მე მხოლოდ პირველი ნაბიჯის გადადგმა მომეთხოვება, ყველაფერს საღმრთო მადლი დაასრულებს
მე მხოლოდ პირველი ნაბიჯის გადადგმა მომეთხოვება, ყველაფერს საღმრთო მადლი დაასრულებს
მამებმა აკურთხეს ნექტარიოსი მოწამებრივი აღსასრულისთვის
წმინდა ღირსმოწამე მცირე აზიაში, სოფელ ვურლაში, ღვთისმოშიშ ქრისტიანთა ოჯახში დაიბადა 1799 წელს. წმინდა ნათლისღებით ნიკოლოზი უწოდეს. 17 წლისა გახლდათ, მამა რომ გარდაეცვალა და დედამ ვინმე ჰუსეინ აღას მიაბარა მეცხვარედ. ამ დროს ეფესოს მხარეში ჭირი მძვინვარებდა. მოსახლეობა სოფლებს გაერიდა. ნიკოლოზიც გახიზნულიყო სხვა ექვს ბერძენ ბიჭთან ერთად. აღამ დრო იხელთა და აცდუნა: "ჭირმა მარტო ქრისტიანები დახოცა; თქვენც ეგ გელით, თუ ალაჰს არ იწამებთო". ერთი სიტყვით, ბიჭები წინადაცვითეს და თურქული სამოსით შემოსეს.

ჭირი შეწყდა და ხალხი სახლებს დაუბრუნდა. დაბრუნდა ჰუსეინ აღაც. ნიკოლოზმა შეიტყო, რომ დედა გადარჩენოდა და გახარებული შინისკენ გაიქცა. თურქულ სამოსში გამოწყობილი რომ დაინახა, დედა ყველაფერს მიხვდა და შვილს მრისხანედ უთხრა: განვედ ჩემგან, ვეღარ გცნობო! ნიკოლოზი თავის მართლებას მოჰყვა, მუსულმანობა მოტყუებით მიმაღებინესო, მაგრამ ქალი ამან უფრო განარისხა: "მე შენ ქრისტიანად გაგაჩინე და არა თურქად, განმეშორე და აღარ დამენახოო!" მისმა სიტყვებმა სულის სიღრმემდე შეძრა ბიჭი, შეიგნო სიმძიმე თავისი ცოდვისა და შერცხვენილი სმირნაში, ბიძასთან გაეშურა. მისი უბედურების ამბავი რომ მოისმინა, ბიძამ ევროპული ტანსაცმელი გადააცვა, ფულიც მისცა და დაარიგა, კონსტანტინოპოლის გავლით რუსეთში წადი და იქ შეინანე შენი საქციელიო. მართლაც გაემგზავრა ნიკოლოზი კონსტანტინოპოლში, იქიდან კი ვალახიაში, მაგრამ რუსეთში რატომღაც აღარ წასულა და უკან, სმირნაში დაბრუნდა. მაშინ კი ბიძამაც გააგდო. მაგრამ ღმერთმა არ მიატოვა მონანული ცოდვილი. საბედნიეროდ, იმ დროს სმირნაში ერთი მთაწმინდელი მოძღვარი ჩამოსულიყო. ქრისტიანებმა ნიკოლოზი მას მიუყვანეს. მოძღვარმა აღსარება ათქმევინა, მერე კი ურჩია, ათონის მთაზე წასულიყო. ისიც სიხარულით დათანხმდა.

ათონზე ნიკოლოზი თანამემამულე ბერს შეხვდა და მასთან დასახლდა. ბერმა ერთ გამოცდილ მოძღვარს ჩააბარა.

გავიდა ხანი და ნიკოლოზს გული საღმრთო სიყვარულით აღევსო. გადაწყვიტა, უარყოფის სანაცვლოდ, ქრისტესთვის სისხლი დაეღვარა. მოძღვარმა უთხრა: ვაითუ ვერ გაუძლო, შვილო, წამებას და ქრისტე მეორედ უარყო. დარჩი ათონზე და სულიერად განძლიერდიო. ნიკოლოზმაც თავის გამოსაცდელად და მეტი სულიერი ღვაწლისთვის წმინდა ანას სკიტს მიაშურა, სადაც მისი თანამემამულე ბერი, მამა სტეფანე მოღვაწეობდა. მანვე აღკვეცა ბერად და ნექტარიოსი უწოდა.

