მართლმადიდებელი ეკლესია უფლის სამოცდაათი მოციქულიდან ერთ-ერთს, წმინდა ნიკანორს ორჯერ ძველი სტილით 28 დეკემბერს და 28 ივლისს იხსენიებს. წმინდა მოციქული ნიკანორი უფალი ჩვენი იესო ქრისტეს წმინდა ეკლესიის პირველ შვიდ დიაკონთაგან ერთ-ერთი იყო. `იმ დღეებში, როცა იზრდებოდა მოწაფეთა რიცხვი, ელინისტებს შორის დაიწყო დრტვინვა ებრაელთა წინააღმდეგ, ვინაიდან მათი ქვრივები უგულებელყოფილნი იყვნენ ყოველდღიური მსახურებისას. მაშინ თორმეტმა მოციქულმა მოუწოდა მოწაფეთა სიმრავლეს და თქვა: არ შეგვფერის ზურგი ვაქციოთ ღვთის სიტყვას და ტაბლებს ვემსახუროთ. მაშ, აირჩიეთ, ძმანო, თქვენს შორის შვიდი სარწმუნო, სულით წმიდითა და სიბრძნით აღსავსე კაცი, და მათ მივანდოთ ეს მსახურება. ხოლო ჩვენ ლოცვასა და სიტყვის მსახურებას მივუძღვნათ თავი. მოეწონა ეს სიტყვა მთელ კრებულს და აირჩიეს სტეფანე, რწმენითა და სულით წმიდით აღსავსე კაცი, ფილიპე და პროხორე, ნიკანორი და ტიმონი, პარმენი და ნიკოლაოსი, ანტიოქელი პროზელიტი, რომლებიც წარადგინეს მოციქულთა წინაშე; ილოცეს და ხელი დაადეს მათ, - მოგვითხრ-ობს საქმე მოციქულთა (6.1-6) წმინდა მოციქული ნიკანორი იმავე დღეს ეწამა, როცა სტეფანე პირველდიაკონი და სხვა ქრისტიანები ქვებით ჩაქოლეს. ეს მოხდა 34 წელს.
............
ხატის წყარო.