საქართველოს სამოციქულო ეკლესიის ავტოკეფალიის აღდგენას შესწირა სიცოცხლე
საქართველოს სამოციქულო ეკლესიის ავტოკეფალიის აღდგენას შესწირა სიცოცხლე
"სამშობლო საყვარელო, ღვთისმშობლის წილხვედრო, ბრძმედსა შინა ტანჯვა-ვაებისასა განწმენდილო! შენთვის დაწული, შენგან განშორებული, შენთვის მტირალი, მუდამ შენკენ ლტოლვილი, დღეს განვისვენებ ტკბილსა შინა წიაღსა შენსა არა ვითარცა შვილი უძღები, არამედ ვითარცა მესაიდუმლე და სინდისი ეკლესიისა შენისა... ვიცი, შენი გულისყური ამჟამად ჩემკენაა მოქცეული და მეკითხები: რა მომიტანე, რა მალამოს მცხებ იარებსა, რით მანუგეშებ სევდამოსილსა? ყური მომიპყარ: "არა მოველ, რათა გიმსახურო, არამედ მსახურებად შენდა და მიცემად სული სახსრად შენდა... მოვედი არა ვითარცა მნე სასყიდლით დადგინებული, არამედ ვითარცა მნე ერთგული და მარად მორჩილი", - ეს სიტყვები წარმოთქვა სვეტიცხოველში 1917 წლის 1 ოქტომბერს, აღსაყდრების დღეს, უწმინდესმა და უნეტარესმა პატრიარქმა კირიონ მეორემ.

წმინდა პატრიარქმა პირნათლად დაიწყო საქართველოს დედაეკლესიის წინაშე დადებული აღთქმის შესრულება, ამიტომაც ერთ წელიწადში, 1918 წლის 26 ივნისს, მარტყოფის მონასტრის საპატრიარქო რეზიდენციაში წმინდა კირიონ კათოლიკოსი მოკლული იპოვეს.

წმინდა მღვდელმოწამე კირიონი (ერისკაცობაში - გიორგი საძაგლიშვილი) გორის მაზრაში სასულიერო პირის ოჯახში დაიბადა 1855 წელს. წარმატებით დაასრულა სწავლა ჯერ გორის, შემდეგ კი თბილისის სასულიერო სემინარიაში. როგორც წარმატებული სტუდენტი, გაიგზავნა კიევის სასულიერო აკადემიაში, რომელიც ღვთისმეტყველების კანდიდატის ხარისხით დაასრულა და პედაგოგიურ მოღვაწეობას შეუდგა. ოდესის სასულიერო სემინარიის ინსპექტორის თანაშემწედ დანიშნული ასწავლიდა გორში, თელავში, ქუთაისსა და თბილისში. 1886 წელს დაინიშნა საქართველოს მონასტრების ბლაგოჩინად და კავკასიაში ქრისტიანობის აღმდგენელი საზოგადოების სკოლების ინსპექტორად. ამ დროს მრავალი სკოლა, ბიბლიოთეკა და წიგნთსაცავი დააარსა. პარალელურად ქართულ და რუსულ გაზეთებში ივერიელის, საძაგელოვის, ლიახველის ფსევდონიმებით აქვეყნებდა წერილებს საქართველოს ეკლესიის ისტორიაზე, ხალხურ ზეპირსიტყვიერებასა და ქართულ ლიტერატურაზე.

უფლის რჩეული მონაზვნად აღიკვეცა კირიონის სახელით და ქვათახევის მონასტრის წინამძღვრად დაინიშნა.

ღვთისმსახურების პარალელურად მეცნიერულ მუშაობასაც ეწეოდა: კრებდა ხალხური სიტყვიერების ნიმუშებს, მუშაობდა ეკლესია-მონასტრების სიძველეებზე; თბილისის საეკლესიო მუზეუმსა და წმინდა ილია მართლის მიერ დაარსებულ "ქართველთა შორის წერა-კითხვის გამავრცელებელი საზოგადოების" სიძველეთა საცავს უხვად სწირავს ეკლესია-მონასტრების ნესტიან სენაკებში მიკვლეულ და საოჯახო, კერძო კოლექციებიდან მოპოვებულ იშვიათ ხელნაწერებს.

როცა 1898 წელს არქიმანდრიტი კირიონი ალავერდის ეპისკოპოსად აკურთხეს, საკუთარი სახსრებით დაიწყო განადგურების პირას მისული ალავერდის ტაძრის შეკეთება, აღადგინა მრავალი ეკლესია კახეთში, მიაკვლია ბაგრატ IV-ის დროინდელ, 1089 წელს გადაწერილ სახარებას, რომლის შესახებაც მანამდე მეცნიერებმა არაფერი იცოდნენ და საქართველოს საეკლესიო მუზეუმს შესწირა.

