წერილები რედაქციას
წერილები რედაქციას
რედაქციაში ამ წერილის მოწერა გამაბედვინა იმ ფაქტმა, რომ თქვენს ავტორიტეტულ ჟურნალში ხშირად ვხვდები პატიმრების ნაწერთა პუბლიკაციას. მეც დიდი მოწიწებით გთხოვთ, თქვენს სულისთვის სათნო ჟურნალში ეს ლექსები დამიბეჭდოთ. თქვენი მეშვეობით მინდა ჩემმა შვილებმა გააცნობიერონ, რომ მათი მამა აღარ არის კრიმინალი; მინდა დაეწაფონ ქართულ ცნობიერებას, რომელიც უფლის რწმენაზეა დაფუძნებული. თუ ჭეშმარიტად ქართულ ზნეობას შეიძენენ, უფალი მათდამი გამორჩეულად კეთილი იქნება.

გთხოვთ მაპატიოთ, შვილებო, ჩემი მძიმე წარსული, რომლის უღვთოობითაც თქვენი მომავალი დავამახინჯე!

ლექსს ვუძღვნი ჩემს შვილს, თორმეტი წლის თამთას:

მე გაგიმუქე ლურჯი აისი,
უნაკლო ტანზე ძონძი გაცვია,
შენთან მარცხდება ედელვაისი
და მილოსელის ნაზი გრაცია.
მე გაგიმუქე სულის სახარი
მაისი, შუქმფერ ოქროდ ნაღები,
ნავარდალი და ნაზამბახარი
გადაგითელე ყრმობის ბაღები.
შენ კი, ნატიფო, მწუხრი დაისი
და ბოროტება ჩემი გახლიჩე.
ო, მომიტევე, შენი გაისი
დაბადებამდე დაგისახიჩრე!
შენ უნდა გასცდე პლანეტის ქილიკს,
ეპოქა უნდა სათნოდ ალესო!
უფლისკენ სავალ ეკლიან ბილიკს
მიეფერო და მიეალერსო.

მე ერთი ნაძირალა ადამიანი ვარ, რომელმაც ციხეში ოცდაოთხი წელი გაატარა და უმძიმესი წარსულით მხრებდამძიმებული სიკვდილის პირასაა. ამიტომ მინდა იცოდნენ ჩემმა შვილებმა, რომ:

დავბრუნდი, ღმერთო, გავყარე წილი
დემონთან, ნებით მრავალნაყარი.
მარგე აისი, მომწყინდა ძილი
და გზა მიჩვენე სულის სახარი.
დავბრუნდი, მამავ, უძღები შვილი,
წამშლია ყრმობის სათნო იერი.
მოჩანს საწუთროს ნაპირი ხრილი,
მაშინებს დღეთა დასალიერი.
მოვედი, მამავ, მოვხარე ქედი,
მიმიღე თბილად, ნუღა მემდური,
ვარ ცოდვის ისრით დაჭრილი გედი
და მზარავს ხვედრი ჯოჯოხეთური!..
...გთხოვ, გამიმთელო, მზეო მამაო,
შუაწყვეტილი ძარღვი შუბლისა.
მივხვდი, ყოველი არის ამაო,
გარდა უფლისა! გარდა უფლისა!
გთხოვთ, ეს ლექსიც გამომიქვეყნოთ:
ტყუპი დღეები შაურად მიღირს,
გულის მეოხად არვინ ინდობა,
თითქოს თან დამყვა აგური ციხის
და უსასრულო უამინდობა.
და მთის უდაბურ დამკარგავ ტევრში
ლურჯი ტატნობის თვალი ხამია,
აქ კი, დილეგის მწუხარე მტვერში,
ისევ ღამეა, ისევ ღამეა...

აი, ეს არის ჩემი თხოვნა, ქალბატონო თამარ, იქნებ როგორმე დამეხმაროთ. წინასწარ გიხდით მადლობას.
გივი გოგოლაძე


საყვარელ "კარიბჭეს"
მოგესალმებით გლდანის #8 საპყრობილიდან, გმადლობთ, რომ სიყვარულსა და საღვთო მადლს ასე ლამაზად გვაზიარებთ.

...ეკლესიური ცხოვრების აუცილებლობას, სამწუხაროდ, მოგვიანებით მივხვდი, როდესაც განსაცდელი დამატყდა თავს. და რომ არა უფალთან დაბრუნება, არ ვიცი, როგორ გავძლებდი. გული მწყდება, რომ თავიდანვე არ დავიწყე ეკლესიური ცხოვრება, არ ვმონაწილეობდი წმინდა საიდუმლოებებში, რაც ნამდვილად უმაღლესი ბედნიერებაა.

მინდა დიდი პატივისცემა და სიყვარული გამოვხატო ბერ სვიმონ აბრამიშვილის, მამა ბართლომეს, მამა ილიას (ადანია), ბერ ბენიამინ ბელქანიას, ბერ იერემიას, ჩემი მოძღვრის დეკანოზ მიქაელ ქადაგიშვილის მიმართ; ისინი უცხოს თუ ნაცნობს, თანაბრად უნაწილებენ საღვთო სითბოს და სიყვარულს, მათი მზრუნველობა ყველას უხვად ეფინება. ღმერთმა მოგვცეს მათნაირი ნიჭი სიყვარულისა; სიყვარული ხომ ნამდვილი ბედნიერების სათავეა. მათთან ერთად მინდა მადლობა გადავუხადო ჩემს დას, მორჩილ ირინე ჭითანავას, რომელიც ვაჟკაცურად გვიდგას გვერდში მე და ჩემს ოჯახს.

უფლება არა მაქვს, არ დავაფასო და მადლიერება არ გამოვხატო გლდანის #8 საპყრობილეს ადმინისტრაციის, ბ-ნ თამაზ მელაძის მიმართ, რომელთა თავდაუზოგავი შრომის შედეგად საუკეთესო პირობებია შექმნილი სამღვდელოების წარმომადგენლებთან შეხვედრისთვის და არა მარტო...

დაბოლოს, ჟურნალ "კარიბჭის" ყველა მკითხველი ღირსეულად შევსულიყავით მარადიული სასუფევლის კარიბჭეში.

სიყვარულითა და პატივისცემით -
გლდანის #8 საპყრობილის მსჯავრდებული მერაბ ჭითანავა
ბეჭდვაელფოსტა
კომენტარი არ გაკეთებულა
სხვა სიახლეები
23.05.2018
როცა ხანცთისკენ მიმავალ ციცაბო გზაზე ავდიოდით ჩემს გულში სამი სახე მესახებოდა: ერთ მხარეს კლდე (ქრისტე), შუაში გზა (ადამიანის ღვაწლი) და მეორე მხარეს გადასავარდნი (სიკვდილის ტოლფასი დაცემა - უნანელობა).
23.09.2017
ჩვენი ჟურნალისა და ვებ-გვერდის მკითხველმა მოგვწერა წერილი და გვთხოვა გამოგექვეყნებინა. ვასრულებთ მის თხოვნას. მადლობა მას და მადლობა თითოეულ თქვენგანს,
30.05.2016
დათო ხვედელიძე სოციალურ ქსელში იხსენებს:
2008 წლის ადრიანი ზაფხული იქნებოდა, აღარ მახსოვს სად მივდიოდი...
04.01.2016
იმერელი მუსიკოსი ევროპაში - ემიგრანტის დღიურიდან

თეა კეკუა გერმანიაში, მიუნხენის ქართული ემიგრაციის ნაწილია. ნიჭიერი ახალგაზრდა საკუთარ სათქმელს მცირე ჩანახატით გადმოგვცემს:
27.12.2015
რა არის ქრისტიანობა? როდის ვხდებით ჭეშმარიტი ქრისტიანები? მხოლოდ ეკლესიაში სიარული და გასაჭირში ლოცვის კითხვა მაქცევს უფლის შვილად?
10.10.2013
ჩემი ნატვრა
საწერ მაგიდაზე გაშლილი მაქვს საქართველოს პატარა რუკა.
29.08.2013
საპყრობილესა შინა მყოფნი
ალექსანდრე რაზმაძემ რამდენიმე თვეა, საპყრობილე დატოვა და ცხოვრებას ღვთისთვის სათნოდ აგრძელებს.
29.08.2013
ჩემი ყურადღება მიიქცია ნიჭიერი ჟურნალისტის, ლელა ჯიყაშვილის საოცრად შთამბეჭდავმა და ემოციურმა სტატიამ სათაურით "უნდა დავბრუნდეთ სამშობლოში"
11.04.2013
"ცოდვა ტკბილია, მერე კი შხამი და სამსალა", - ბრძანებს სულხან-საბა. მართლაც, როდი ვაანალიზებთ გულისთქმას აყოლილნი, რომ შესაძლოა, გონსმოსული, საკუთარმა თავმა დაგტანჯოს.
11.04.2013
მამა დავითის (ნიჟარაძე) წამლის მაკურნებელი ძალა
როდესაც ჯანმრთელობას კარგავ, მაშინ უფრო ახლოს მიდიხარ უფალთან და იქ ეძებ სულის შვებას.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
ჟურნალი
ჟურნალის ბოლო ნომრები:
საქართველოს ეკლესია სამოციქულოა. გადმოცემის მიხედვით, სულთმოფენობის შემდგომ, როცა მოციქულებმა წილი ჰყარეს და სხვადასხვა ქვეყანაში წავიდნენ საქადაგებლად, საქართველო ყოვლადწმიდა ღვთისმშობელს ერგო

casino siteleri 2023 Betpasgiris.vip restbetgiris.co betpastakip.com restbet.com betpas.com restbettakip.com nasiloynanir.co alahabibi.com hipodrombet.com malatya oto kiralama istanbul eşya depolama istanbul-depo.net papyonshop.com beşiktaş sex shop şehirler arası nakliyat ofis taşıma kamyonet.biz.tr malatya temizlik shell aspx shell umitbijuteri.com istanbul evden eve nakliyat

casino siteleri idpcongress.org mobilcasinositeleri.com ilbet ilbet giris ilbet yeni giris vdcasino vdcasino giris vdcasino sorunsuz giris betexper betexper giris betexper bahiscom grandpashabet canlı casino malatya ara kiralama

casino siteleri bedava bonus bonus veren siteler bonus veren siteler