დიდ ღვაწლს მისცა თავი ნექტარიოსმა: ღამისთევას, ლოცვას, მუხლთადრეკას... საკვებად მხოლოდ პური და წყალი ჰქონდა. გავიდა ხანი და ნექტარიოსიც განემზადა მოწამებრივი აღსასრულისთვის. მოძღვარს სთხოვა, ამის ნება მიეცა. მამა სტეფანემ ეს საკითხი მარტომ ვერ გადაწყვიტა და რჩევა გამოცდილ მოძღვრებს ჰკითხა. ნექტარიოსის სიყმაწვილის შემხედვარეთ, ეშინოდათ, ვაითუ წამებას ბოლომდე ვერ გაუძლოსო. ის კი თავმდაბლად მიუგებდა: მე მხოლოდ პირველი ნაბიჯის გადადგმა მომეთხოვება, ყველაფერს საღმრთო მადლი დაასრულებსო. როცა მისი მტკიცე სურვილი იხილეს, მამებმა აკურთხეს ნექტარიოსი მოწამებრივი აღსასრულისთვის. მამა სტეფანე კი თან გაჰყვა, რათა განსაცდელის ჟამს სულიერი შვილისთვის ნუგეში ეცა.

ნექტარიოსი სამშობლოში დაბრუნდა, რათა სწორედ იქ დაეთხია სისხლი, სადაც უფალს უღალატა. შინ არც კი მისულა, თურქული სამოსი ჩაიცვა და ბაირამობამდე თავს ჭეშმარიტ მუსულმანად აჩვენებდა. სამი დღის შემდეგ მსაჯულის წინაშე წარდგა: "ეფენდი, შენ ალბათ ფიქრობ, რახან თურქული ტანსაცმელი მაცვია, მუსულმანი ვარ. ცდები, ქრისტიანად დავიბადე და ჭეშმარიტ ქრისტიანად ვრჩები. სიყმაწვილეში ჰუსეინ აღასგან მოტყუებულმა ქრისტიანული რწმენა უარვყავი, ახლა კი მოვედი, რათა საქვეყნოდ ვაღიარო იგი, მსურს, ჩემი დიდი დაცემა სისხლის დათხევით გამოვისყიდო". მოიხადა ფესკა, მიწაზე დააგდო და ფეხით გათელა. მისმა სიმამაცემ განაცვიფრა ყადი: "შვილო, ვხედავ, ახალგაზრდა ხარ და გონივრულად ვერ განსჯი. ნუ უღალატებ ალაჰს". "ჩემი სიყმაწვილე ნუ განაღვლებს, - ღიმილით მიუგო ნექტარიოსმა, - შენ მარტო ბრძანე ჩემი წამება და ნახავ, უფლის მიერ განძლიერებული როგორ დავითმენ სატანჯველს. დიდი ხანია ყველაფერი ავწონ-დავწონე, თორემ აქ არ მოვიდოდი დასაწყევლად მაჰმადისა, ვითარცა ცრუსი და ძისა სატანისა". ყადის ენანებოდა ტანჯვისთვის ყმაწვილი და უკან გაუშვა, - წადი და კიდევ ერთხელ დაფიქრდიო.

მეორე დღეს ნექტარიოსი კვლავ გამოცხადდა ყადის წინაშე და აღიარა ქრისტე მაცხოვარი. მაშინ კი დილეგში ჩააგდეს წმინდა მოწამე, ფეხებზე ხუნდები დაადეს და კისერზე მძიმე ჯაჭვი ჩამოჰკიდეს. მის მოსანადირებლად მდიდარი მუსულმანები მიდიოდნენ, უთვალავ საგანძურს ჰპირდებოდნენ, მაგრამ ნექტარიოსისთვის ამქვეყნად უდიდესი სიმდიდრე ფეხებზე დადებული ხუნდები იყო და მათ არაფერზე გაცვლიდა.

ხუთი დღის შემდეგ წმინდანი კვლავ მიჰგვარეს ყადის, მაგრამ ვერც მისმა ალერსმა და ვერც მუქარამ რწმენა ვერ შეურყია ნექტარიოსს. მაშინ წინანდელზე უფრო დიდი ჯაჭვი დაადეს ქედზე, ფეხებიც შეუბორკეს. მრავალი სატანჯველი მიაყენეს წმინდანს: არგნით სცემდნენ, თავზე გავარვარებულ რკინის ქვაბს ადგამდნენ, აწამებდნენ... და ასე რამდენიმეგზის. წმინდანი გონებას კარგავდა... ჩააგდებდნენ საპყრობილეში, ის კი მეორე დღეს უფლის მიერ განკურნებული საღ-სალამათი წარუდგებოდათ ხოლმე.

