"კარიბჭის" რედაქტორი მკითხველს მიმართავს: თქვენ წყვეტთ - გჭირდებათ თუ არა ჟურნალი
"კარიბჭის" რედაქტორი მკითხველს მიმართავს: თქვენ წყვეტთ - გჭირდებათ თუ არა ჟურნალი
ჟურნალ "კარიბჭის" მთავარი რედაქტორი თამარ მამაცაშვილი:
მინდა გაცნობოთ ერთი სამწუხარო ინფორმაცია - ჟურნალი "კარიბჭე" სექტემბრის თვიდან ალბათ დაიხურება და აღარ გამოიცემა.
ამის მიზეზი კი ის არის, რომ ჟურნალის ტირაჟმა დაიკლო და მეორე წელია, წამგებიანი პროექტი გახდა. ძალიან გვტკივა გული: დღეს, როცა ასეთი საყოველთაო შეტევაა ეკლესიაზე, მართლმადიდებლობაზე, ალბათ არ არის ჟურნალის დახურვისთვის შესაფერისი დრო. უკვე რამდენიმე თვეა, რაც ჟურნალი ყოველთვიურ გამოცემაზე გადავიდა, ჩვენ გამომცემელთან ერთად ვეძებთ გამოსავალს, მაგრამ ამაოდ.

ძნელი დასაჯერებელია ჩვენთვის, რომ ეს ყველაფერი ისტორიას ჩაბარდება და "კარიბჭე" მართლა აღარავის სჭირდება. ჟურნალი ჯერ კიდევ შედის ციხეებში, მიდის მონასტრებში, იგზავნება ეპარქიებში. მისი ფასი გამოცემის დღიდან არ შეგვიცვლია და უკვე 14 წელია, "კარიბჭე" 1 ლარი ღირს. მოდი, დავფიქრდეთ, რა ღირს დღეს კიდევ 1 ლარი? და ეს ფასი ჟურნალს იმის შედეგად შევუნარჩუნეთ, რომ რედაქციის წევრები ფაქტობრივად მოხალისეებად მუშობდნენ თქვენთვის, გამომცემლობა კი მეორე წელია ინახავს ზარალზე მყოფ ჟურნალს. რომ იცოდეთ, რა ანაზღაურების ფასად იქმნებოდა ჟურნალი ამ წლების განმავლობაში, ალბათ გაოცდებით. მაგრამ ამის მიუხედავად, თავდაუზოგავად ვშრომობდით, რადგან მიგვაჩნდა, რომ ეს აუცილებელი იყო ქვეყნისთვის, ერისთვის, ჩვენთვის და თქვენთვისაც. დღეს კი გვეუბნებიან, რომ ეს აღარავის სჭირდება. რომ სჭირდებოდეს - გაიყიდებოდაო. ალბათ ასეც არის. და ეს ყველაზე მეტად გვტკენს გულს.

აი, ეს ადამიანები არიან "კარიბჭელები", ნეტავ იცოდეთ, როგორი გულწრფელები, ქვეყნისა და ეკლესიის ერთგულები, სიყვარულით ანთებულები. უფლის ნებით და წყალობით, ამ ადამიანების ხელით კეთდებოდა საოცრებები ამ წლების განმავლობაში. მათ შექმნეს ჟურნალის უნიკალური არქივი, რომელიც ჩვენს საიტზე ეტაპობრივად იტვირთება, მათ შექმნეს არაერთი ორიგინალური რუბრიკა, რომელიც ხშირად პროექტად ყალიბდებოდა და წიგნებადაც გამოიცემოდა.

რედაქციაში მზადდებოდა ის წიგნები, "კარიბჭის" საოცარი ბიბლიოთეკის სახით რომ შემოვიდა თქვენს ოჯახებში ჟურნალთან ერთად. გადავხედოთ ამ პროექტებს:  "კარიბჭე ბავშვებისათვის", სინოფსისი, პროექტი ყმაწვილთათვის - "ქრისტეს გზა", იაკობ გოგებაშვილის "საღმრთო ისტორია", "საქართველოს იმედი", "თვენი". ახლა კი გამოდის მეტად საჭირო პროექტი "მეგზური სიკეთის სამყაროში". მაგრამ ალბათ მოგვიწევს ამ პროექტის შეჩერებაც.

