვე სამაგალითო შვილები - ეკა და კოტე ჩიქოვანები, მშობლების მსგავსი - ალალი, უღალატო, განათლებული, სპეტაკი სულის ადამიანები; მეგობრები, თანამშრომლები, დედმამიშვილები, ავტორებისა და კორესპონდენტების ფართო წრე. გეფერებით, გიხსენებთ, ღმერთმა ნათელში დაგიმკვიდროს მარადიული სამყოფელი, სულიერი სიმშვიდე მოგმადლოს. ლოცვამ და ჩვენმა ანთებულმა სანთელმა გაგინათოს ცათა სასუფეველი. გვჯერა, შენი ნათელი სული ჩვენთან არის, მუდამ ილოცებს მისი დაუშრეტელი შრომით ნალოლიავებ ოჯახზე, შვილებზე, მეგობრებზე... არასოდეს დაგივიწყებთ, მალე ეს მწუხარე ორმოცი დღეც გაივლის ჩვენო უსაყვარლესო ირმა. თუმცა, ერთს გეტყვით - დაუჯერებელია შენი წარსულში აღქმა.

ჟურნალ "საქართველოს ქალის" თანამშრომლები



ბეჭდვაელფოსტა
კომენტარი არ გაკეთებულა
სხვა სიახლეები
05.12.2017
დგება მძიმე დღე ათასობით ადამიანისათვის - დღეს მიწას მიაბარებენ შვილებს, რომლებიც მთელ საქართველოს საკუთარი შვილებივით ეტკინა.
03.12.2017
ჩხეიძის ქუჩაზე მდებარე წმინდა ნინოს ტაძარი განცხადებას ავრცელებს:
03.12.2017
არ დაგველია განსაცდელი. გლოვის დღე ახლახან გვქონდა ბათუმის ტრაგედიის გამო. ახლა კიდევ ეს ტრაგედია. ეს არ იყო ბავშვების მხოლოდ ერთი ჯგუფის კონფლიქტი,
27.11.2017
ბათუმის წმინდა ბარბარეს სახელობის ტაძრის წინამძღვარი, დეკანოზი შიო პაიჭაძე:

-თანამედროვე ცხოვრებაში,
25.11.2017
მოიხსენოს უფალმა ბათუმის ტრაგედიის დროს გარდაცვლილთა სულები, მიუტევოს მათ შეცოდებანი მათნი და მისცეს მათ საუკუნო ხსენება, ამინ!
27.07.2017
მამა გიორგი საბიაშვილის გახსენება
ორმოცი დღე გავიდა წმინდა ალექსანდრე ნეველის სახელობის ტაძრის მღვდელმსახურის, დეკანოზ გიორგი საბიაშვილის გარდაცვალებიდან.
20.07.2017
არიან ადამიანები რომელთა შესახებ ძნელია წერა.... არა იმიტომ რომ სათქმელი ნაკლებობას განიცდის, არამედ პირიქით - აღარ იცი როგორ გამოხატო სიტყვებით ის განსაკუთრებულობა, რომლითაც ისინი გამოირჩევიან სხვებისგან.
03.07.2017
ორთუბნის ღმრთისმშობლის შობის დედათა მონასტრის წინამძღვარი, იღუმენია მარიამი (ჩხაიძე):
"არავინ უწყის, როდის დადგება მისი ცხოვრების მეორედ მოსვლა, ამიტომ მარადისობის მორწმუნე არასდროს ფიქრობს ხვალინდელ დღეზე,
30.05.2017
გარდაიცვალა მესტიის ისტორიისა და ეთნოგრაფიული მუზეუმის დირექტორი რუსუდან ქოჩქიანი. განუზომელია ქალბატონი რუსუდანის დამსახურება ქართული კულტურის, ეთნოგრაფიის, სვანეთში დავანებულ სიწმინდეთა დაცვის საქმეში.
17.05.2017
"მღვდელი პირველ რიგში კარგი კაცი უნდა იყოსო", - ხშირად იტყოდა ხოლმე უაღრესად თბილი, მოსიყვარულე მამა ანდრია ლაითაძე.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
წმინდა ლუკა მას სიცოცხლის ბოლომდე გულმკერდზე დაკიდულს ატარებდა
პანაგია სუმელა"-ს სასწაულმოქმედი ხატი ერთ-ერთი იმ სამოცდათორმეტ ხატთაგანია წმინდა ლუკა მახარებელმა რომ დაწერა.