როგორც კი წმინდა კათოლიკოსმა სომხების მიერ ქართული მონასტრების მიტაცების გამო ხმა აღიმაღლა და საქართველოს ეკლესიისთვის მათი დაბრუნება მოითხოვა, მაშინვე გორის ეპისკოპოსად გადაიყვანეს. მთავრობა წმინდანს, რომლის გარშემოც თავს იყრიდნენ საქართველოს ეკლესიის ავტოკეფალიის გაუქმებით უკმაყოფილო მოწინავე ქართველები, ხშირად უცვლიდა ეპარქიებს: 1904 წელს ორიოლში გაამწესეს, ორ წელიწადში - სოხუმში, სადაც წმინდა კირიონმა ბევრი იღვაწა საქართველოს ეკლესია-მონასტრების აღდგენისთვის. სწრაფადვე გადაიყვანეს კონვოს ეპარქიაში და 1907 წელს, როცა წმინდა ილია მართალი მოკლეს წიწამურთან, მღვდელმოწამე კირიონს უფლება არ მისცეს, სამშობლოში დაბრუნებულიყო და თანამოღვაწისთვის უკანასკნელი პატივი მიეგო.

ილიას გარდაცვალებიდან ერთ წელიწადში, მთავრობის დადგენილებით, კირიონს ჩამოერთვა ეპისკოპოსის წოდება და დაპატიმრებულ იქნა. არ აპატიეს დაუცხრომელი ბრძოლა საქართველოს ეკლესიის ავტოკეფალიის აღდგენისათვის...

1908 წელს თბილისში მოკლეს ეგზარქოსი ნიკონი და მისი მკვლელობის ორგანიზება მღვდელმთავარს დააბრალეს. მისი დევნა-შევიწროება უფრო და უფრო ძლიერდებოდა. მასზე დაშვებულ ამ განსაცდელს წმინდა ბერი ასე პასუხობდა: "ვარდი უეკლოდ ვის მოუკრეფია, სიყვარულით უნდა ავიტანოთ ტანჯვა, ვინაიდან ტანჯვა სიყვარულის ნაყოფია, ძალა ტანჯვაშია". ამგვარმა ცილისწამებამ აღაშფოთა არა მარტო საქართველოს, არამედ თვით რუსეთის საზოგადოების მოწინავე ნაწილი, ევროპაში კირიონის დაცვის საზოგადოებაც კი შეიქმნა. მაშინ მთავრობამ შეწყვიტა მისი დევნა და 1915 წელს წმინდა კირიონი პოლოცკისა და ვიტებსკის ეპისკოპოსად დაინიშნა, სამშობლოში ჩამოსვლის უფლება კი არ მისცეს...

წმინდა ეპისკოპოსი დიდ ქველმოქმედებას ეწეოდა, მისი მატერიალური დახმარებით მრავალმა ქართველმა მიიღო განათლება საზღვარგარეთის უმაღლეს სასწავლებლებში. XIX საუკუნის 90-იან წლებში, როდესაც ქართული ენა ოფიციალური ხელისუფლებისგან აკრძალული იყო, კირიონმა გრიგოლ ყიფშიძესთან ერთად ქართული სიტყვიერების ისტორია შეადგინა.

1917 წელს სანუკვარმა ოცნებამ ფრთები შეისხა - აღდგა საქართველოს სამოციქულო ეკლესიის ავტოკეფალია და ქართველთა დაჟინებული თხოვნით, კირიონს სამშობლოში დაბრუნების უფლება მიეცა. არაგვის ხეობაში სამშობლოსთან განშორებით მრავალტანჯულ ეპისკოპოსს ასოცამდე ცხენოსანი შეეგება და დიდი პატივით მიაცილა დედაქალაქამდე. იმავე წელს წმინდა კირიონი საქართველოს კათოლიკოს-პატრიარქად აკურთხეს სვეტიცხოველში. კირიონ მეორემ მაშინვე წერილობით მიმართა მსოფლიოს მართლმადიდებელ ეკლესიათა მეთაურებს და დასაბუთებულად მოითხოვა საქართველოს ეკლესიის ავტოკეფალიის აღიარება.

საქართველოში სარწმუნოებრივი და ეროვნული პრინციპების აღორძინება, რისთვისაც დაუცხრომლად იღვწოდა ჩვენი ეკლესიის საჭეთმპყრობელი, ძლიერ ზღუდავდა საქართველოს მტრების მოქმედებას. ყოველი მხრიდან ცდილობდნენ წმინდა კირიონის შევიწროებას. დაიწყო დაუსრულებელი ცილისწამებები, პროვოკაციები, მუქარები... მაგრამ წმინდა მღვდელმოწამე არ ეპუებოდა ბოროტი ძალების წინააღმდეგობას და დაუღალავად განაგრძობდა საქართველოში სულიერების აღორძინებას. რომ ვერაფერი გააწყვეს სამშობლოსთვის თავგანწირულ პატრიარქთან, მისი მოკვლა გადაწყვიტეს...

