"კარიბჭის" რედაქტორი მკითხველს მიმართავს: თქვენ წყვეტთ - გჭირდებათ თუ არა ჟურნალი
"კარიბჭის" რედაქტორი მკითხველს მიმართავს: თქვენ წყვეტთ - გჭირდებათ თუ არა ჟურნალი
ჟურნალ "კარიბჭის" მთავარი რედაქტორი თამარ მამაცაშვილი:
მინდა გაცნობოთ ერთი სამწუხარო ინფორმაცია - ჟურნალი "კარიბჭე" სექტემბრის თვიდან ალბათ დაიხურება და აღარ გამოიცემა.
ამის მიზეზი კი ის არის, რომ ჟურნალის ტირაჟმა დაიკლო და მეორე წელია, წამგებიანი პროექტი გახდა. ძალიან გვტკივა გული: დღეს, როცა ასეთი საყოველთაო შეტევაა ეკლესიაზე, მართლმადიდებლობაზე, ალბათ არ არის ჟურნალის დახურვისთვის შესაფერისი დრო. უკვე რამდენიმე თვეა, რაც ჟურნალი ყოველთვიურ გამოცემაზე გადავიდა, ჩვენ გამომცემელთან ერთად ვეძებთ გამოსავალს, მაგრამ ამაოდ.

ძნელი დასაჯერებელია ჩვენთვის, რომ ეს ყველაფერი ისტორიას ჩაბარდება და "კარიბჭე" მართლა აღარავის სჭირდება. ჟურნალი ჯერ კიდევ შედის ციხეებში, მიდის მონასტრებში, იგზავნება ეპარქიებში. მისი ფასი გამოცემის დღიდან არ შეგვიცვლია და უკვე 14 წელია, "კარიბჭე" 1 ლარი ღირს. მოდი, დავფიქრდეთ, რა ღირს დღეს კიდევ 1 ლარი? და ეს ფასი ჟურნალს იმის შედეგად შევუნარჩუნეთ, რომ რედაქციის წევრები ფაქტობრივად მოხალისეებად მუშობდნენ თქვენთვის, გამომცემლობა კი მეორე წელია ინახავს ზარალზე მყოფ ჟურნალს. რომ იცოდეთ, რა ანაზღაურების ფასად იქმნებოდა ჟურნალი ამ წლების განმავლობაში, ალბათ გაოცდებით. მაგრამ ამის მიუხედავად, თავდაუზოგავად ვშრომობდით, რადგან მიგვაჩნდა, რომ ეს აუცილებელი იყო ქვეყნისთვის, ერისთვის, ჩვენთვის და თქვენთვისაც. დღეს კი გვეუბნებიან, რომ ეს აღარავის სჭირდება. რომ სჭირდებოდეს - გაიყიდებოდაო. ალბათ ასეც არის. და ეს ყველაზე მეტად გვტკენს გულს.

აი, ეს ადამიანები არიან "კარიბჭელები", ნეტავ იცოდეთ, როგორი გულწრფელები, ქვეყნისა და ეკლესიის ერთგულები, სიყვარულით ანთებულები. უფლის ნებით და წყალობით, ამ ადამიანების ხელით კეთდებოდა საოცრებები ამ წლების განმავლობაში. მათ შექმნეს ჟურნალის უნიკალური არქივი, რომელიც ჩვენს საიტზე ეტაპობრივად იტვირთება, მათ შექმნეს არაერთი ორიგინალური რუბრიკა, რომელიც ხშირად პროექტად ყალიბდებოდა და წიგნებადაც გამოიცემოდა.