ყადი დაიბნა, მიხვდა თავის უძლურებას ამ ყმაწვილის რწმენის წინაშე და მისთვის თავის მოკვეთა ბრძანა. წმინდა ნექტარიოსი 1820 წლის 11 ივლისს აღესრულა, მხოლოდ 21 წლისა.

მისი სხეული თურქებმა ამომშრალ ჭაში ჩააგდეს და მიწა მიაყარეს. რამდენიმე ხნის შემდეგ ღვთისმოშიშმა ქრისტიანებმა ჭა გათხარეს, წმინდა ღირსმოწამის ცხედარი ამოასვენეს და დაინაწილეს - ნაწილი მამა სტეფანემ წააბრძანა ათონზე, ნაწილი ადგილობრივ ქრისტიანებს ერგოთ, ნაწილი კი - წმინდა ნექტარიოსის ღვთისმოშიშ დედას.

წმინდა ღირსმოწამე ნექტარიოსის ხსენებას კონსტანტინოპოლის საპატრიარქო აღნიშნავს. ჩვენც შეგვეწიოს მისი წმინდა ლოცვა!
ბეჭდვაელფოსტა
კომენტარი არ გაკეთებულა
სხვა სიახლეები
25.01.2022
ლიცინიუსის მეფობის დროს (321 წელს აღმოსავლეთ ბიზანტიის სამეფოს იმპერატორი გახდა, რომელიც 324 წელს კონსტანტინე დიდმა სიკვდილით დასაჯა), რომელიც მეტად სასტიკი წარმართი იყო,
25.01.2022
წმინდა მოწამე მერტი რომის ლაშქრის მხედარი იყო. იგი იმპერატორ დიოკლეტიანეს დროს ქრისტეს სახელისთვის ეწამა აფრიკაში.
25.01.2022
იოანე ზოსიმეს კალენდარში 12 იანვარს არს ხსენება ფილოთეოს მოწამისაჲ და მოყვასთა მისთაჲ.
24.01.2022
წმინდა პეტრე აბესალომიელად წოდებული, წარმოშობით პალესტინის ერთ პატარა ქალაქ ანეადან იყო, რომელიც ქალაქ ელევეროპოლოსის გვერდით მდებარეობდა.
24.01.2022
მოწამე ტატიანა დიდგვაროვან რომაელთა ოჯახში იშვა. მამამისი სამგზის იყო არჩეული კონსულად. იგი ფარული ქრისტიანი გახლდათ,
22.01.2022
წმინდა ანატოლი მეცხრამეტე საუკუნის ბოლოს დაიბადა, სემინარიის დასრულების შემდგომ კიევის სასულიერო აკადემიაში ჩაირიცხა,
22.01.2022
წმინდა პართენა მაკედონიის ქალაქ ედესაში ცხოვრობდა, ბავშვობიდანვე გამოირჩეოდა კეთილშობილებით და ღვთის სიყვარულით.
22.01.2022
ნეტარი პოლიევქტო და ნეარქი იმპერატორ დეციუსის (249-251) ლაშქარში მსახურობდნენ, ქრისტესთვის კი ვალერიანის (253-259 წლები) ზეობისას ეწამნენ.
21.01.2022
[სამოელ კათალიკოსის ეპისტოლე იოანე საბანისძის მიმართ]
მე, სამოელ ქრისტესმიერ ქართლის კათალიკოსი, უფალ იოანე საბანისძეს, წმინდა კათოლიკე ეკლესიის სულიერ შვილს და ჩვენთვის საყვარელს, ლოცვით უფლის მიერ მოგიკითხავ.
20.01.2022
წმიდა მოწამე ივლიანე ეგვიპტის ქალაქ ანტინოეში, შეძლებულ ოჯახში დაიბადა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ჟურნალი
ჟურნალის ბოლო ნომრები:
ეს ხატი ბრძანდება ათონზე, კარეესში, წმინდა საბა განწმენდილის  კელიასთან მდებარე ეკლესიაში, რომელიც ქილანდარის მონასტერს ეკუთვნის.

istanbul evden eve nakliyat fabrika taşımacılığı eşya depolama ofis taşıma bostancı nakliyat skdar nakliyat ehirler aras nakliyat ehirler aras nakliyat cretleri ehirler aras nakliyat transfernakliyat.com.tr eya depolama sex shop

restbet restbet tv restbet giriş restbet restbet güncel restbet giriş restbet restbet giriş restizle betpas betpas giriş pasizle betpas betpas giriş pasizle iskambil oyunları rulet nasıl oynanır blackjack nasıl oynanır guvencehd.org heceder.org trke casino 30 tl deneme bonusu aviator oyunu betexper Deneme bonusu veren siteler heceder.org