რა არის მადლი? როგორ შევიგრძნოთ იგი?
რა არის მადლი? როგორ შევიგრძნოთ იგი?
გვესაუბრება ბოლნელი მღვდელმთავარი ეფრემი (გამრეკელიძე):
-ეკლესიას ყველა დროში მისიონერული ფუნქცია აკისრია. მისი უპირველესი მოვალეობაა, იქადაგოს. სწავლება, ზოგადად სარწმუნოება არანივთიერია. ადამიანს შეიძლება ძალიან მარტივად აჩვენო რაიმე მატერიალური საგანი, ამას რწმუნებაც არ სჭრიდება, მაგრამ რწმენის, უხილავის, არაყოფიერის გააზრება და მითუმეტეს ამ რთულ სამყაროში, როდესაც "ყველა" იჩემებს ჭეშმარიტების არსობას, ეს ძალიან რთულია. სამწუხაროდ დღეს იმდენად გამიწიერდა ადამიანის აზროვნება, რომ მან დაკარგა მარადისობასთან კავშირი. მისთვის უფრო კომფორტულია იცხოვროს მატერიასთან კავშირში, ვიდრე იაზროვნოს, იფიქროს, განიცადოს უხილავი და მარადიული. არადა სწორედ იქაა ჭეშმარიტება. ამიტომაც, დღევანდელ ახალგაზრდობასთან სწორედ ეს გვექნება სათქმელი, რომ მოდით შევხედოთ საკუთარ თავს არამხოლოდ როგორც მატერიას, ფიზიკურ ადამიანს, არამედ ამის მიღმა განვიცადოთ, დავინახოთ ღრმა სული, ჭეშმარიტად ხატება და მსგავსება ღვთისა. თუ მატერიის იქით არ გაიხედე, ბუნებრივია არც სულს იწამებ, არც ღმერთს, არც საიქიოს და პრინციპი იქნება ის, რითაც არსებობენ წარმართები. ჭამა, სმა, გართობა, პირადი სიამონებების დაკმაყოფილება და ასე შემდეგ. როდესაც უკვე შენ არ კმაყოფილდები ნივთიერის არსებობით, გებადება კითხვა, ნუთუ მხოლოდ ესა ვარ? ნუთუ ამიტომ შემქმნა ღმერთმა და ამიტომ არის ამხელა სამყარო, რომ მე ბიოლოგიური არსება რამდენი წელიც არ უნდა ვიცხოვრო, მერე პირუტყვივით მოვკვდე. მერე უკვე იწყება ძიება, ამიტომაც მინდა, ყველას მოვუწოდო, ვეძებოთ უფალი პირველ რიგში საკუთარ თავში, ვითხოვოთ და უფალი როგორც მოწყალე მამა, თავად გაგვიხსნის გზას. თუკი ადამიანი გულწრფელად, ჯანსღად ითხოვს, თუნდაც გულუბრყვილოდ და ბავშვივით და დადგება თუნდაც სახლში, რადგან ჯერ ტაძრამდე შორია და იტყვის: მე, არ მინდა დავრჩე, როგორც მხოლოდ სისხლი და ხორცი. არამედ, უფალო, მომეცი ძალა, შეწევნა, მომეცი გონება, სული შენი სიწმინდისა, რომ მოვიდე შენამდე. როგორ შეგიცნო, შენ. ყველას მოვუწოდებ, რომ კითხვა დასვან საკუთარ თავში,-ვინ ვარ, მე? რა არის სამყარო? რა არის ღმერთი? შემდეგ უკვე ღვთის სული მიიყვანს ჭეშმარიტებისკენ სავალ გზაზე. თუკი ადამიანი არ კრავს ღმერთს ხელს, უფალი ყველა ადამიანთან, ყველა დროში არის მასთან. ამიტომაც არის, რომ ადამიანის ქრისტიანად შედგომა იწყება მაშინ, როცა ის ინათლება. როდესაც მირონს ცხებს ღვთისმსახური მას მიენიჭება ბეჭედი სულისა წმინდისა. რატომ არის ეს საჭირო? იმიტომ, რომ ამ სულმა უწინამძღვროს მას, მიეტევოს ადამის პირველქმნილი ცოდვა, რომ ადამიანი არ დარჩეს მხოლოდ მატერია, სხეული. დაბადებიდანვე მასში ღვთის სულია ჩადებული, მაგრამ აღბეჭდვა, ძალმოსილება, მოქმედება სულიწმინდის მადლისა ხდება რომ ადამიანმა თავისი გასავლელი გზა, ღვთის შეცნობისა პიროვნულად გააზრებულად წუთისოფელში თავად შეძლოს.