აი, ამ გულანთებული გუნდის დაშლა დღეს არის ყველაზე ცუდი რამ. არ ყოფილა არცერთი შემთხვევა ჩვენი გამოცემის ისტორიაში, რომ ტირაჟის გაზრდის ან ანგარების მიზნით თუნდ ერთი პუბლიკაცია მაინც დაგვებეჭდოს ისეთი, მკითხველის სულს მიზანმიმართულად რომ დააზიანებდა, ეკლესიას რომ ზიანს მიაყენებდა. გვქონდა შეცდომები - უშეცდომო კი არავინაა, მაგრამ თუ რამე გვეშლებოდა, მხოლოდ უნებლიედ და ამ შეცდომებისთვის შენდობას გთხოვთ, ჩვენო მკითხველო.
ველოდებით საბოლოო გადაწყვეტილებას, დარჩა 1 თვე და ამ თვის გაყიდვების მონაცემები გადაწყვეტს "კარიბჭის" ბედს. ამ წერილით უბრალოდ გვინდა გაცნობოთ, რა ხდება ჩვენთან, დანარჩენი კი თქვენთვის მომინდია, ჩვენო მკითხველო. თქვენ წყვეტთ - გჭირდებათ თუ არა ჟურნალი.

P.S.: ველოდებით თქვენგან გამოხმაურებებს - იქნებ გამოსავალი ერთად ვიპოვოთ.
ბეჭდვაელფოსტა
15.06. 2018
nino
zalian miyvars tkveni jurnali.samwuxarod mxolod elektronul gverds vstumrob xolme chemi cxovrebis ganrigis gamo.bevri ram viswavle tkveni jurnalidan da madloba amistvis.chemi azrit axla ufro zlieri suliskvetebis gamovlenaa sajiro tkveni mxridan.tu sakmes waadgeba aucileblad viyidi am tvis nomers
14.06. 2018
ირაკლი
ერი დაიხურა სამწუხაროდ ქალბატონო, ვერა ხედავთ ყოფილი ერიც კი აღარა ვართ . საქართველო გახდა სპექტაკლების, უჯიშოების და ყველაფერი რახიტიანის საბუდარი, გადავჯიშდით საბოლოოდ ....................
14.06. 2018
მამუკა
უნდა იყოს ერთი ჟურნალი, საერთო, ეკლესიური. რა საჭიროა ამდენი ჟურნალი? თუკი რაიმეს დაწერენ მაგალითად სხვა ჟურნალში და მიუტან და წააკითხებ მღვდელს, გეტყვის ეს მაგათი ჟურნალიაო. ანუ თავად იერარქიაში არ ენდობიან ერთმანეთს. მაცხოვარმა კი თქვა ამით გიცნანო რო ჩემი მოწაფეები ხართო, რომ გიყვარდეთ ერთმანეთიო. შეიძლება ბიზნესი იყოს ქვეყანაში სულიერობით? ეს ხომ ვაჭრობაა იგივე სულიწმინდით. საერთოდ რა საჭიროა თუნდაც ერთი ლარი ღირდეს ჟურნალი? უნდა იყოს უფასო. ასეა, ფულზე ხურდავდება ყველაფერი. საეკლესიო გამოცემების მიმართ თავად იერარქიაშიაუნდობლობა და რაღა მოვთხოვოთ მრევლს? პირადი ამბიციებისგან როდის უნდა გათავისუფლდეს იერარქია? უნდა იყოს ერთსულოვანი ჟურნალი. ამის კურთხევით, იმის კურთხევით, მერე მრევლიც გაყოფილია. უნდა იმსჯელონ ამაზე. შეიკრიბოს ყველა ჟურნალის რესაქტორი და იმსჯელონ, შეთნხმდნენ რომ არ გამოიწვიონ ერის გაყოფა. რაზე გვწყდება გული? რომ იხურება დავუშვად კარიბჭე, მერე და რა მოხდა? მაგალითად ქვაკუთხედი ხომ არ იხურება ან კიდე სხვა? რა საჭიროა ამდენი ჟურნალი? მართლმადიდებლობას ყოფთ, ამის და იმის მრევლად. მოციქულები რას ამბობდნენ რომ ჩვენო ყველანი ქრისტესი ვართო. ეს კონკურენცია სულიერებაში მაინც არ უნდა იყოს ჩემო კარგებო. შევთანხმდეთ რომ გამოიცეს მხოლოდ ერთი საერთო ჟურნალი, უნდა შეიქმნას კომისია პატრიარქის კურთხევით რომელიც უხელმძღვანელებს რედაქციას და გაუწევს მეთვალყურეობას. ამ კომისიამ უნდა გადახედოს ყველაფერს სანამ დაიბეჭდება. არ შეილება სულით ვაჭრობა. მე არ ვამბობ რომ რომელიმე რედაქცია ბოროტად იყენებს გამომცემლობას მაგრამ მეჩვენება რომ ასე გამოგვდის ჩემო კარგებო. ერთად ვიყოთ და ერთი გვქონდეს. თუმცა, თუკი უწმინდესის კურთხევით არ შეიქმნება კომისია და არ იქნება ერთი ჟურნალი, ჯობია საერთოდ აუქმდეს ყველა ჟურნალი. ან დარჩეს მხოლოდ ის, რომელსაც აკონტროლებს გამოცდილი, სულიერი ხედვის მქონე პიროვნებები, ისინი რომლებიც უვნებლები არიან და აქვთ სუულიწმინდის ნიჭები. უვნებლობა კი მოგეხსენებათ რა არი. არ შეილება ჟურნალის რედაქტორი იყოს საერო პიროვნება, რომელიც თანაცხოვრებაშია მეუღლესთან, ასეთი ხომ ჯერ კიდევ არ არის უვნებელი, ე.ი შეილებ რაღა გამოეპაროს. უვნებელ და წმინდა ადამიანებს ჩავაბაროთ გამომცემლობა, იმათ, რომლებიც უშუალოდ ჭვრეტენ ღმერთს და განღმრთობილები არიან, იმყოფებიან განღმრთობის უმაღლეს საფეხურზე. ანუ იმათ, რომლებიც ფლობენ ყველაფერს, გარდა ღვთიური არსისა (სვიმეონი). ალბათ გამიგეთ. შემინდეთ
14.06. 2018
კიტი
უდავოდ საჭირო ჟურნალია.
14.06. 2018
შეგვინარჩუნეთ ჟურნალი "კარიბჭე"!
შეგვინარჩუნეთ ჟურნალი "კარიბჭე"!
სხვა სიახლეები
19.06.2018
დედოფლისწყაროს ღვთისმშობლის მიძინების სახელობის ტაძრის მრევლი დაბადების დღეს ვულოცავთ
18.06.2018
21 ივნისს, საპატრიარქოში წმინდა სინოდის სხდომა გაიმართება. როგორც პატრიარქის მდივანმა,
17.06.2018
ღმერთმა დალოცოს და გააძლიეროს ქართველი ხალხი, რომელიც ბურჯია რეგიონში მართმადიდებლობის და ქრისტიანობის,
16.06.2018
იტალიაში, ქალაქ ბარში ძლიერი წვიმის შედეგად დაგროვილმა უხვმა ნალექმა ქუჩები და შენობა-ნაგებობები დატბორა.
12.06.2018
სრულიად საქართველოს კათოლიკოს-პატრიარქის მიერ ინდოეთის პრემიერ-მინისტრის,
06.06.2018
კიდევ ერთი გატაცება ოკუპანტების მხრიდან - რუსმა ოკუპანტებმა სასულიერო პირი, დირბის ეკლესიის წინამძღვარი, მამა იოანე ოხანაშვილი გაიტაცეს.
05.06.2018
"პატრიარქმა გვითხრა, რომ ლოცვა გაგვაძლიერებს, - ამის შესახებ ხორავას ქუჩაზე მოკლული მოზარდის დავით სარალიძის მამამ ზაზა სარალიძემ ჟურნალისტებს პატრიარქთან შეხვედრის დეტალებზე საუბრისას განუცხადა.
05.06.2018
ითქვა, თითქოს ვცდილობ ჩემი შვილის პროცესებისგან განრიდებას და ამ საქმეში ეკლესიის გავლენასაც ვიყენებ.
03.06.2018
3 ივნისს, ყოველთა წმიდათა კვირიაკეს, ზაჰესში მდებარე "პანტანასას" ღვთისმშობლის სახელობის დედათა მონასტერში საღამოს 4 საათიდან 7 საათამდე გამობრძანებული იქნება სხვადასხვა წმინდა ადგილებიდან ჩამობრძანებული სიწმინდეები, რომლის მოლოცვა ყველა მსურველს შეუძლია.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ღმერთმა დალოცოს და გააძლიეროს ქართველი ხალხი, რომელიც ბურჯია რეგიონში მართმადიდებლობის და ქრისტიანობის,