რედაქციაში მზადდებოდა ის წიგნები, "კარიბჭის" საოცარი ბიბლიოთეკის სახით რომ შემოვიდა თქვენს ოჯახებში ჟურნალთან ერთად. გადავხედოთ ამ პროექტებს:  "კარიბჭე ბავშვებისათვის", სინოფსისი, პროექტი ყმაწვილთათვის - "ქრისტეს გზა", იაკობ გოგებაშვილის "საღმრთო ისტორია", "საქართველოს იმედი", "თვენი". ახლა კი გამოდის მეტად საჭირო პროექტი "მეგზური სიკეთის სამყაროში". მაგრამ ალბათ მოგვიწევს ამ პროექტის შეჩერებაც.

აი, ამ გულანთებული გუნდის დაშლა დღეს არის ყველაზე ცუდი რამ. არ ყოფილა არცერთი შემთხვევა ჩვენი გამოცემის ისტორიაში, რომ ტირაჟის გაზრდის ან ანგარების მიზნით თუნდ ერთი პუბლიკაცია მაინც დაგვებეჭდოს ისეთი, მკითხველის სულს მიზანმიმართულად რომ დააზიანებდა, ეკლესიას რომ ზიანს მიაყენებდა. გვქონდა შეცდომები - უშეცდომო კი არავინაა, მაგრამ თუ რამე გვეშლებოდა, მხოლოდ უნებლიედ და ამ შეცდომებისთვის შენდობას გთხოვთ, ჩვენო მკითხველო.
ველოდებით საბოლოო გადაწყვეტილებას, დარჩა 1 თვე და ამ თვის გაყიდვების მონაცემები გადაწყვეტს "კარიბჭის" ბედს. ამ წერილით უბრალოდ გვინდა გაცნობოთ, რა ხდება ჩვენთან, დანარჩენი კი თქვენთვის მომინდია, ჩვენო მკითხველო. თქვენ წყვეტთ - გჭირდებათ თუ არა ჟურნალი.

