შემინდეთ, მამაო, რამეთუ არ შევისმენდი თქვენს დარიგებებს, თორემ უკუნისამდე გლოვა მომიწევს
შემინდეთ, მამაო, რამეთუ არ შევისმენდი თქვენს დარიგებებს, თორემ უკუნისამდე გლოვა მომიწევს
XX საუკუნეში ერთ ქალაქში გარდაიცვალა 30 წლის ქალი, სახელად მარიამი. ის 20 წლისა მიათხოვეს ერთ ხელოსანს. მცირე ხნის შემდეგ კაცი ჯარში გაიწვიეს. მარიამი ერთხანს პატიოსნად ელოდა ქმარს, შემდეგ კი გარყვნილ ცხოვრებას მიჰყო ხელი. მის მოძღვარს ძალიან აწუხებდა ეს ამბავი და გამუდმებით სთხოვდა, ცოდვები მოენანიებინა და ღვთივსათნო ცხოვრებას დაბრუნებოდა. ქალი მოკრძალებით პასუხობდა, ვეცდებიო, მაგრამ ცოდვის ჭაობს თავს ვერ აღწევდა.

ერთ დღეს მოძღვარს მომაკვდავი მარიამის საზიარებლად უხმეს. ქალს თურმე სამი თვე ეავადმყოფა და დარდსა და ტირილში გაეტარებინა ეს დრო.

მოძღვარს მარიამი დარდიანი დახვდა. უამბო, რომ ამ სამი თვის მანძილზე განვლილი ცხოვრების გამო სინდისი ქენჯნიდა და ძალზე წუხდა, რომ თავის დროზე არ შეისმინა მოძღვრის დარიგება. ზოგჯერ სასოწარკვეთილებამდეც კი მიდიოდა, მაგრამ რაღაც შინაგანი ხმა ეუბნებოდა: "უმჯობესია, საკუთარი ცოდვების გამო იტირო, უფალი შეგინდობს, რამეთუ მისი მოწყალება უფრო მეტია, ვიდრე ზღვაში ქვიშა". მარიამიც დღედაღამ ტიროდა ღრმა სინანულით და უფალს ევედრებოდა, ცრემლის ზღვა მოემადლებინა მისთვის.

ბოლოს მარიამმა მოძღვარს გასული ღამის ამბავი მოუთხრო: "წუხელ ძალიან ცუდად ვიყავი. ბოროტი ცდილობდა, ცხონების ყოველგვარი იმედი მოესპო ჩემთვის. აღარ ვიცოდი, რა მეღონა, მაგრამ უეცრად ის ბერი გამომეცხადა, რომელიც რამდენიმე წლის წინ ავადმყოფი და უძლური შევიფარე, მამასავით მოვუარე, მომჯობინებულს ქურქი ვაჩუქე, გავაცილე და ვთხოვე, ჩემთვის ელოცა.

ბერმა მკაცრად მკითხა: "მარიამ, ნუთუ კვლავ სცოდავ და ცდილობ, წინ აღუდგე უფლის მოწყალებას? ის, ვინც კაცობრიობის ცოდვები იტვირთა, განა შენსას ვერ იტვირთავს? ჩვენი ცოდვებისთვის ვნებული განა საბრალო ცოდვილის დაღუპვით გაიხარებს? განა არ იცი, რაოდენ მოწყალედ იღებდა და შეუნდობდა ცოდვილთ, რომელთაც მისი გულმოწყალების იმედი ჰქონდათ? ილოცე და სასოებას ნუ დაკარგავ. მე გიშუამდგომლებ ღვთის წინაშე, რადგან ოდესღაც მოხუცებული მანუგეშე და ძვირფასი შესამოსლით შემმოსე, ერთადერთი ქურქი შემომწირე მაცხოვრისა და მოყვასის სიყვარულისთვის. "ღმერთი სიყვარული არს და რომელი ეგოს სიყვარულსა ზედა, ღმერთი მის თანა ჰგიეს და იგი ღმრთისა თანა" (1 იოანე 4:6), - ბრძანებს ქრისტეს უსაყვარლესი მოწაფე. ნუთუ გგონია, მაცხოვარს უფრო ნაკლებად უყვარხარ, ვიდრე შენ გიყვარდა ღატაკი მგზავრი?" ბერის სპეტაკ სახეზე სიხარულის ღიმილი დავინახე, ჩემი ქურქი, ტანთ რომ ეცვა, მზესავით ანათებდა.