მადლიერმა შთამომავლობამ დედაეკლესიისა და მამულისათვის მოწამებრივად აღსრულებული უწმინდესი და უნეტარესი კათოლიკოს-პატრიარქი 2002 წლის 17 ოქტომბერს წმინდანად შერაცხა.
ბეჭდვაელფოსტა
კომენტარი არ გაკეთებულა
სხვა სიახლეები
03.01.2022

არქიმანდრიტ ანტონის (გულიაშვილი) მოგონებებიდან:

- პატრიარქი კალისტრატე ცინცაძის პერიოდი ბუნდოვნად მახსოვს.

25.12.2021

მცხეთაში, ჩვენი პატრიარქისეულ მეტად მოკრძალებულ სახლში, მამათა მონასტერი ფუნქციონირებს.

22.11.2021
ილია II ეფრემ პატრიარქს იგონებს

"ეფრემ II განსაკუთრებული პიროვნება გახლდათ და იგი ხშირად წინასწარმეტყველებდა.
25.12.2020
ზვიად სეხნიაშვილი:
-დიდ ქართველ მამულიშვილს და მწერალს, ლევან გოთუას, უკვდავ "გმირთა ვარამში" აქვს გენიალური ფრაზა - "დიდი გულწრფელობა დიდი შეფერხებაცაა".
13.04.2020
საქართველოს კათოლიკოს-პატრიარქის, ილია II-ის ქადაგება ბზობის სადღესასწაულო წირვაზე (12.04.2020)
04.01.2020
გვესაუბრება ბოლნელი მთავარეპისკოპოსი ეფრემი (გამრეკელიძე):

-ეკლესია, ქრისტეს სამოციქულო ეკლესია, გახლავთ უფლის და ჩვენი მაცხოვრის მისტიური სხეული.
03.01.2020
მინდა გიამბოთ, თუ როგორ გამოვცადე პატრიარქის კურთხევის მადლი საკუთარ თავზე. ღვთისმეტყველებასთან და ღვთის სიტყვასთან უფალმა საკმაოდ გვიან მიმიშვა. 90-იანი წლების დასაწყისი იყო. საღვთო სჯულს ვასწავლიდი სკოლაში და დაინტერესებული ვიყავი უფლის იგავებით.
03.01.2020
ომის შემდგომი პერიოდი იყო. ყველას ძალიან გვიჭირდა. შიმშილი, სიცივე, უტრანსპორტობა - ყველაფერმა ჩვენს ზურგზე გადაიარა. ამ დროს მე და ჩემს მეუღლეს კანადელმა ბიზნესმენებმა სახარბიელო წინადადება შემოგვთავაზეს.
03.01.2020
დიდი პატივი დასდო ჩემს ოჯახს უწმინდესმა და უნეტარესმა ილია II-მ. 1990 წლის ოქტომბერში შვილი გარდაგვეცვალა. ჩემთვის ძალიან მძიმე დროს მიგვიღო, გვანუგეშა, გაგვამხნევა.
03.01.2020
დიდი პატივი დასდო ჩემს ოჯახს უწმინდესმა და უნეტარესმა ილია II-მ. 1990 წლის ოქტომბერში შვილი გარდაგვეცვალა. ჩემთვის ძალიან მძიმე დროს მიგვიღო, გვანუგეშა, გაგვამხნევა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
ჟურნალი
ჟურნალის ბოლო ნომრები:
"შეიყვარეთ მოყვასი! და თქვენ შეიყვარებთ ქრისტეს! შეიყვარეთ მაჭირვებელნი და მტერნი! და სიხარულის კარი განიხვნება თქვენთვის, მკვდრეთით აღმდგარი ქრისტე განწმენდს სიყვარულში აღმდგარ თქვენს სულს. სულ ეს არის! რა ცოტას ელის ჩვენგან უფალი! ამაშია ჩვენი სამოთხე! ეს ჩვენი აღდგომაა! შეიყვარეთ სიყვარული და მარად იცოცხლებთ სიყვარულის ვნებებში აღმდგარი მაცხოვრის სიყვარულში!" - სქემარქიმანდრიტი ვიტალი (სიდორენკო)

istanbul evden eve nakliyat fabrika taşımacılığı eşya depolama ofis taşıma bostancı nakliyat skdar nakliyat ehirler aras nakliyat ehirler aras nakliyat cretleri ehirler aras nakliyat transfernakliyat.com.tr eya depolama sex shop

restbet restbet tv restbet giriş restbet restbet güncel restbet giriş restbet restbet giriş restizle betpas betpas giriş pasizle betpas betpas giriş pasizle iskambil oyunları rulet nasıl oynanır blackjack nasıl oynanır guvencehd.org heceder.org trke casino 30 tl deneme bonusu tahincioglunakliyat.com.tr aviator oyunu betexper Deneme bonusu veren siteler heceder.org pdf indir casino siteleri casino siteleri deneme bonusu veren siteler deneme bonusu slot siteleri pdf indir ingilizce trke eviri lyrics translate video shell alfa shell eya depolama depolama