P.S.: ველოდებით თქვენგან გამოხმაურებებს - იქნებ გამოსავალი ერთად ვიპოვოთ.
ბეჭდვაელფოსტა
19.06. 2018
გიორგი სურმავა
კარიბჭე დაარსებიდანვე ღვთის სიტყვის მისიონერულ საქმიანობას ტვირთულობდა და ასე უნდა გაგრძელდეს.ეკლესიაში მოსვლიდანვე ვკითხულობ კარიბჭეს,თუმცა იყო დრო უსახსრობის გამო ვერ ვყიდულობდი.კარიბჭეს შეუძლია დიდად დაეხმაროს მორწმუნეს საბაზისო განათლების მიღებაში,რაც საშვილიშვილო საქმეა. ასეთი ქრისტოცენტრული და ეკლესიური ჟურნალი და ამავე დროს სხვა მეცნიერული დისიპლინების მქონე საქართველოში ვერ ვიხსენებ. ამიტომაც არ უნდა დაიხუროს ქალბატონო თამარ და კარიბჭელებო.გამოსავალი ლოცვაშია და ღვთისადმი ვედრებაში.
19.06. 2018
giorgi777
კარიბჭე წლების მანძილზე ღვთის სიტყვის მისიონერულ საქმეს ტვირთულობდა და არაფრით არ უნდა დაიხუროს.გამოსავალი ლოცვაშია და ღვთისადმი ვედრებაში.ეკლესიაში მოსვლიდანვე კარიბჭის ერთგული მკითხველი ვარ.იყო დრო როცა ფული არ მქონია და ვერ ვყიდულობდი,მაგრამ ძირითადად კი.გამოსავალი იქნება ქალბატონო თამარ და კარიბჭელებო.
19.06. 2018
გიორგი
კარიბჭე წლების მანძილზე ღვთის სიტყვის მისიონერულ საქმიანობას ეწეოდა და არაფრით არ უნდა დაიხუროს.როგორმე იქნება გამოსავალი.ერთად ვილოცოთ და დახმარება ღმერთს შევთხოვოთ.არაფრით არ უნდა დახუროთ ქალბატონო თამარ და კარიბჭელებო.როგორმე იქნება გამოსავალი.კარიბჭის ერთგული მკითხველი.
18.06. 2018
murtazi
dzalian mtskins...
16.06. 2018
ნინიკო თოხაძე
იმედს ვიტოვებ რომ ყველაფერი კარგად იქნება,სტუდენტობიდან მოყოლებული კარიბჭეს ვყიდულობ- დღემდე (38 წლის ვარ),ასობით მაქვს, სოფელში წავიღე,მეზობლებს ვათხოვე...სიბერეში დაადგნენ ზოგიერთნი ქრისტეს ჭეშმარტ გზას,ახალგაზრდები კი სტიქაროსნები გახდნენ თქვენი ჟურნალის წყალობით...ყველა ჟურნალი მიყვარს თქვენი და არ არსებობს ძველი ახალი მუდმივად საინტერესოა და რწმენაში განმამტკიცებელი...იქნებ გამოვიწეროთ ოჯახებმა კარდაკარ დავიაროთ, ჟურნალში პატარებისთვის ჩავრთოთ რაიმე ისეთი რომ ყველასთვის წასაკითხი და სასურველი იყოს,მოუნდეთ კითხვა,სკოლებში რელიგია აღარ ისწავლება და პატარებს ,მოზარდებს ვინ მოუყვება უფალზე...არ გაძლევთ უფლებას...ყოველთვის მოიძებნება გამოსავალი, "კარიბჭე" ნუგეშია...გთხოვთ
სხვა სიახლეები
18.09.2018
"თუ შევხედავთ რუსეთის მართლმადიდებელი ეკლესიის ისტორიას, ვნახავთ, რომ 1448 წელსა მათ თვით-გამოაცხადეს ავტოკეფალია,
18.09.2018
ბათუმის წმინდა ბარბარეს სახელობის ტაძრის წინამძღვარი, დეკანოზი შიო პაიჭაძე:
16.09.2018
"არ შეიძლება, რომ ვუყუროთ მხოლოდ ეკონომიკას. რად გვინდა ისეთი ეკონომიკა, თუ დავკარგავთ ჩვენს შვილებს",
14.09.2018
ბიბლია მოგვითხრობს, რომ სამყაროს შექმნას ღმერთმა ექვსი დღე მოანდომა, მეშვიდე დღეს კი დაისვენა. მეექვსე დღეს ღმერთმა ცხოველთა სამყარო და ადამიანი შექმნა.
12.09.2018
მარნეულისა და ჰუჯაბის ეპისკოპოსი გიორგი: ჩვენი ქვეყანა მსოფლიო ცივილიზაციის
12.09.2018
საზღვრები ვერ დაგვიცავს და პლანტაციებს დავიცავთ, სადაც მილიარდების საქონელი იქნება? უცხოეთის ქვეყნები და ჩვენთან ახლოში მყოფი რუსის ჯარი არ შეეცდება,
12.09.2018
უკრაინის ეკლესიისთვის ავტოკეფალიის მინიჭება გარდაუვალია, - ამის შესახებ ჟურნალისტებს ბოდბელმა ეპისკოპოსმა იაკობმა განუცხადა.
12.09.2018
დღეს ნარკომანია აღარ არის მხოლოდ ცალკეულ პირთა სნეულების გამოვლინება, არამედ მთელი საზოგადოების პრობლემად იქცა, - ამის შესახებ საქართველოს პატრიარქის
08.09.2018
საქართველოს ნაკრების ყოფილი კაპიტანი რაგბში ლევან ცაბაძე წერს:
06.09.2018
ქართული გალობის მოამაგეების, ძმები კარბელაშვილების ხსენების დღე გურჯაანში მთავარანგელოზ მიქაელის სახელობის ტაძარში საზეიმო წირვა-ლოცვით აღინიშნა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
"არ შეიძლება, რომ ვუყუროთ მხოლოდ ეკონომიკას. რად გვინდა ისეთი ეკონომიკა, თუ დავკარგავთ ჩვენს შვილებს",