"მშვიდობა შენდა, შვილო ჩემო!" - მითხრა ბერმა და გაუჩინარდა.

საოცარი სიმშვიდე დამეუფლა. ვგრძნობ, რომ აღსასრული მიახლოვდება, მინდა, ჩემი აურაცხელი ცოდვა მოვინანიო და კურთხევა და შენდობა გთხოვოთ. ღვთის გულისათვის, შემინდეთ, მამაო, რამეთუ არ შევისმენდი თქვენს დარიგებებს, თორემ უკუნისამდე გლოვა მომიწევს".

ქალმა მოინანია, ეზიარა და იმავე საღამოს გარდაიცვალა. მოძღვარი რომ წავიდა, მარიამი ყველას გამოეთხოვა და ამის შემდეგ სიტყვაც აღარავისთვის უთქვამს. ეგებ იმიტომ, რომ მეტყველების უნარი წაერთვა ან იმის გამო, რომ სიყვარულით ანთებულ საკუთარ გულში იყო ჩაღრმავებული... არავის გაუგია, როგორ მიაბარა მან უფალს თავისი მორჩილი სული.
ბეჭდვაელფოსტა
კომენტარი არ გაკეთებულა
სხვა სიახლეები
23.10.2019
ათენში მცხოვრები ჩვენი თანამემამულე და მეგობარი ეკატერინე ღონიაშვილი სოციალური ქსელით სულისათვის ბევრ სასარგებლო ინფორმაციებს გვთავაზობს.
15.08.2019
კუნძული კეფალონია(საბერძნეთი), რომელიც იონიის ზღვაში მდებარეობს, მარტო იმით არაა გამორჩეული, რომ ერთ-ერთი ყველაზე დიდი კუნძულია ამ ზღვაში.
17.12.2018
მოძღვრის დღიურიდან - წმინდა ბარბარეს ხილული საწაულები
23.11.2018
ლომისას წმინდა გიორგის ტაძარში ახლაც ინახება საყელურიანი დიდი რკინის ჯაჭი.
23.07.2018
წმინდა გერსიმეს სასწაულზე ჩვენი მეგობარი ესმა ღონიაშვილი ბერძნულიდან ნათარგმნი წიგნების მიხედვით უცნობი მ.პ.კუნზულ ევბიას ამბავს გვამცნობს:
19.07.2018
მოციქულ იოანეს დროს, ეფესოში ცხოვრობდა ერთი ქრისტიანი, რომელიც იმდენად გაღატაკდა,
18.07.2018
წმინდა პაისის ურიცხვი სასწაულებიდან გავიხსენებ ერთ-ერთს: ერთი მძღოლი რეგიონიდან თესალონიკში მიემგზავრებოდა. იგი ერთმა მოხუცებულმა მონაზონმა გააჩერა და ჰკითხა:
07.04.2018
პირველი ცნობა მადლმოსილი ცეცხლის გადმოსვლის შესახებ ეკუთვნის მეოთხე საუკუნის ცნობილ ისტორიკოსსა და სასულიერო მოღვაწეს ევსევი კესარიელს
28.04.2017
ეს იმის ნიშანია, რომ ეკლესიურად და ერთმანეთის სიყვარულში უნდა ვიცხოვროთ

ინერნეტ სივრცეში აფხაზეთში მომხდარი სასწაულების შესახებ გავრცელებულმა ინფორმაციამ ბევრი ჩვენთაგანი საგონებელში ჩააგდო.
20.03.2017
-ერთხელ, დილის წირვის შემდეგ ბერები ჩვეულებისამებრ ცდილობდნენ წმინდანის სასახლის გახსნას, მაგრამ ვერაფრით გახსნეს, ამ დროს ტაძარში შემოვარდა შეშინებული მამაკაცი,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
ჟურნალი
ჟურნალის ბოლო ნომრები:
საქართველოს მართლმადიდებელი ეკლესია ახალი სტილით 8-21 დეკემბრამდე ბევრ დიდებულ წმინდანს მოიხსენიებს: