კითხვა-პასუხი
კითხვა-პასუხი
* რატომ აქვს კათოლიკურ ჯვარცმაზე მაცხოვარს ფეხები გადაჯვარედინებული?
- პრინციპული მნიშვნელობა არ აქვს იმას, თუ როგორ ექნება მაცხოვარს ფეხები. თუმცა, მართლმადიდებლური ტრადიციით, ჯვარცმისას ქრისტემ ოთხი სამსჭვალი დაითმინა. ჩვენი რწმენით, ამგვარი ჯვარცმა (ოთხი სამსჭვალით) უფრო ასახავს ისტორიულ რეალობას. ამასვე გვიდასტურებს საეკლესიო გადმოცემა, ამიტომ პატივი უნდა მივაგოთ ჩვენს ტრადიციას.

* შეიძლება თუ არა, მდუმარედ ვილოცო, ხმისა და ბუტბუტის გარეშე?

- გულია ის საუნჯე, სადაც უნდა შევიდეს ადამიანი ღმერთთან სასაუბროდ. გულია ის საკურთხეველი, სადაც აღევლინება და შეიწირება ღვთის წინაშე ადამიანის ლოცვები. ხოლო ლოცვის ფორმა მრავალნაირი და განსხვავებული შეიძლება იყოს. ტაძარში, საზოგადო ღვთისმსახურებისას, გონება და გული იქ წარმოთქმულ ლოცვებსა და აღვლენილ საგალობლებს უნდა ავაყოლოთ. შინ, ხატებთან, შეიძლება სიტყვითაც ვილოცოთ - ხმამაღლა, ჩურჩულით ან მდუმარედ, გულში. მაგრამ ლოცვა არ დაიყვანება მხოლოდ სიტყვების წარმოთქმამდე (ხმამაღლა იქნება ეს თუ გულში). ლოცვა უპირველეს ყოვლისა გულში ღვთის სიყვარულის განცდაა, ეს განცდა კი მუდამ უნდა ჰქონდეს ადამიანს. ასეთ დროს ადამიანს ღმერთთან უსიტყვო დიალოგი აქვს გამართული. მთავარია, გულით ვიყოთ უფალთან, ლოცვის ფორმა კი, საჭიროების მიხედვით, სხვადასხვა შეიძლება იყოს.

* რატომ მივმართავთ ღმერთს შენობით?

- ღმერთთან ურთიერთობა უაღრესად ინტიმურ ხასიათს ატარებს. უფალი მამაა ჩვენი და თქვენობით მიმართვა მასთან გაგვაუცხოებს. ღმერთი ყველაზე ახლობელი და ძვირფასი პიროვნებაა ჩვენთვის, იგი მეგობარია ჩვენი და ბუნებრივია, მას მხოლოდ შენობით უნდა მივმართოთ. სხვანაირად ეს სიახლოვე (მისგანვე მომდინარე) დაიკარგება.
ბეჭდვაელფოსტა
კომენტარი არ გაკეთებულა
სხვა სიახლეები
19.01.2016
შეიძლება თუ არა ერთი ბავშვის ნათლია ორი და იყოს?
ორი დის მიერ ბავშვის მონათვლა დანაშაული არ არის. მთავარია, ნათლიებს გააზრებული ჰქონდეთ მათი მოვალეობა ღვთისა და ერის წინაშე
23.12.2010
მოგეხსენებათ, რომ ჟურნალი "კარიბჭე" თვეში ერთხელ შეხვედრებს აწყობს ჯვართამაღლების სახელობის ტაძრის წინამძღვართან, დეკანოზ თეოდორე გიგნაძესთან.
04.03.2010
შეხვედრა მამა თეოდორე გიგნაძესთან

რატომ აკურთხებენ ხატებს?

ხატების კურთხევის საღვთისმეტყველო განმარტება ასეთია:
19.02.2009
"კარიბჭემ" 22 იანვარს კიდევ ერთ წამოწყებას ჩაუყარა საფუძველი. "შეხვედრა მოძღვართან" - ასე ერქვა საღამოს, რომელიც თბილისის ნიკოლოზ ბარათაშვილის სახლ-მუზეუმში გაიმართა. ეს იყო გულწრფელი დიალოგი ჟურნალის კონსულტანტ დეკანოზ თეოდორე გიგნაძესა და მსმენელს შორის.
20.03.2008
* რატომ არ დაიშვებიან მშობლები შვილის ნათლობის საიდუმლოს აღსრულებაზე?
არანაირი საეკლესიო აკრძალვა იმის შესახებ, რომ ნათლობის საიდუმლოს აღსრულებაზე ბავშვის მშობლები არ დაიშვებიან, არ არსებობს.
07.02.2008
* როგორ უნდა ვილოცოთ დედათა წესის დროს?

დედათა წესი ქრისტიანად ყოფნისგან არ გათავისუფლებთ, ამ პერიოდშიც ქრისტიანად რჩებით და გევალებათ როგორც ლოცვა, ისე მარხვა.
10.01.2008
* რა განწყობილებით უნდა შეეგებოს ახალ წელს მართლმადიდებელი ქრისტიანი?

- ფაქტია, რომ უკლებლივ, დიდს თუ პატარას, გაცნობიერებულად თუ გაუცნობიერებლად უხარია ახალი წელი.
13.12.2007
* 17 დეკემბერს აღესრულება დიდი დღესასწაული წმინდა ბარბარესი. ამ დღესასწაულთან დაკავშირებით, არაერთი ხალხური ტრადიცია შემოგვრჩა, თუნდაც ბარბარობის "ბედობის დღედ" მოხსენიება...
29.11.2007
* ვისთან გავარკვიოთ ხატის კანონიკურობა და რომელი წმინდანების ხატები უნდა ვიქონიოთ შინ?
15.11.2007
* რა მიზანი ექნება უფლის მეორედ მოსვლას და მართლა იქნება თუ არა მკვდრეთით აღდგომა საშინელი სამსჯავროს დროს?
- თქვენ რა საკითხებიც გაინტერესებთ - ეს არის ქრისტიანული ეკლესიის ფუნდამენტური მოძღვრება, რომლის გარეშეც ეს ეკლესია არ იქნებოდა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ხსენება საკვირველებისა, ქმნილისა მთავარანგელოზისა მიქაელის მიერ კოლასეს (ხონას) შინა.