მას გულით სურდა გალობა
მას გულით სურდა გალობა
ყოველდღე დავდიოდი ეკლესიაში, როცა კი ღვთისმსახურება აღესრულებოდა. მგალობლებმა შემამჩნიეს და საგალობლად მიმიწვიეს. მანამდე სიმღერაც კი არასოდეს მეცადა, რადგან არც სმენა მქონდა და არც ხმა, მაგრამ უფლის გულისთვის გადავწყვიტე, ეკლესიის გუნდში მეგალობა და რაკი არც გალობისა გამეგებოდა რამე და არც ხმები ვიცოდი, მხოლოდ "უფალო, შეგვიწყალესა" და "ამინს" ვგალობდი. ყოველნაირად ვცდილობდი, სწორად ამეღო ბგერა და მომდევნოც გამომეცნო, რათა პირი დროზე გამეღო. მეგონა, ასე თუ ისე გამომდიოდა, მაგრამ სხვები ასე არ ფიქრობდნენ. გავიდა ორი თუ სამი დღე და მედავითნე ქალმა, რომელიც ჩვენს გუნდს ხელმძღვანელობდა, მითხრა, რომ არც ხმა მქონდა და არც სმენა. არ მწყენია, რადგან ვიცოდი, რომ ასე იყო. მოხუცმა მგალობლებმა კი დამიცვეს - მთავარია, რწმენა და მონდომება ჰქონდეს, უფალი კი ხმასაც მისცემს და სმენასაცო.

- როგორ არა! - შეეპასუხა მედავითნე, - თუკი სმენა ბუნებით არა გაქვს, საიდან გაიჩენ? ხოლო თუკი ღმერთმა ხმაც არ მოგცა, განსავითარებელიც არაფერი გექნებაო.

"რა მინდოდა გუნდში? - დამწუხრებული ვსაყვედურობდი თავს შინისაკენ მიმავალი, - არც ხმა მაქვს, არც სმენა, მე კი ეკლესიის მგალობლობა მოვინდომე! ღმერთო, შემიწყალე! ახლა რაღა ვქნა?!"

საშინელ გუნებაზე მივედი შინ და ღამის ლოცვების კითხვა დავიწყე. არც კი მესმოდა, რას ვკითხულობდი. კანონი ძლივს ჩავიკითხე ბოლომდე, მერე კი გულით მივმართე ღვთისმშობელს და მხურვალედ შევევედრე:

- დედაო ღვთისა! შენს ტაძარში მოვედი, გუნდში მიმიწვიეს, მე კი გალობა არ ვიცი, გევედრები, მომეცი ხმა, რომ ჯეროვნად შევძლო უფლის, ძისა შენისა იესო ქრისტეს, განდიდება!

რამდენიმე საათი განუწყვეტლივ ვლოცულობდი, თან მეტანიებსაც აღვასრულებდი. უეცრად საკვირველი კეთილსურნელება შევიგრძენი - ნაზი, დახვეწილი, თუმცა კი ძლიერი, საღამოს კი ვიგრძენი, რომ სულიცა და სხეულიც მადლით ამევსო. ისეთი ნეტარებითა და სიყვარულით გავიმსჭვალე, როგორიც არასდროს განმეცადა. მივხვდი, რომ უფალმა შეისმინა ჩემი ვედრება და კვლავ და კვლავ ვიმეორებდი: "დედაო ღვთისა, მომანიჭე ხმა და სმენა!" - და აი, ერთბაშად ვიგრძენი, რომ ხმა მომივიდა.

დილით, ტაძრისკენ რომ მივდიოდი, მთელი გზა ვგალობდი, ტაძარში კი აღმოჩნდა, რომ ორ ხმაზე შემეძლო გალობა - ტენორითა და ბარიტონით.

გუნდის ყველა მგალობელს გაეხარდა ჩემი ამბავი. მთხოვდნენ, ხან პირველი ხმა მეთქვა, ხან - ბანი.

ჩვენს მედავითნეს, რომელიც გუნდს ხელმძღვანელობდა, სულ აღარ ახსოვდა თავისი წინასწარმეტყველება და წამდაუწუმ მეკითხებოდა, სწორად თუ ვიღებ ბგერასო.

ასე აღსრულდა ჩემზე საღმრთო წერილის სიტყვები: "ძალა ღმრთისა უძლურებასა შინა სრულ-იქმნებისო".