ბეჭდვაელფოსტა
29.10. 2018
თამარი
ღვთის მადლი და წყალობა ქონდეს ყველა ქართულ ოჯახს.დიდება და მადლობა უფალს ყოველივესთვის....
27.10. 2018
ბადრი
ზოგიერთ ადამიანს,სამწუხაროდ მიჩნია რომ მისი ცხოვრება მხოლოდ მიწიერით შემოიფარგლება და მის იქით აღარ იხედება რაც არა რეალურია და სწორად რომ ეფემერულიცაა.„ბინდისფერია სოფელი ესე თურ ამად ბინდდების, კოკასა შიგან რაცა დგას, იგივე წარმოდინდების.“
24.10. 2018
vaxo
sackali nunuka!
24.10. 2018
მაია
ბედნიერია ის ადამიანი ვინც ამქვეყნად იხარჯება საყვარელი და სასიკეთო საქმეების კეთებით,როდესაც თავადაც გრძნობ რომ შენი თავის რეალიზებას სწორად ახერხებ.პირადად მე ამას ვერ ვახერხებ და ძალიან ვწუხვარ.ჩვენ ყველანი უნდა ვცდილობდეთ ის საგზალი მოვაგროვოთ,რომელიც იმქვეყნად გასვლისას და იქ შეგვიმსუბუქებს ყოფას და ესაა მთავარი.აბა აქ თუგინდ 100 წელი ვიცხოვროთ მაინც ჩვენს მშობლიურ ადგილას ვბრუნდებით და აქ იმიტომ ვართ რომ ის ენერგია შევზინოთ სულს რაც ურცხვინველად წარგვადგენს სამსჯავროზე.ჩვენ კი აქ მეტი და მეტი გვინდა ჩვენი სურვილით თუ სხვისი წამხედურობით.ამ დროს ქრება იმითი ტკბობის უნარი რითაც ბედნიერი უნდა ვიყოთ და რაც გაგვაჩნია ისიც რომ სრულიად საკმარისია ადამიანისთვის.
28.04. 2018
მზია
ნუნუკასნაირად ვინც ფიქრობთ, რატომ კითხულობთ ამ ჟურნალს, მოტივაცია სხვისი დაბრკოლებაა ალბათ.
სხვა სიახლეები
22.08.2018
გვესაუბრება მცხეთის წმინდა იოანე-თორნიკეს სახელობის დედათა მონასტრის წინამძღვარი, იღუმენია ეფემია (ჩირგაძე):
08.06.2018
მესტიის მაცხოვრის აღდგომის სახელობის საკათედრო ტაძრის წინამძღვარი, დეკანოზი ლუკა ბუცხრიკიძე:
21.05.2018
მთაწმინდის მამა დავითის ტაძრის წინამძღვარი, არქიმანდრიტი იოანე (კიკვაძე): -მამაო,რა არის თანამედროვე ადამიანის პრობლემა?

- უფალი გვაფრთხილებს,
12.05.2018
ათონის მთის, ვათოპედის მონასტრის წინამძღვარი, არქიმანდრიტი ეფრემი საქართველოში ყოფნის დროს საპატრიარქოს წმიდა ანდრია პირველწოდებულის სახელობის ქართულ უნივერსიტეტს ესტუმრა.
12.05.2018
ათონის მთაზე მდებარე წმინდა პანტელეიმონის მონასტერში მოღვაწე ჩვენი თანამემამულე ბერი ეროლაოსი (ჭეჟია) როგორც ადრე მოგახსენეთ წმინდა მთაზე ერთ-ერთ სენაკში განმარტოვებულად ცხოვრობს.
15.04.2018
გვესაუბრება შრომის წმინდა მოციქულ ანდრია პირველწოდებულის სახელობის ტაძარის წინამძღვარი, დეკანოზი პავლე ქინქლაძე:
03.04.2018
წმინდა ალექსანდრე ნეველის ტაძრის იღუმენია ელისაბედი (ზედგინიძე):
25.03.2018
ღირსი ანტონ მარტმყოფელის ღვთაების მამათა მონასტრის წინამძღვარს, არქიმნადრიტი ბენიამინი (ბელქანია):
27.02.2018
არქიმანდრიტი ანტონი (გულიაშვილი):
-ერთხელ კორესპონდენტმა მოსკოვში ყოფნის დროს მკითხა, თქვენთვის რომელი დრო სჯობს? ადრინდელი თუ დღევანდელიო?
12.10.2017
-მამაო, რამდენად მნიშვნელოვან როლს თამაშობს ერში მყოფი ქრისტიანისათვის ოჯახი?
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
უძვერეელესი წერილობითი წყაროები ჭერმის წარმოშობას ვახტანგ გორგასალს უკავშირებენ