ხსენება ღვთისმშობლის სასწაულთმოქმედი ხატისა “ბარძიმი შეუსმელი” - 05 (18) მაისი
ხსენება ღვთისმშობლის სასწაულთმოქმედი ხატისა “ბარძიმი შეუსმელი” - 05 (18) მაისი
"XX საუკუნემ თავისი მატერიალურ-ტექნიკური მიღწევებით, მსოფლიო ომებით, ლოკალური კონფლიქტებით, ახალი გადანაწილების სურვილითა და სხვა პრობლემებით ადამიანში პესიმიზმი და ხვალინდელი დღისადმი შიში დანერგა", - ბრძანებს საქართველოს პატრიარქი ილია II ერთ-ერთ ეპისტოლეში. მართლაც, ყოველივე ამის ფონზე განსაკუთრებულად იკვეთება ნარკომანიისა და ლოთობის პრობლემა, პრობლემა, რომლის მოუგვარებლობის შემთხვევაში ერს გადაგვარება ელოდება.

ეკლესიას აქვს ის ძალა, რომლის საშუალებითაც შესაძლებელია ნარკომანიისა და ლოთობისაგან ხსნა და თავდაცვა.

ლოთებს, რომლებსაც თეთრი ცხელება აქვთ დაწყებული (მათზე უკვე ბოროტი ბატონობს), ექიმები ცდილობენ, სამკურნალო პრეპარატებით უშველონ. სინამდვილეში, მედიკამენტებით მკურნალობა მხოლოდ სნეულების მძაფრ შეგრძნებას ხსნის. საავადმყოფოში სრული განკურნების გარანტია არ არსებობს, რადგან დემონურ ძალას ქიმიური საშუალებებით ვერ აჯობებ.

მართლმადიდებელ ეკლესიას დემონებთან ბრძოლის უდიდესი გამოცდილება აქვს, რომლის გამოყენების შედეგად სრული გამოჯანმრთელებაა შესაძლებელი. წარმატების პირველი და აუცილებელი პირობაა ის, რომ არავითარ შემთხვევაში არ უნდა გვეშინოდეს ბნელი ძალის. პირიქით, ჩვენი შიში ამ ძალთა აქტიურობის ერთგვარ პროვოცირებას ახდენს. ღირსი ანტონი დიდი წერდა: "თუკი ეშმაკები შეშინებულსა და დამფრთხალს გვხედავენ, მოჩვენებებითა და მუქარით უფრო გვაშინებენ".

გახსოვდეს, რომ საკუთარი ძალებით ვერაფერს მიაღწევ და ამიტომ ყველა ცდუნების დროს მოუხმე უფალ იესო ქრისტეს დახმარებისათვის. მაშინ შენს კეთილ ნებას შეეწევა ღვთიური ძალა, რომელიც სძლევს ყველა ცოდვას, ყოველგვარ ეშმაკისეულ ქმედებას. თუ სძლევ რაიმე ცოდვილ ლტოლვას, საკუთარ თავსა და ძალას კი ნუ მიაწერ ამას, არამედ მადლობდე უფალს, რომ მოგეხმარა ცოდვის ძლევაში. ხოლო თუ შენს თავს მიაწერ ყოველივე ამას, იმავე ცოდვებში ჩავარდები.

ხატები ჩვენი უხილავი მტრის წინააღმდეგ უდიდეს ძალას წარმოადგენენ. მათზე მადლია ღვთისა. ისინი ჩვენთვის ღვთისაგან გამოგზავნილი შემწეობაა. არსებობს განსაკუთრებული სიწმინდეები, საუკუნეებით ნალოცი სასწაულმოქმედი ხატები, რომლებშიც დაგროვილია მადლი სულისა წმიდისა. მათ, როგორც მცირე ნაკადულებს, ჩვენთვის ღვთისაგან მადლი მოაქვთ.