კაცთაგან არაფერი მისწავლია, ღვთის შეწევნით ავითვისე რვახმა (პარაკლიტონი) და ტიბიკონი (რა ძნელი საქმეა ეს, ეკლესიის ყოველმა მგალობელმა იცის).

ასეთი ამბები სხვებისგანაც მსმენია. თუკი ღმერთი სადმე სამსახურს განგიწესებს, იმასაც მოგანიჭებს, რაც კი ამ მსახურებისთვისაა აუცილებელი. ოღონდ კი რწმენა გქონდეს და რაც გინდა, სთხოვე უფალს ეკლესიის სარგებლობისათვის. ის უსათუოდ შეისმენს შენს ვედრებას.

"დედა ღვთისმშობლის სასწაულები", "მართლმადიდებლობა
XX საუკუნეში", კრებული მეორე, თბილისი, 1997 წ.


მოამზადა

ნინო ჩარგეიშვილმა
ბეჭდვაელფოსტა
კომენტარი არ გაკეთებულა
სხვა სიახლეები
23.10.2019
ათენში მცხოვრები ჩვენი თანამემამულე და მეგობარი ეკატერინე ღონიაშვილი სოციალური ქსელით სულისათვის ბევრ სასარგებლო ინფორმაციებს გვთავაზობს.
15.08.2019
კუნძული კეფალონია(საბერძნეთი), რომელიც იონიის ზღვაში მდებარეობს, მარტო იმით არაა გამორჩეული, რომ ერთ-ერთი ყველაზე დიდი კუნძულია ამ ზღვაში.
17.12.2018
მოძღვრის დღიურიდან - წმინდა ბარბარეს ხილული საწაულები
23.11.2018
ლომისას წმინდა გიორგის ტაძარში ახლაც ინახება საყელურიანი დიდი რკინის ჯაჭი.
23.07.2018
წმინდა გერსიმეს სასწაულზე ჩვენი მეგობარი ესმა ღონიაშვილი ბერძნულიდან ნათარგმნი წიგნების მიხედვით უცნობი მ.პ.კუნზულ ევბიას ამბავს გვამცნობს:
19.07.2018
მოციქულ იოანეს დროს, ეფესოში ცხოვრობდა ერთი ქრისტიანი, რომელიც იმდენად გაღატაკდა,
18.07.2018
წმინდა პაისის ურიცხვი სასწაულებიდან გავიხსენებ ერთ-ერთს: ერთი მძღოლი რეგიონიდან თესალონიკში მიემგზავრებოდა. იგი ერთმა მოხუცებულმა მონაზონმა გააჩერა და ჰკითხა:
07.04.2018
პირველი ცნობა მადლმოსილი ცეცხლის გადმოსვლის შესახებ ეკუთვნის მეოთხე საუკუნის ცნობილ ისტორიკოსსა და სასულიერო მოღვაწეს ევსევი კესარიელს
28.04.2017
ეს იმის ნიშანია, რომ ეკლესიურად და ერთმანეთის სიყვარულში უნდა ვიცხოვროთ

ინერნეტ სივრცეში აფხაზეთში მომხდარი სასწაულების შესახებ გავრცელებულმა ინფორმაციამ ბევრი ჩვენთაგანი საგონებელში ჩააგდო.
20.03.2017
-ერთხელ, დილის წირვის შემდეგ ბერები ჩვეულებისამებრ ცდილობდნენ წმინდანის სასახლის გახსნას, მაგრამ ვერაფრით გახსნეს, ამ დროს ტაძარში შემოვარდა შეშინებული მამაკაცი,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
ჟურნალი
ჟურნალის ბოლო ნომრები:
ყოვლადწმინდა ღვთისმშობლის მრავალი ხატი იწერება დღეს საქართველოში, მრავალი სასწაულმოქმედი ხატის ასლიც ჩამობრძანდა დედა ღვთისას წილხვედრ მიწაზე, მაგრამ რატომღაც მივივიწყეთ ჩვენს წინაპართა მიერ განდიდებული ხატები.
ასეთია აწყურის ღვთისმშობლის ხატიც - ყოვლადწმინდა ქალწულის პირველი გამოსახულება, რომელიც შემობრძანდა და დაემკვიდრა საქართველოში, რომლის მეშვეობითაც ივერიელებმა პირველად ვიხილეთ მფარველი და პატრონი ჩვენი ქვეყნისა.