ლოთობისა და ნარკომანიისაგან განკურნების განსაკუთრებული ძალა ყოვლადწმიდა ღვთისმშობლის ხატს - "შეუსმელ ბარძიმს" გააჩნია. საყურადღებოა ამ ხატის ისტორია.

"შეუსმელ ბარძიმად" წოდებული ხატის გამოცხადება 1878 წელს მოხდა. ტულის გუბერნიის ეფრემოვის მაზრის ერთ-ერთი გლეხი, გადამდგარი ჯარისკაცი, მემთვრალეობის ვნებას ჰყავდა შეპყრობილი. მან მთელი თავისი სარჩო-საბადებელი ლოთობაში გაანიავა და მალე სრულიად გაღატაკდა. უზომო სმისგან მას ფეხები სავსებით წაერთვა, მაგრამ მაინც განაგრძობდა სმას. ერთხელ მას სიზმრისეულ ჩვენებაში ბერი ეჩვენა და უბრძანა, ქალაქ სერპუხოვის ყოვლადწმიდა ღვთისმშობლის მონასტერში ჩასულიყო, სადაც ღვთის დედის ხატი "ბარძიმი შეუსმელი" ბრძანდებოდა და მისი სავედრებელი პარაკლისი გადაეხადა.

მონასტერში მისულმა იქაურებს მოუთხრო თავის სიზმრისეულ ჩვენებაზე და პარაკლისის გადახდა სთხოვა, მაგრამ მონასტერში არავინ უწყოდა ღვთისმშობლის ამგვარი ხატის შესახებ. მაშინ იფიქრეს, სადიაკვნოს შესასვლელში რომ ხატი კიდია, ის ხომ არ არისო? მართლაც ხატის უკანა მხარეს ნახეს წარწერა: "ბარძიმი შეუსმელი". იქ მყოფ ერთ-ერთ ბერში დასნეულებულმა გლეხმა მაშინვე შეიცნო სიზმრად ნანახი ბერი. სერპუხოვიდან შინ გლეხი სავსებით გამოჯანმრთელებული დაბრუნდა.

ღვთის დედის ხატის საკვირველი განდიდების ამბავი მალე მთელ რუსეთს მოედო. მემთვრალეობის სენით შეპყრობილნი, მათი ახლობლები და ნათესავები იჩქაროდნენ, ლოცვები აღევლინათ სნეულებისაგან განკურნებისათვის ღვთისმშობლის ხატის წინაშე, ბევრი კი იმისთვის მოილტვოდა, რათა სამადლობელი შეეწირა დედოფლისთვის მისი უდიდესი წყალობის გამო.

რას გამოხატავს ეს ხატი? იკონოგრაფიული თვალსაზრისით იგი ღვთის დედის ერთ-ერთი უძველესი გამოსახულების "ორნატას" ტიპს მიეკუთვნება, ოღონდ ეგაა, რომ ღვთიური ყრმა ბარძიმში ფეხზე მდგომია გამოხატული. ბარძიმი მაკურთხებელი ღვთიური ყრმით - ესაა ბარძიმი ზიარებისა, რომელიც მომლოცველებს ყველა იმ კურთხევას ანიჭებს, რომელიც იესო ქრისტემ მიჰმადლა კაცთა ცოდვილ მოდგმას. ბარძიმი ესე მართლაც შეუსმელია, ანუ დაულეველი, რამეთუ ტარიგი მისი (ანუ შეწირული უფალი) "მარადის იჭამების და არა დაილევის". ხოლო დედა ღვთისა, ზეაპყრობილი ყოვლადწმიდა ხელებით, ყოველი ცოდვილისათვის ლოცულობს, ყველას ცხონება სურს, მდაბალი დამღუპველი მიდრეკილებების ნაცვლად იგი სულიერი სიხარულისა და ნუგეშის ამოუწურავი წყაროსაკენ მოუწოდებს. იგი ამცნობს, რომ სულიერი შეწევნისა და მოწყალების შეუსმელი ბარძიმი გამზადებულია თითოეული მათგანისთვის, ვისაც კი ეს სურს.

ხატის დღესასწაული აღესრულება 5 მაისს.

აქვე შეგიძლიათ წაიკითხოთ:

დღეს არის დღესასწაული ხატისა "ბარძიმი შეუსმელი", რომელსაც ლოთობისა და ნარკომანიისაგან განკურნების განსაკუთრებული ძალა გააჩნია

ბეჭდვაელფოსტა
17.05. 2015
t
lotobas xeli sheycko , masobrivma ymyshevrobam.
სხვა სიახლეები
13.07.2024
ხატი შეიქმნა XVIII-XIX საუკუნეებში კიევო-პეჩორის ლავრაში. მასში ჩასმულია პეჩორის წმინდანთა წმინდა ნაწილების ბევრი ფრაგმენტი - აქედან მომდინარეობს მისი სახელწოდებაც.
13.07.2024
ხატი დაწერილია ტემპერის საღებავებით ხეზე უცნობი მხატვრის მიერ XII საუკუნეში. ინახება მიძინების ტაძარში გორნო-ვოდენის რაიონში,
13.07.2024
აკათისტოს დიონისიატის, მირონმდინარე (ბერძნ. Παναγία των Χαιρετισμών ή του Ακαθίστου, Μυροβλύτισσα) ღვთისმშობლის ხატი,
12.07.2024
კუნძულ კვიპროსზე, იმ ადგილას, სადაც დაკრძალული იყო მართალი ლაზარე, 392 წელს ღვთისმშობლის ხატი გამოჩინდა
15.09.2023
მისი გამოჩინების დრო უცნობია. პოსელინინის მიხედვით 1914 წელს ეს წმინდა ხატი ვოლინის ეპარქიაში, სოფელ ვიგოვში იყო დასვენებული
02.09.2023
დომნიცის ღვთისმშობლის სასწაულთმოქმედი ხატი 1696 წელს ჩერნიგოვის ეპარქიაში, ქალაქ ბერეზინის სიახლოვეს, მდინარე დომნიცის სანაპიროზე გამოჩნდა.
02.09.2023
ეს წმინდა ხატი პოშეხონის გუბერნიაში, პოშეხონის ოლქში 1659 წლის 25 ნოემბერს გამოჩნდა. 1659 წლის 25 ნოემბერს ტყეში ყოფნისას
02.09.2023
ვოლოგდას გუბერნიაში, კუბენის ტბის ახლოს, გადაჭიმულია სიამის თემი, რომლის მიწები ჯერ კიდევ მე-14 საუკუნეში
02.09.2023
კურსკი-კორენის ღვთისმშობლის ხატი რუსული ეკლესიის ერთ-ერთი უძველესი ხატია. XIII საუკუნეში, თათრების შემოსევის დროს,
02.09.2023
გადმოცემის მიხედვით, რომელიც ეპისკოპოს იაკობის მიერაა ჩაწერილი, წმიდა ლუკა მახარებლის მიერ დაწერილი ღვთისმშობლის ხატი სხვა ხატებთან ერთად
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
ჟურნალი
ჟურნალის ბოლო ნომრები:
ბიზანტიაში ლეონ დიდის, მაკედონელის (457- 474 წლები) ზეობისას მეფესთან დაახლოებული პირნი, ძმები, გალბიუსი და კანდიდე, წმინდა მიწის მოსალოცად გაეშურნენ.

casino siteleri 2023 Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eşya depolama istanbul-depo.net papyonshop.com beşiktaş sex shop şehirler arası nakliyat ofis taşıma kamyonet.biz.tr malatya temizlik shell aspx shell umitbijuteri.com istanbul evden eve nakliyat

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canlı casino malatya ara kiralama

casino siteleri bedava bonus bonus veren siteler bonus veren siteler
temp mail uluslararası nakliyat